Fri, 26 May 2017
Your Visitor Number :-   1039847
SuhisaverSuhisaver Suhisaver
ਵਤਨ ਪਰਤੀ ਉਜ਼ਮਾ ਨੇ ਕਿਹਾ; ਪਾਕਿ ਮੌਤ ਦਾ ਖੂਹ, ਨਿਕਲਣਾ ਮੁਸ਼ਕਲ               ਫਿਲੀਪੀਨਜ਼ 'ਚ ਐਮਰਜੈਂਸੀ, ਆਈ ਐੱਸ ਅੱਤਵਾਦੀਆਂ ਦੇ ਹਮਲਿਆਂ 'ਚ 21 ਮੌਤਾਂ               ਦਸਵੀਂ ਦੇ ਮਾੜੇ ਨਤੀਜਿਆਂ ਨੇ 5 ਜਾਨਾਂ ਲਈਆਂ, ਇੱਕ ਗੰਭੀਰ              

ਆਪਣੀ ਅਮਿੱਟ ਛਾਪ ਛੱਡ ਗਿਆ ਪੰਜਵਾਂ ਸਬਰੰਗ ਰੇਡੀਓ ਵਿਸਾਖੀ ਮੇਲਾ

Posted on:- 01-04-2016

suhisaver

- ਹਰਬੰਸ ਬੁੱਟਰ

ਕੈਲਗਰੀ ਵਿਖੇ ਰੇਡੀਓ ਸਬਰੰਗ ਦੇ ਬੈਨਰ ਹੇਠ ਰਾਜੇਸ ਅੰਗਰਾਲ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਪੰਜਵਾਂ ਵਿਸਾਖੀ ਮੇਲਾ ਜੈਨੇਸਿਸ ਸੈਂਟਰ ਦੇ ਵੱਡ ਅਕਾਰੀ ਹਾਲ ਅੰਦਰ ਕਰਵਾਇਆ ਗਿਆ। ਸੱਚਮੁਚ ਹੀ ਹਾਲ ਅੰਦਰ ਵੜਦਿਆਂ ਪੈਰ ਮਿੱਧਣ ,ਭੀੜ ਕਾਰਣ ਇੱਕ ਦੂਜੇ ਕੂਹਣੀ ਵੱਜਣ ਵਰਗਾ ਮਾਹੌਲ ਪੰਜਾਬ ਦੇ ਕਿਸੇ ਮੇਲੇ ਦੀ ਯਾਦ ਦਿਵਾ ਰਿਹਾ ਸੀ। ਵੱਖੋ ਵੱਖ ਕਿਸਮ ਦੇ ਵਪਾਰਕ ਸਟਾਲ,ਬੰਬੇ ਚੌਪਾਟੀ ਦੀਆਂ ਗਰਮਾ ਗਰਮ ਜਲੇਬੀਆਂ,ਚਾਟ ਪਾਪੜੀ,ਗੁਲਾਬ ਜਾਮੁਣ, ਗੋਲ ਗੱਪਿਆਂ ਵਾਲੀ ਸਟਾਲ ਉੱਪਰ ਖਲੋਤੇ ਮੇਲੇ ਦੇ ਮੇਲਿਆਂ ਵੱਲੋਂ ਅੱਗਾ ਪਿੱਛਾ ਦੇਖ ਕੇ ਮੂੰਹ ਵਿੱਚ ਪਾਇਆ ਗੋਲ ਗੱਪਾ, ਡੋਰੀਆਂ ਪਰਾਂਦੇ, ਜੁੱਤੀਆਂ ਵਾਲੇ ਸਟਾਲ ਜਗਰਾਵਾਂ ਦੀ ਰੌਸਨੀ ਦਾ ਭੁਲੇਖਾ ਪਾ ਰਹੇ ਸਨ। ਸਟੇਜ ਉੱਪਰੋਂ ਨਿੱਕੇ ਬੱਚਿਆਂ ਤੋਂ ਲੈਕੇ ਜਵਾਨ ਮੁਟਿਆਰਾਂ ਅਤੇ 50 ਤੋਂ ਉੱਪਰ ਵਾਲੀਆਂ ਬੀਬੀਆਂ ਦੀ ਜਾਗੋ ਵੀ ਕਮਾਲ ਕਰੀ ਜਾਂਦੀ ਸੀ।ਇੱਕ ਬਾਰ ਸਾਰੇ ਮੇਲੇ ਦਾ ਮਾਹੌਲ ਜ਼ਜਬਾਤੀ ਹੋ ਗਿਆ ਜਦੋਂ ਸਵ: ਮਨਮੀਤ ਸਿੰਘ ਭੁੱਲਰ ਨੂੰ ਕੈਲਗਰੀ ਦੀਆਂ ਸਾਰੀਆਂ ਹੀ ਰਾਜਨੀਤਕ ਹਸਤੀਆਂ ਅਤੇ ਭੁੱਲਰ ਪਰਿਵਾਰ ਨੇ ਸ਼ਰਧਾਜਲੀ ਭੇਟ ਕੀਤੀ।

ਸੋਹਣੀ ਪੱਗ ਬੰਨਣ ਅਤੇ ਲੰਮੀ ਗੁੱਤ ਦੇ ਮੁਕਾਬਲੇ ਵੀ ਬੜੇ ਦਿਲ ਖਿਚਵੇਂ ਸਨ। ਸੋਹਣੀ ਪੱਗ ਬੰਨਣ ਦੇ ਮੁਕਾਬਲਿਆਂ ਵਿੱਚੋਂ ਹਰਪ੍ਰੀਤ ਸਿੰਘ ਚਾਹਲ ਨੇ ਪਹਿਲਾ ਇਨਾਮ ਜਿੱਤਿਆ। ਭੋਲਾ ਸਿੰਘ ਚੌਹਾਨ ਅਤੇ ਉਸਦੇ ਸਾਥੀਆਂ ਨੇ ਜੱਜਾਂ ਦੀ ਵਿਸੇਸ ਭੁਮਿਕਾ ਨਿਭਾਈ।ਲੰਮੀ ਅਤੇ ਸੋਹਣੀ ਗੁੱਤ ਦੇ ਮੁਕਾਬਲਿਆਂ ਵਿੱਚੋਂ ਪਹਿਲਾਂ ਇਨਾਮ ਦਿਵਰੀਤ ਚਾਨਾ ਨਾਂ ਦੀ ਨਿੱਕੀ ਜਿਹੀ ਬਾਲੜੀ ਨੇ ਜਿੱਤਿਆ।ਡਾ: ਬਲਵਿੰਦਰ ਕੌਰ ਬਰਾੜ ਅਤੇ ਗੁਰਚਰਨ ਕੌਰ ਥਿੰਦ ਦੀ ਦੇਖ ਰੇਖ ਹੇਠ ਇਹ ਗੁੱਤ ਗੁੰਦਣ ਦੇ ਮੁਕਾਬਲੇ ਹੋਏ। ਬਿਨਾਂ ਕਿਸੇ ਟਿਕਟ ਦੇ ਅਜਿਹੇ ਮੇਲਿਆਂ ਦੀ ਰੂਪ ਰੇਖਾ ਉਲੀਕਣ ਬਦਲੇ ਰੇਡੀਓ ਸਬਰੰਗ ਵਾਲੇ ਰਾਜੇਸ ਅੰਗਰਾਲ ਜੀ ਵਧਾਈ ਦੇ ਹੱਕਦਾਰ ਹਨ।

Comments

Name (required)

Leave a comment... (required)

Security Code (required)



ਕਾਤਰਾਂ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ