Tue, 23 May 2017
Your Visitor Number :-   1038855
SuhisaverSuhisaver Suhisaver
ਮੈਨਚੈਸਟਰ 'ਚ ਆਤਮਘਾਤੀ ਹਮਲਾ; 22 ਮੌਤਾਂ, 60 ਜ਼ਖ਼ਮੀ               ਭਾਰਤ-ਚੀਨ ਸਰਹੱਦ 'ਤੇ ਸੁਖੋਈ-30 ਜੈੱਟ ਲਾਪਤਾ               ਕੇਜਰੀਵਾਲ ਦੇ ਸਾਂਢੂ ਸੁਰੇਂਦਰ ਕੁਮਾਰ ਬੰਸਲ ਦੇ ਘਰ ਏ ਸੀ ਬੀ ਦਾ ਛਾਪਾ              

ਮੇਰਾ ਪਿਆਰ ਤੇਰਾ ਪਿਆਰ -ਨੀਲ

Posted on:- 21-10-2015

suhisaver

ਮੇਰਾ ਪਿਆਰ ਤਾਂ ਨਿਆਣਿਆਂ ਦੀ ਭੁੱਖ ਵਰਗਾ ਹੈ
ਜੋ ਹਰ ਪਹਿਰ ਮਗਰੋਂ ਹੀ ਜਾਗ ਸਤਾਉਂਦੀ ਹੈ

ਮੇਰਾ ਪਿਆਰ ਤਾਂ ਖ਼ਰ-ਪਤਵਾਰ ਵਰਗਾ ਹੈ
ਜੋ ਨਿੱਤ ਦਿਨ ਹੀ ਪੁੱਟਣੀ ਪੈਂਦੀ ਹੈ,

ਮੇਰਾ ਪਿਆਰ ਤਾਂ ਕਿਸੇ ਰੁੱਖ ਦੀ ਮਜ਼ਬੂਤ ਟਾਣ੍ਹੀ ਵਰਗਾ ਹੈ
ਜਿਸ ਉੱਪਰ ਹਰ ਹਫਤੇ ਕੋਈ ਨਾ ਕੋਈ ਲੋਥ ਝੂਲ ਜਾਂਦੀ ਹੈ

ਮੇਰਾ ਪਿਆਰ ਤਾਂ ਕਰਜ਼ੇ ਦੀ ਕਿਸ਼ਤ ਵਰਗਾ ਹੈ
ਜੋ ਹਰ ਮਹੀਨੇ ਹੀ ਮੋੜਨੀ ਤੈਅ ਬਣਦੀ ਹੈ

ਮੇਰਾ ਪਿਆਰ ਤਾਂ ਖੇਤੀ ਦੀ ਕਿਸੇ ਪੱਤ੍ਰਿਕਾ ਵਰਗਾ ਹੈ
ਜੋ ਹਰ ਤਿਮਾਹੀ ਦੇ ਅੰਤ ਬਾਅਦ ਪ੍ਰਕਾਸ਼ਿਤ ਹੁੰਦੀ ਹੈ

ਮੇਰਾ ਪਿਆਰ ਤਾਂ ਸੌਣੀ-ਹਾੜੀ ਵਰਗਾ ਹੈ
ਜੋ ਹਰ ਛਿਮਾਹੀ ਪੱਕਦੀ ਅਤੇ ਗਹਿੰਦੀ ਹੈ

ਮੇਰਾ ਪਿਆਰ ਤਾਂ ਗਰਭ ਜੂਨੀ ਵਰਗਾ ਹੈ
ਜੋ ਹਰ ਨੋਮਾਹੀ ਗ਼ੁਰਬਤ ਨੂੰ ਜੰਮਦੀ ਹੈ

ਮੇਰਾ ਪਿਆਰ ਤਾਂ ਮਹੂਏ ਦੀ ਕਲੀ ਵਰਗਾ ਹੈ
ਜੋ ਹਰ ਵਰ੍ਹੇ ਮਗਰੋਂ ਇਕ ਵਾਰ ਹੀ ਫੁੱਟਦੀ ਹੈ

ਗ਼ਨੀਮਤ ਹੈ,

ਮੇਰਾ ਪਿਆਰ ਤੇਰੀ ਸਿਆਸੀ ਚੌਣ-ਮੁਹਿਮ ਵਰਗਾ ਨਹੀਂ
ਜੋ ਪੰਜ ਵਰ੍ਹਿਆਂ ਮਗਰੋਂ ਸਿਰਫ ਇਕ ਵਾਰ ਹੀ ਸ਼ਕਲ ਵਿਖਾਉਂਦੀ ਹੈ।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ