Wed, 25 November 2020
Your Visitor Number :-   3064859
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਮਜਬੂਰ -ਸ਼ਿਵ ਕੁਮਾਰ ਬਾਵਾ

Posted on:- 17-03-2014

ਦੋਸਤੋ ਕੀ ਅਸੀਂ ਐਨੇ ਮਜਬੂਰ ਹੋ ਗਏ ਹਾਂ
ਕਿ ਲਾਲ ਪੱਗਾਂ ਵਾਲੇ ਸੰਗੀਨਾਂ ਦੇ ਮੂੰਹ ਦੇ ਮਾਸ
ਤੇ ਦਿਨ ਦਿਹਾੜੇ ਥਾਣਿਆਂ ’ ਚ ਆਪਣੀਆਂ ਇੱਜ਼ਤਾਂ ਦੀ ਪੱਤ
ਲੁੱਟ ਹੁੰਦੀ ਵੇਖ ਵੀ
ਸ਼ਹਿਰ ਦੇ ਚੌਂਕ ’ ਚ ਖੜ੍ਹੇ ਬੇਸ਼ਰਮ ਪੱਥਰ ਦੇ ਬੁੱਤ ਵਾਂਗ
ਬੇਦਰਦ ਹੋ ਗਏ ਹਾਂ

ਇਹ ਰੋਲਾ , ਪਾਪ, ਕਹਿਰ ਸਭ ਕੀ ਹਨ
ਜੋ ਚਗਲ ਰਿਹਾ ਮਨੁੱਖੀ ਵਜੂਦ,
ਕਾਲ ਕੋਠੜੀ ’ ਚ ਬਘਿਆੜ ਪੁਲਸੀਆਂ
ਆਦਮ ਖੋਰ ਜੰਗਲੀ ਸ਼ੇਰ ਦੀ ਤਰ੍ਹਾਂ
ਚਿੱਟੇ ਦਿਨ ਪਾੜ ਰਿਹਾ ਹੈ ਮਨੁੱਖ ਨੂੰ
ਤੇ ਮਸ਼ਕਰੀਆਂ ਕਰਦੈ ਬਿੱਲਾ ਜਿਹਾ ਸੰਤਰੀ
ਝਾਂਸੀ ਦੀ ਰਾਣੀ ਜਿਹੀ ਬਹਾਦਰ ਪੰਜਾਬਣ ਨੂੰ
ਸਿਰਫ ਇੱਕ ਰਾਤ ਲਈ ਆਪਣੀ ਰਖੇਲ ਬਣਾਉਣਾ ਲੋਚਦੈ

ਦੋਸਤੋ
ਕੀ ਅਸੀਂ ਮਜਬੂਰੀਆਂ ’ ਚ ਮਜ਼ਬੂਰ ਹਾਂ
ਜਾਂ ਇਸ ਕਹਿਰ ਨੂੰ ਸਹਿਣ ਕਰਨ ਦੇ ਆਦੀ ਹਾਂ
ਅਸੀਂ ਕੀ ਹਾਂ

ਸੱਭਿਅਕ ਸਮਾਜ ਅੰਦਰ ਪਲ ਰਹੇ
ਚਿੱਟੇ ਦੁੱਧ ਧੋਤੇ ਪਹਿਰਾਵਿਆਂ ਵਾਲੇ ਆਗੂਆਂ ਨੂੰ
ਕੁਰਸੀ ’ਤੇ ਬੈਠਾਉਣ ਵਾਲੇ ਮਜ਼ਬੂਰ ਹਾਂ।
ਇਨਕਲਾਬੀਏ ਕ੍ਰਾਂਤੀਕਾਰੀਏ ਜ਼ਰੂਰ ਸਾਂ

ਪਰ ਅੱਜ ਕੱਲ੍ਹ ਇਹਨਾਂ ਚਿੱਟੇ ਪਹਿਰਾਵਿਆਂ ਵਾਲੇ ਆਗੂਆਂ ਦੇ ਰਾਜ ਅੰਦਰ
ਇਹ ਦਹਿਸ਼ਤ ਭਰੀਆਂ ਜ਼ਿਆਦਤੀਆਂ ਸਹਿਣ ਵਾਲੇ ਮਜਬੂਰ ਹਾਂ
ਸੋ ਦੋਸਤੋ

ਸੱਚ ਮੁੱਚ ਅਸੀਂ ਅੱਜ ਕੱਲ੍ਹ
ਐਨੇ ਮਜਬੂਰ ਹਾਂ
ਕਿ ਸ਼ਹਿਰ ਦੇ ਚੌਂਕ ’ ਚ ਖੜ੍ਹੇ ਬੇਸ਼ਰਮ ਪੱਥਰ ਦੇ ਬੁੱਤ ਵਾਂਗ
ਬੇਦਰਦ ਹੋ ਗਏ ਹਾਂ।

ਸੰਪਰਕ : +91 95929 54007

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ