Sat, 17 April 2021
Your Visitor Number :-   4464934
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ - ਪਾਲੀ ਖ਼ਾਦਿਮ

Posted on:- 20-04-2014



ਧਰਤ ਤੇ ਹੁਣ ਰੱਬ ਦੇ ਨਾਂ ਵਿਛ ਗਿਆ ਇੱਕ ਜਾਲ ਹੈ।
ਸੂਰਜਾਂ ਦੇ ਹੁੰਦਿਆਂ ਵੀ ਰੌਸ਼ਨੀ ਦਾ ਕਾਲ ਹੈ ।

ਰੌਸ਼ਨੀ ਦੀ ਭਾਲ ਵਿੱਚ ਜਦ ਮੈਂ ਤੁਰਾਂ, ਹੈ ਜਾਪਦਾ,
ਨਾਲ ਮੇਰੇ ਤੁਰ ਰਿਹਾ ਇੱਕ ਤਾਰਿਆਂ ਦਾ ਥਾਲ ਹੈ।

ਝਾਂਜਰਾਂ ਛਣਕਾ ਕੇ ਉਹ ਜੋ ਮਹਿਕ ਬਣ ਕੇ ਉੱਡ ਗਈ,
ਮੁੱਦਤਾਂ ਤੋਂ ਓਸ ਦੀ ਹੀ ਚੱਲ ਰਹੀ ਬਸ ਭਾਲ  ਹੈ।

ਜ਼ਿੰਦਗੀ ਦਾ ਫਲਸਫਾ ਜਿਸ ਨੂੰ ਸਮਝ ਹੈ ਆ ਗਿਆ,
ਔਕੜਾਂ ਵਿੱਚ ਮੁਸਕਰਾਵੇ, ਮਸਤ ਰਹਿੰਦੀ ਚਾਲ ਹੈ।

ਖ਼ਾਬ ਦੀ ਅਰਥੀ ਉਠਾਈ ਬੇਕਸਾਂ ਦੇ ਵਾਂਗ ਮੈਂ,
ਗ਼ੈਰ ਕੋਲੇ ਖੜ੍ਹ ਕੇ ਪੁੱਛੇ ਹੁਣ ਤੇਰਾ ਕੀ ਹਾਲ ਹੈ?

ਹਾਂ ਤੇਰੀ ਵਿੱਚ ਹਾਂ ਕਿਵੇਂ ਉਹ ਦੱਸ ਮਿਲਾ ਸਕਦਾ ਭਲਾ,
ਜੋ ਕਦੋ ਦਾ ਕਰ ਰਿਹਾ ਸੰਵਾਦ ਖ਼ੁਦ ਦੇ ਨਾਲ ਹੈ।

ਜੂਨ ਇਕਲਾਪੇ ਦੀ ਮੈਂ ਅਜ਼ਲਾਂ ਤੋਂ ਹੀ ਹੰਢਾ ਰਿਹਾਂ,
ਅੱਥਰੇ ਚਾਵਾਂ ਬਿਨ੍ਹਾਂ ਸਾਹਾਂ ਦੀ ਸੁੰਨੀ ਡਾਲ ਹੈ।

ਗ਼ਮ ਮਿਸਾਲੀ ਕਾਫ਼ਲਾ ਜੋ ਦਰ ਮੇਰੇ ਤੋਂ ਗੁਜ਼ਰਿਆ
ਕਾਫ਼ਲੇ ਦੀ ਚਾਲ ਵਿਚ ਵੀ ਆਪਣਿਆਂ ਦੀ ਚਾਲ ਹੈ।


ਸੰਪਰਕ: +91 99143 10063

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ