ਪਿਆਰ ਦਾ ਸੁਨੇਹਾ -ਬਿੰਦਰ ਜਾਨ ਏ ਸਾਹਿਤ

Posted on:- 20-08-2014

ਪਾਕ ਤੇ ਹਿੰਦੁਸਤਾਨ ਵਾਲੇਓ

ਇਕ ਮਿਕ ਹੋ ਜਾਓ ਯਾਰੋ

ਬੜੇ ਮਾਰਲੇ ਇਕ ਦੂਜੇ ਦੇ
ਹੋਰ ਨਾ ਮਿੱਤਰੋ ਮਾਰੋ

ਹਥਿਆਰਾਂ ਦੀ ਰੇਸ ਨੂ ਛਡੋ
ਨਾ ਜੀਤੋ ਨਾ ਹਾਰੋ

ਜਿਵੇਂ ਯੂਰਪੀ ਮੁਲਖ ਨੇ ਵਸਦੇ
ਤੁਸੀਂ ਵੀ ਵਕਤ ਵਿਚਾਰੋ

ਮਜ਼੍ਹਬੀ ਕੱਟਰਪੰਥੀ ਚੰਦਰੀ
ਮਨ ਚੋਂ ਮੈਲ ਉਤਾਰੋ

ਅੱਤਵਾਦ ਦਾ ਰੁਖ ਜੋ ਪਲਦਾ
ਜੜ੍ਹ ਤੋਂ ਤੁਸੀਂ ਉਖਾੜੋ

ਗ਼ੁੱਸੇ ਗਿਲੇ ਮਿਟਾ ਕੇ ਮਨ ਚੋਂ
ਰਿਸ਼ਤੇ ਨਵੇਂ ਉਸਾਰੋ

ਇਕ ਦੂਜੇ ਨੂੰ ਗਲ ਨਾਲ ਲਾ ਕੇ
ਸੀਨੇ ਬਿੰਦਰਾ ਠਾਰੋ

                                                    ਸੰਪਰਕ:  003 934 543 68549