Tue, 13 April 2021
Your Visitor Number :-   4426605
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਜਸਪ੍ਰੀਤ ਕੌਰ ਦੀਆਂ ਕੁਝ ਰਚਨਾਵਾਂ

Posted on:- 13-09-2014



ਖਾਮੋਸ਼


ਬੱਦਲ ਗਰਜੇ ਬਿਜਲੀ ਚਮਕੇ,
ਲੱਗੇ ਜਿੱਦਾ ਕਾਇਨਾਤ ਨੂੰ ਕਹਿੰਦੇ,
ਖਾਮੋਸ਼ !

ਸਿਰ ਤੇਰੇ ਕਰਜ਼ੇ ਹੱਦੋਂ ਵਧਕੇ,
ਪਾਪ ਨਾ ਕਰ ਵਾਸੀ ਨੂੰ ਕਹਿੰਦੇ,
ਖਾਮੋਸ਼ !

ਸ਼ੋਰ ਮਰਜੇ ਅੱਗੇ ਓਦੇ ਹਰਕੇ,
ਕੀ ਜਮੀਰ ਨੂੰ ਮਨਜ਼ੂਰ ਏ ਕਹਿੰਦੇ,
ਖਾਮੋਸ਼ !

ਮਕਸਦ ਤਰਜੇ ਰਹਿਮ ਕਰਕੇ,
ਕੁਵੇਲੇ ਨੂੰ ਵੇਲੇ ਕਰ ਕਹਿਣਾ ਕਹਿੰਦੇ,
ਖਾਮੋਸ਼ !

ਸੀਨਾ ਤੇਰਾ ਠਰਜੇ ਥੱਕੇ ਤਪਕੇ,
ਭੜਕੀ ਅੱਤਿਆਚਾਰੀ ਅੱਗ ਨੂੰ ਕਹਿੰਦੇ,
ਖਾਮੋਸ਼ !

ਜਿਗਰਾ ਭਰਜੇ ਲੋਭੀ ਜੰਮਕੇ,
ਨਾ ਭਾਰ ਪਾ ਮਾਂ ਦੀ ਕੁੱਖ ਨੂੰ ਕਹਿੰਦੇ,
ਖਾਮੋਸ਼ !

***

ਲਿਸ਼ਕਦੀ ਬਿਜਲੀ

ਤੁਸੀਂ ਅਰਸ਼ਾਂ ਤੇ ਮੈਂ ਫਰਸ਼ਾਂ ਤੇ,
ਕੁੰਡੀ ਅੜੀ ਏ ਐਸੇ ਸ਼ਖ਼ਸਾਂ ਤੇ,
ਚਾਹਤ ਸੀ ਚੰਦ ਨੂੰ ਛੂਹਣਾ,
ਔਕਾਤ ਨੇ ਹੀ ਰੋਕੀ ਰੱਖਿਆ !

ਝਾਤੀ ਲਾਉਣ ਆਈ ਏ ਹਾਲ ਤੇ,
ਆਨੇ ਬਹਾਨੇ ਬੁਲਾਏ ਬਾਰ ਤੇ,
ਹਾਲ ਬੇਹਾਲ ਕੀ ਦੱਸਣਾ,
ਜ਼ਿਕਰ ਕੀ ਕਰਾ ਦੱਬ ਹੀ ਰੱਖਿਆ !

ਚਾਨਣ ਪਾ ਦੇਖੇ ਮੇਰੇ ਜ਼ਖ਼ਮਾਂ ਤੇ,
ਕਿਹੜੀ ਦਵਾ ਭੇਜੇ ਤੂੰ ਲਿਸ਼ਕਾ ਕੇ,
ਪਰ ਮਨਜ਼ੂਰ ਸਵਾਦ ਚੱਖਣਾ,
ਰੋਗ ਨੂੰ ਜਿੰਦਗੀ ਬਣਾ ਹੀ ਰੱਖਿਆ !

ਲੱਗੇ ਖ਼ਬਰ ਲਿਆਈ ਕੋਈ ਪੁੱਛਾਂ ਤੇ,
ਬੀਤੇ ਦਿਨ ਜੇਠ ਹਾ੍ੜ ਦੀਆਂ ਧੁੱਪਾਂ ਤੇ,
ਉਮੀਦ ਬਦਨੀਤੀ ਵੱਲ ਨੀ ਤੱਕਣਾ,
ਹੁਣ ਤਾਂ ਸਭ ਮੰਨ ਮੌਤ ਹੀ ਰੱਖਿਆ !

***

ਕਿਸਮਤ ਕਿੱਥੇ

ਕਦੇ ਦਿਲਾਸਾ ਦੇਵੇ ਮੈਂ ਆਉਂਨੀ ਆ,
ਖੁਸ਼ੀਆਂ ਤੇ ਬਹਾਰਾਂ ਲਿਆਉਂਨੀ ਆ,
ਥੱਕ ਹਾਰ ਉਡੀਕ ਉੱਠ ਮਰਨ ਗਈ,
ਖੌਰੇ ਕਿਸਮਤ ਕਿੱਥੇ ਘਾਹ ਚਰਨ ਗਈ !

ਘੜੀ ਦੇਕੇ ਰਾਹ ਸੋਚ ਦੀ ਕਿੱਧਰ ਨੂੰ ਉੱਡੀ,
ਲੱਗੇ ਹੱਥ ਹੋਰ ਆਈਬੋ ਹੋਕੇ ਮੇਰੀ ਗੁੱਡੀ,
ਝੋਲੀਓ ਮੇਰੀ ਕੱਢ ਹੋਰ ਦੀ ਭਰਨ ਗਈ,
ਖੌਰੇ ਕਿਸਮਤ ਕਿੱਥੇ ਘਾਹ ਚਰਨ ਗਈ !

ਆਪਣਾ ਭਰੋਸਾ ਵੀ ਗਲ ਘੁੱਟ ਘੁੱਟ ਗਵਾਊ,
ਮੇਰਾ ਕੀਤਾ ਨਿਸ਼ਚਾ ਵੀ ਮਿੱਟੀ ਵਿੱਚ ਪਾਊ,
ਕਿੱਲੀ ਲਮਕਾ ਮੈਨੂੰ ਕੀ ਅਨੋਖਾ ਕਰਨ ਗਈ,
ਖੌਰੇ ਕਿਸਮਤ ਕਿੱਥੇ ਘਾਹ ਚਰਨ ਗਈ !

ਕਾਤੋਂ ਖਿੱਚੀਆਂ ਥੱਲੋਂ ਸਾਈਕਲ, ਸਕੂਟਰ, ਕਾਰਾਂ,
ਜੇ ਥੱਲੇ ਸਿੱਟਣਾ ਸੀ ਦਿਖਾਕੇ ਉੱਚੀਆਂ ਉਡਾਰਾਂ,
ਮੇਰੀ ਕੱਖਾਂ ਦੀ ਕੁੱਲੀ ਤੂਫ਼ਾਨਾਂ ਅੱਗੇ ਧਰਨ ਗਈ,
ਖੌਰੇ ਕਿਸਮਤ ਕਿੱਥੇ ਘਾਹ ਚਰਨ ਗਈ !


Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ