Tue, 20 April 2021
Your Visitor Number :-   4493598
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ -ਮੁਹਿੰਦਰਦੀਪ ਗਰੇਵਾਲ

Posted on:- 22-09-2014



ਕਿੰਨੀ ਪੀੜ ਦਿਲਾਂ ਵਿਚ ਪਲਦੀ , ਦਿਲ ਨੂੰ ਪੀੜ ਲਗਾ ਕੇ ਵੇਖ
ਕਿੰਨਾ ਲਾਵਾ ਅਖੀਓਂ ਫੁੱਟਦਾ , ਪਰਤਾਂ ਹੇਠ ਦਬਾ ਕੇ ਵੇਖ

ਕਾਲੇ ਚਿੱਟੇ ਧੱਬੇ ਬਣ ਕੇ ਧੁਪ ਛਾਂ ਧਰਤੀ ’ਤੇ ਘੁੰਮਦੇ
ਸੂਰਜ ਤੇ ਕਾਲੇ ਬੱਦਲਾਂ ਦਾ ਮਨ ਵਿਚ੍ ਖੇਲ ਰਚਾ ਕੇ ਵੇਖ

ਬਿਨ ਪੱਤੇ ਹੋਏ ਰੁੱਖ੍ਹਾਂ ਦਾ ਜਿਸਮ ਕਿਵੇਂ ਕਾਲਖ ਬਣਦਾ
ਆਪਣੇ ਮਨ ਦੇ ਫੁੱਲ ਤੇ ਪੱਤੇ ਕੇਰਾਂ ਪਰੇ ਵਗ੍ਹਾ ਕੇ ਵੇਖ

ਦੂਰ ਹੋਇਆਂ ਤੇ ਕਿੰਜ ਟੁੱਟ ਜਾਂਦਾ ਬੰਦਾ ਆਪਣੀ ਛਾਂ ਕੋਲੋਂ
ਆਪਣੇ ਦਿਲ ਵਿਚ ਪਿਆਰ ਦਾ ਦੀਵਾ ਜਗਦਾ ਜ਼ਰਾ ਬੁਝਾ ਕੇ ਵੇਖ

ਕਿੰਨਾ ਵਿਹੜਾ ਖਿੜ ਜਾਏਗਾ ਸਰਘੀ ਵਾਂਗੂੰ ਵੇਖੀਂ ਫੇਰ
ਨਿਘ੍ਘੀ ਪੌਣ ਦਾ ਬੁੱਲਾ ਬਣ ਕੇ ਮੇਰੇ ਦਰ ਤੇ ਆ ਕੇ ਵੇਖ

ਨਫਰਤ ਦੀ ਅੱਗ ਸਾੜ ਨਾ ਦੇਵੇ ਸਾਰੇ ਪਾਸੇ ਧਰਤੀ ਨੂੰ
ਨੀ ਕਲਮੇਂ ਤੂੰ ਕਲਮਾਂ ਕਠੀਆਂ ਕਰ ਕੇ ਪਿਆਰ ਵਰ੍ਹਾ ਕੇ ਵੇਖ

ਆਪਣੀ ਆਂਦਰ ਖਾਤਿਰ ਕਿੰਝ ਕੋਈ ਜਿਸਮ ਸੜਕ ਤੇ ਰੱਖ ਦਿੰਦਾ
ਕੇਰਾਂ ਸੜਕ ਤੇ ਇਹਨ੍ਹਾਂ ਵਾਗੂੰ  ਘਰ ਦਰ ਵਾਲਿਆ ਆ ਕੇ ਦੇਖ

ਨ੍ਹੇਰੇ ਦੀ ਗੱਲ ਛੇੜਣ ਉੱਤੇ ਚਾਨਣ ਵਾਲੇ ਹੱਸਣ ਗਏ  
ਦੀਪ ਜ਼ਰਾ ਤੂੰ ਓਹਨਾਂ ਤਾਈ ਨ੍ਹੇਰਾ ਪੱਖ ਵਿਖਾ ਕੇ ਵੇਖ

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ