Mon, 16 July 2018
Your Visitor Number :-   970163
SuhisaverSuhisaver Suhisaver
ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ’ਚ ਵਾਧਾ               ਕਰਨਾਟਕ ’ਚ 34 ਹਜ਼ਾਰ ਕਰੋੜ ਰੁਪਏ ਦੀ ਕਿਸਾਨ ਕਰਜ਼ਾ ਮੁਆਫ਼ੀ ਦਾ ਐਲਾਨ              

ਔਰਤ –ਬਿੰਦਰ ਜਾਨ-ਏ-ਸਾਹਿਤ

Posted on:- 19-10-2014



ਨੱਚਦੀ ਔਰਤ ਗਾਉਂਦੀ ਔਰਤ
ਜੱਗ ਦੇ ਖ਼ਾਬ ਸਜਾਂਦੀ ਔਰਤ

ਕਿਹਾ ਸਮਾਜ ਅੱਜ ਡਰਦੀ ਦਿਸੇ
ਸੰਭਲ ਸੰਭਲ ਕੇ ਜਾਂਦੀ ਔਰਤ

ਮਜਬੂਰੀ ਵਿਚ ਉਲਝੀ ਦਿਸਦੀ
ਕਿਧਰੇ ਜਿਸਮ ਦਿਖਾਂਦੀ ਔਰਤ

ਗਿੱਧੇ ਭੰਗੜੇ ਅੱਜ ਬਦਲ ਗਏ
ਮਹਿਫਿਲਾਂ ਨੂੰ ਰੁਸ਼ਨਾਉਂਦੀ ਔਰਤ

ਜਿਸਮ ਦੇ ਭੁੱਖੇ ਮਰਦ ਸਾਜ਼ਸ਼ੀ
ਕਠਪੁਤਲੀ ਬਣ ਜਾਂਦੀ ਔਰਤ

ਫੈਸ਼ਨ ਸ਼ੋਅ ਅਤੇ ਡਾਂਸ ਬਾਰ ਦੇ
ਚੱਕਰਾਂ ਵਿੱਚ ਫਸ ਜਾਂਦੀ ਔਰਤ

ਮਰਦ ਸਮਾਜ ਬਣ ਬੈਠਾ ਉੱਚਾ
ਖੁਦ ਕਿਉਂ ਫ਼ਰਕ ਬਣਾਂਦੀ ਔਰਤ

ਹਸਦਾ ਵਸਦਾ ਵੇਹੜਾ ਚਾਹੁੰਦੀ
ਹਰ ਪਲ ਖਾਬ ਸਜਾਂਦੀ ਔਰਤ

ਸਮਾਜ ਦੇ ਠੇਕੇ ਦਾਰੋ ਬਖਸ਼ਦੋ
ਹੱਸ ਹੱਸ ਜੀਣਾ ਚਾਹੁੰਦੀ ਔਰਤ


ਸੰਪਰਕ:  003 934 543 68549

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ