Wed, 27 May 2020
Your Visitor Number :-   2518371
SuhisaverSuhisaver Suhisaver
ਸੂਹੀ ਸਵੇਰ ਦਾ ਸਾਲਾਨਾ ਸਮਾਗਮ 9 ਫਰਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ               ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਹੀਂ ਰਹੇ              

ਅੱਖ - ਰਵੇਲ ਸਿੰਘ ਇਟਲੀ

Posted on:- 29-10-2014



ਕਿਹੜੇ ਕੰਮ ਮਿਲਾਈ ਅੱਖ ,
ਕੰਮ ਕਿਸੇ ਨਾ ਆਈ ਅੱਖ ।

ਜਦ ਲੰਘਿਆ ਉਹ ਕੋਲੋਂ ਦੀ,
ਕਾਹਲੀ ਨਾਲ ਚੁਰਾਈ ਅੱਖ ।

ਕਾਲੀ ਭੂਰੀ ਨੀਲੀ ਅੱਖ ,
ਮਟਕਣ ਲਈ ਬਣਾਈ ਅੱਖ ।

ਭੈਂਗੀ, ਟੀਰੀ , ਕਾਣੀ ਅੱਖ ,
ਕਰਦੀ ਹੈ ਚਤੁਰਾਈ ਅੱਖ ।

ਕੋਈ ਤਾਂ ਹੁੰਦੀ ਕੋਮਲ ਅੱਖ ,
ਕੋਈ ਤਾਂ ਵਾਂਗ ਕਸਾਈ ਅੱਖ ।

ਇਸ ਅੱਖ ਦੀ ਹੈ ਖੇਡ ਨਿਰਾਲੀ ,
ਦੁਨੀਆ ਕਰੇ ਸੁਦਾਈ ਅੱਖ ।

ਨਾ ਤੇਰੇ ਵੱਸ ਆਈ ਅੱਖ ,
ਨਾ ਮੇਰੇ ਵੱਸ ਆਈ ਅੱਖ ।

ਮੁਖੜੇ ਤੇ ਹੈ ਸੁੰਦਰਤਾ ਲਈ
ਰੱਬ ਨੇ ਕਿਵੇਂ ਸਜਾਈ ਅੱਖ ।

ਕਦੇ ਨਾ ਟਿਕ ਕੇ ਬਹਿੰਦੀ ਅੱਖ ,
ਜਾਵੇ ਭਰਮ ਭੁਲਾਈ ਅੱਖ ।

ਹਾਏ ਉਹ ਨਖਰੇ ਵਾਲੀ ਅੱਖ ।
ਜਿਸ ਨੂੰ ਤੱਕ ਸ਼ਰਮਾਈ ਅੱਖ ।

ਇਹ ਤੀਰਾਂ ਤੋਂ ਤਿੱਖੀ ਅੱਖ ,
ਜਾਂਦੀ ਪਾਰ ਲੰਘਾਈ ਅੱਖ ।

ਹੋ ਗਏ ਹਾਂ ਪ੍ਰਦੇਸੀ ਜਦ ਤੋਂ ,
ਦੇ ਗਈ ਯਾਰ ਜੁਦਾਈ ਅੱਖ ।

ਇੱਕ ਅੱਖ ਵਿੱਚ ਸੌ ਸੌ ਰਮਜ਼ਾਂ ,
ਜਾਵੇ ਇਹ ਸਮਝਾਈ ਅੱਖ ।

ਹੁਸਨਾਂ ਵਾਲੇ ਮਾਣ ਨੇ ਕਰਦੇ ,
ਜਾਂਦੇ ਜਦ ਮਟਕਾਈ ਅੱਖ ।

ਅੱਖ ਅੱਖ ਵਿੱਚ ਫਰਕ ਬੜਾ ਹੈ ,
ਜਾਂਦੀ ਸਭ ਸਮਝਾਈ ਅੱਖ ।

Comments

ਆਰ.ਬੀ.ਸੋਹਲ

ਬਹੁੱਤ ਖੂਬਸੂਰਤ ਸਾਹਬ ਜੀ

raj rani

khob

nishan

gud

jasvir sidhu

rvel singh ji sira hi la ta wah ji

jasvir sidhu talwandi sabo

apna no send karo ji

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ