Tue, 20 April 2021
Your Visitor Number :-   4489926
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਨਵੇਂ ਸਾਲ ਦੇ ਸੂਰਜਾ ! - ਹਰਜਿੰਦਰ ਸਿੰਘ ਗੁਲਪੁਰ

Posted on:- 31-12-2014

ਨਵੇਂ ਸਾਲ ਦੇ ਸੂਰਜਾ ਜੀ ਆਇਆਂ ,
ਤੈਨੂੰ ਮਥੇ ਲਗਾਉਣ ਦੀ ਕਾਮਨਾ ਹੈ

ਪਈ ਅੱਖਾਂ ਵਿਚ ਆਸ ਦੀ ਚਮਕ ਫਿੱਕੀ,
ਉਹੀ ਆਸ ਚਮਕਾਉਣ ਦੀ ਕਾਮਨਾ ਹੈ

ਤੇਰੇ ਸੇਕ ਨਾਲ ਜ਼ਿੰਦਗੀ ਧੜਕਦੀ ਜੋ,
ਉਹਨੂੰ ਹੋਰ ਧੜਕਉਣ ਦੀ ਕਾਮਨਾ ਹੈ

ਜਿੱਥੇ ਕਿਤੇ ਵੀ ਪਹਿਰਾ ਅਮਾਵਸਾਂ ਦਾ,
ਉਹੀ ਥਾਂ ਰੁਸ਼ਨਾਉਣ ਦੀ ਕਾਮਨਾ ਹੈ

ਤੇਰੇ ਨੱਕ ਦੇ ਹੇਠ ਜੋ ਲਹੂ ਡੁੱਲਾ,
ਉਹਦਾ ਮੁੱਲ ਪੁਆਉਣ ਦੀ ਕਾਮਨਾ ਹੈ

ਹਥ ਤੇਰੀਆਂ ਕਿਰਨਾਂ ਦਾ ਦਾਤ ਲੈਕੇ,
"ਰਾਤਾਂ"ਕਤਲ ਕਰਾਉਣ ਦੀ ਕਾਮਨਾ ਹੈ

ਅਰਬਾਂ ਸਾਲ ਹੋ ਗਈ ਐ ਉਮਰ ਤੇਰੀ,
ਤੇਰੇ ਨਾਲ ਨਿਭਾਉਣ ਦੀ ਕਾਮਨਾ ਹੈ

ਤੇਰੇ ਤੇਜ ਨੂੰ "ਧੁੰਦ"ਦੇ ਗਰਭ ਵਿਚੋਂ,
ਧਰਤੀ ਉੱਤੇ ਲਿਆਉਣ ਦੀ ਕਾਮਨਾ ਹੈ

ਜੁੜੀਆਂ ਕੂੜ ਕਹਾਣੀਆਂ ਨਾਲ ਤੇਰੇ,
ਹਵਾ ਵਿਚ ਉਡਾਉਣ ਦੀ ਕਾਮਨਾ ਹੈ

"ਰੱਬ"ਦੀਆਂ ਰੁਕਾਵਟਾਂ ਪਾਰ ਕਰਕੇ,
ਤੈਨੂੰ "ਗੁਰੂ" ਬਣਾਉਣ ਦੀ ਕਾਮਨਾ ਹੈ

ਤੇਰੇ "ਰੂਪ"ਦਾ ਧਰਤ ਤੇ ਘਾਣ ਹੁੰਦਾ,
ਤੇਰਾ ਘਾਣ ਰੁਕਵਾਉਣ ਦੀ ਕਾਮਨਾ ਹੈ

ਬੁਝ ਗਿਆਂ ਨੂੰ ਸਾਂਭ ਕੇ ਦਿਲਾਂ ਅੰਦਰ,
ਨਵੇਂ ਦੀਪ ਜਗਾਉਣ ਦੀ ਕਾਮਨਾ ਹੈ

ਝਪਟ ਮਾਰੇ ਨਾ ਬੀਤਿਆ ਕਾਲ ਮੁੜਕੇ,
ਚਾਲੂ ਯੁੱਗ ਪਲਟਾਉਣ ਦੀ ਕਾਮਨਾ ਹੈ

ਵਾਹਨ ਬਣੇ ਜੋ ਰਾਹੂਆਂ ਤੇ ਕੇਤੂਆਂ ਦੇ,
ਫੜ ਕੇ ਬੰਦੀ ਬਣਾਉਣ ਦੀ ਕਾਮਨਾ ਹੈ

ਹੰਝੂ ਡਿਗੇ ਨਾ ਕਿਸੇ ਵੀ ਅਖ ਵਿਚੋਂ,
ਸੁਖ ਚੈਨ ਵਰਤਾਉਣ ਦੀ ਕਾਮਨਾ ਹੈ
   
    ਸੰਪਰਕ: 0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ