Sat, 28 November 2020
Your Visitor Number :-   3094993
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਜਵਾਬਦੇਹ - ਮਾਧਵੀ ਕਟਾਰੀਆ

Posted on:- 22-03-2015

suhisaver

ਤੁਰ ਪੈਂਦੇ ਨੇ ਜਦ
ਤਰੇਲ ਦੇ ਤੁਪਕੇ
ਦਿਸਹੱਦਿਆਂ ਦੇ ਪੈਂਡਿਆਂ ਵੱਲ
ਸੂਰਜ ਉੱਗਣ ਸਾਰ ਹੀ
ਤਾਂ
ਕੋਈ ਸਵਾਲ ਨਹੀਂ ਕਰਦਾ ਕਦੇ ਵੀ

ਚਿਤਵਿਆ ਨਹੀਂ ਅਲਹਿਦਗੀ ਦਾ ਸਬੱਬ
ਤੇਰੇ ਚਲੇ ਜਾਣ ਦੇ ਬਾਅਦ ਕਦੇ ਵੀ
ਸਿਰਫ਼ ਕਬੂਲਿਆ ਹੀ
ਸੋਚ ਕੇ ਇਹ
ਕਿ
ਹੁੰਦਾ ਹੈ ਇਕ ਕਾਵਿ ਸ਼ਾਸਤਰ ਜਵਾਬਦੇਹੀ ਦਾ ਵੀ

ਕਿਓਂ ਕਰ ਚੱਲੇ
ਅਮਰੀਕਾ  ਵਿੱਚ ਮੁਕੱਦਮਾ
ਜੂਲੀਅਨ ਅਸਾਂਜ ’ਤੇ?
ਉਹ ਅਮਰੀਕੀ ਨਹੀਂ
ਕਿ ਹੋਵੇ ਜਵਾਬਦੇਹ
ਉਸ ਦੀ ਜਸੂਸੀ ਦੇ ਕਨੂੰਨ ਨੂੰ ਵੀ?

ਲਈ ਹੈ ਸੂਹ
ਜੂਲੀਅਨ ਅਸਾਂਜ ਨੇ
ਉਸ ਦੀ ਚੌਧਰ ਦੀ
ਬਣਦੀ ਹੈ ਜਵਾਬਦੇਹੀ ਬੜੀ ਵੱਡੀ ਜਿਸ ਦੀ
ਜੋ ਕਰਦਾ ਹੈ ਰੱਜ ਕੇ ਸਵਾਂਗ
ਮਨੁੱਖਤਾ ਦੇ ਨਾਂ 'ਤੇ
ਦਿਨ ਰਾਤ ਲਗਾਤਾਰ ਲਗਾਤਾਰ

ਸੂਰਜ ਦੀਆਂ ਰਿਸ਼ਮਾਂ
ਨਹੀਂ ਜਵਾਬਦੇਹ
ਤਰੇਲ ਦੇ ਹੰਝੂਆਂ ਨੂੰ
ਨਾ ਤੂੰ
ਮੇਰੇ ਦਿਲ ਦੀਆਂ ਤਰੇੜਾਂ ਵਿੱਚ
ਅੱਖਾਂ ਥਾਣੀਂ ਇਕੱਤਰ ਹੋ ਰਹੇ
ਲੂਣ ਨੂੰ
ਨਾ ਹੀ
ਜੂਲੀਅਨ ਅਸਾਂਜ, ਸਨੋਡਨ ਤੇ ਮੈਨਿੰਗ
ਅਮਰੀਕਾ ਦੇ ਅਡੰਬਰਾਂ ਨੂੰ
 
ਲੰਘ ਹੀ ਜਾਣੇ ਚਾਹੀਦੇ ਨੇ
ਜ਼ਿੰਦਗੀ ਦੇ ਵਰਤਾਰੇ
ਸਹਿਜੇ ਸਹਿਜੇ
ਹੁੰਦਾ ਨਹੀਂ ਕਦੇ
ਚੌਧਰ ਤੋਂ ਵੱਡਾ ਖ਼ਲਲ
ਜ਼ਿੰਦਗੀ ਵਿੱਚ ਕੋਈ
ਤੇ
ਖ਼ਤਰਨਾਕ ਹੈ ਹਰ ਚੌਧਰ
ਮਨੁੱਖ ਦੀ, ਧਰਮ ਦੀ, ਦੇਸ਼ ਦੀ
ਉਹ ਕੱਲ੍ਹ ਵੀ ਸੀ ਖ਼ਤਰਨਾਕ,
ਅੱਜ ਵੀ ਹੈ ਤੇ ਰਹੇਗੀ ਖ਼ਤਰਨਾਕ ਕੱਲ੍ਹ ਵੀ।

ਈ-ਮੇਲ: [email protected]

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ