Sat, 17 April 2021
Your Visitor Number :-   4463969
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਜ਼ਮੀਨ ਉੱਤੇ - ਹਰਜਿੰਦਰ ਸਿੰਘ ਗੁਲਪੁਰ

Posted on:- 28-04-2015

suhisaver

ਹੁੰਦੇ ਹਾਦਸੇ ਬੜੇ ਅਸਮਾਨ ਅੰਦਰ,
ਟੁੱਟਦੇ ਤਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਬਾਰਸ਼ ਹੁੰਦੀ ਹੈ ਭਾਵੇਂ ਆਕਾਸ਼ ਵਿਚੋਂ,
ਹੰਝੂ ਖਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਤਿੰਨਾਂ ਲੋਕਾਂ ਦੇ ਭਰਮ ਵਿਚ ਲੋਕ ਪਾਕੇ,
ਬੰਦੇ ਮਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਲਾਸ਼ਾਂ ਨਾਲ ਨੇ ਜਿਹੜੇ ਤੰਦੂਰ ਤਪਦੇ,
ਰਲ ਕੇ ਠਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਕਲਾਕਾਰ ਵਿਚਾਲਿਓਂ ਬੋਚ ਲੈਂਦੇ,
ਨੋਟ ਵਾਰੇ ਜੋ ਹੁੰਦੇ ਜ਼ਮੀਨ ਉੱਤੇ।

ਮੱਲ ਲੈਂਦੇ ਨੇ ਰਾਜਸੀ "ਰੁਖ" ਜਾ ਕੇ,
ਚਲਦੇ ਆਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਫੇਸ ਬੁੱਕ ਤੇ ਕੋਈ ਵੀ ਸਮਝਦਾ ਨੀ,
ਲਗਦੇ ਲਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਭੁੱਲ ਜਾਂਦੇ ਨੇ ਹਵਾ ਹਵਾਈ ਹੋ ਕੇ,
ਇਥੇ ਸਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਡਾਹ ਲੈਂਦੇ ਨੇ ਕੁਰਸੀਆਂ ਸਿਰਾਂ ਉਪਰ,
ਜਿਹੜੇ ਹਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਹਵਾ ਮਹਿਲ ਦੇ ਵਾਸੀਓ ਆਓ ਥੱਲੇ,
ਕੁੱਲੀਆਂ ਢਾਰੇ ਵੀ ਹੁੰਦੇ ਜ਼ਮੀਨ ਉੱਤੇ।

ਸੰਪਰਕ: 0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ