Thu, 28 January 2021
Your Visitor Number :-   3616252
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ -ਆਰ.ਬੀ.ਸੋਹਲ

Posted on:- 28-04-2015

suhisaver

ਰੂਹ  ਰੁੱਸ  ਗਈ  ਹੈ ਯਾਰੋ, ਉਸਨੂੰ  ਮਨਾ  ਰਹੇ  ਹਾਂ।
ਦਿਲ   ਦੇ  ਉਦਾਸ  ਵਿਹੜੇ, ਆਸਾਂ  ਸਜਾ  ਰਹੇ ਹਾਂ ।
 
ਵਿੰਨਦੇ   ਨੇ  ਆਤਮਾ   ਨੂੰ, ਆਪਣੇ  ਹੀ  ਲੋਕ  ਭਾਂਵੇ,
ਗੈਰਾਂ  ਦੀ  ਪੀੜ  ਫਿਰ ਵੀ ,ਆਪਣੀ  ਬਣਾ ਰਹੇ ਹਾਂ
 
ਕਰ ਕੇ  ਜ਼ੁਬਾਨ  ਫਿਰ  ਨਾ, ਹੋਏ  ਕਦੇ  ਵੀ ਮੁਨਕਰ,
ਅੱਗ  ਦੀ  ਨਦੀ  ਨੂੰ  ਤਰ  ਕੇ ,ਵਾਧੇ  ਪੁਗਾ ਰਹੇ ਹਾਂ ।
 
ਪੱਤਝੜ   ਦੇ  ਦੌਰ   ਅੰਦਰ , ਲੱਭਦੇ  ਪਏ  ਬਹਾਰਾਂ,
ਟੁੰਡਾਂ   ਤੇ   ਰੋਜ਼   ਸੱਜਰੇ,  ਪੱਤੇ   ਸਜਾ  ਰਹੇ  ਹਾਂ ।
 
ਰਾਹਾਂ  ‘ਚ   ਬਹੁਤ  ਸੂਲਾਂ, ਹੋਏ   ਨੇ  ਪੈਰ  ਜ਼ਖਮੀਂ,
ਰਫਤਾਰ  ਸਹਿਜ  ਵਾਲੀ, ਫਿਰ  ਵੀ  ਬਚਾ ਰਹੇ ਹਾਂ ।
 
ਆਪਾਂ  ਹਾਂ ਸੱਚ  ਦੇ  ਜੁਗਨੂੰ, ਕੁਫਰਾਂ  ਦੀ ਰਾਤ ਕਾਲੀ,
ਆਪਾ  ਜਲਾ  ਕੇ  ਆਪਣਾ , ਨ੍ਹੇਰਾ  ਮੁਕਾ  ਰਹੇ   ਹਾਂ ।
 
ਹਰ  ਇੱਕ  ਖੁਸ਼ੀ  ਦਾ  ਪੰਛੀ, ਮਾਣੇ  ਸਦਾ  ਅਜਾਦੀ,
ਜੋ  ਕੈਦ  ਹੈ  ਗ਼ਮਾਂ  ਦੀ,  ਉਸਤੋਂ   ਛੁਡਾ  ਰਹੇ  ਹਾਂ ।
 
ਜ਼ਿੰਦਗੀ ਨੂੰ ਮਿਲ ਕੇ ਸਾਡੀ, ਹੁਣ ਮੁੱਕ ਗਈ ਹੈ ਭਟਕਣ,
ਖਾਬਾਂ  ਦੇ  ਖੇਤ ਵਿਚ ਹੁਣ, ਰੀਝਾਂ  ਉਗਾ   ਰਹੇ  ਹਾਂ ।

Comments

ਸ਼ਮਸ਼ੇਰ ਸੰਧੂ

ਜ਼ਿੰਦਗੀ ਨੂੰ ਮਿਲ ਕੇ ਸਾਡੀ, ਹੁਣ ਮੁੱਕ ਗਈ ਹੈ ਭਟਕਣ, ਖਾਬਾਂ ਦੇ ਖੇਤ ਵਿਚ ਹੁਣ, ਰੀਝਾਂ ਉਗਾ ਰਹੇ ਹਾਂ । ਵਾਹ ਖੂਬ ਕਿਹਾ ਹੈ

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ