ਸੁਪਨੇ - ਗੁਰਪ੍ਰੀਤ ਸਿੰਘ ਰੰਗੀਲਪੁਰ

ਅੱਜ ਦੌੜ ਦੇ ਯੁੱਗ ਵਿੱਚ
ਪੈਸੇ ਦੀ ਅੰਨ੍ਹੀ ਭੁੱਖ ਲਈ
ਸਬਜ਼ਬਾਗ ਵਿਖਾ ਕੇ
ਬਣਾਏ ਸੁਪਨੇ ਸੁਪਨੇ ਨਹੀਂ
ਸੁਪਨੇ ਆਪ-ਮੁਹਾਰੇ ਆਉਂਦੈ ।

ਮੁੱਠੀ ਕੁ ਲੋਕਾਂ ਵੱਲੋਂ
ਸਾਨੂੰ ਸੁੱਤਿਆਂ ਰੱਖਣ ਲਈ
ਸਾਰੇ ਸਾਧਨ ਲੁੱਟਣ ਲਈ
ਮੱਕੜ-ਜਾਲ 'ਚ ਫਸਾ ਕੇ
ਵਿਖਾਏ ਸੁਪਨੇ ਸੁਪਨੇ ਨਹੀਂ
ਸੁਪਨੇ ਆਪ-ਮੁਹਾਰੇ ਆਉਂਦੈ ।

ਸਾਡੇ ਸੁਪਨੇ ਸੀਮਤ ਕਰਤੇ
ਵੱਡੇ ਘਰ ਲਈ ਵੱਡੇ ਲੋਨ ਦੇ
ਗੱਡੀ, ਨੱਢੀ ਜਾਂ ਆਈ ਫੋਨ ਦੇ
ਪੈੱਗ-ਸ਼ੈੱਗ ਜਾਂ ਪੱਬਾਂ-ਕਲੱਬਾਂ
ਢਾਂਚਾ ਦੇ ਬਣਾਏ ਸੁਪਨੇ ਨਹੀਂ
ਸੁਪਨੇ ਆਪ-ਮੁਹਾਰੇ ਆਉਂਦੈ ।


ਸੁਪਨੇ ਸਾਡੇ ਖੋਹ ਲਏ ਸਾਥੋਂ
ਬੱਚਿਆਂ ਨੂੰ ਪੜਾ ਨਹੀਂ ਸਕਦੇ
ਮਹਿੰਗੇ ਇਲਾਜ ਕਰਾ ਨਹੀਂ ਸਕਦੇ
ਰੱਜ ਕੇ ਰੋਟੀ ਖਾ ਨਹੀਂ ਸਕਦੇ
ਰੀਝਾਂ ਦਫਨਾ ਕੇ ਆਏ ਸੁਪਨੇ ਨਹੀਂ
ਸੁਪਨੇ ਆਪ-ਮੁਹਾਰੇ ਆਉਂਦੈ ।