Tue, 20 April 2021
Your Visitor Number :-   4493547
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਲਲਿਤ ਆਸਣ - ਹਰਜਿੰਦਰ ਸਿੰਘ ਗੁਲਪੁਰ

Posted on:- 23-06-2015

suhisaver

ਦੇਸ਼ ਵਾਸੀਓ ਦਿੱਲੀ ਦਾ ਰੰਗ ਦੇਖੋ,
ਇੱਕ ਆਰ ਦਿੱਲੀ ਇੱਕ ਪਾਰ 'ਦਿੱਲੀ'

ਇੱਕ ਪਤਝੜਾਂ ਨਾਲ ਦੋ ਚਾਰ ਹੁੰਦੀ,
ਇੱਕ ਰਹਿੰਦੀ ਹੈ ਵਿਚ ਬਹਾਰ 'ਦਿੱਲੀ'।

ਖੜੀ ਹੋ ਕੇ ਚਾਂਦਨੀ ਚੌਂਕ ਅੰਦਰ,
ਕਰਦੀ ਆਈ ਹੈ ਸਿਰਾਂ ’ਤੇ ਵਾਰ 'ਦਿੱਲੀ'।

ਜਿਹੜੇ ਰਾਜਸੀ ਰੋਟੀਆਂ ਸੇਕਦੇ ਨੇ,
ਉਹਨਾਂ ਵਾਸਤੇ ਹੈ ਰੁਜ਼ਗਾਰ 'ਦਿੱਲੀ'।

ਨੈਤਿਕ ਤੌਰ ’ਤੇ ਕਦੇ ਵੀ ਨਹੀਂ ਜਿੱਤੀ,
ਝਲਦੀ ਰਹੀ ਐ ਸਦਾ ਹੀ ਹਾਰ 'ਦਿੱਲੀ'।

ਜਿਹੜੀ ਠੋਸਦੀ ਯੋਗ ਨੂੰ ਸਿਰਾਂ ਉੱਤੇ,
ਨਹੀਂ ਬਹੁਤਿਆਂ ਨੂੰ ਸਵੀਕਾਰ 'ਦਿੱਲੀ'।

ਖੁਰਕ ਹੁੰਦੀ ਜਦ ਦਿੱਲੀ ਦੇ ਨੱਕ ਥੱਲੇ,
'ਛਿੱਕ'ਮਾਰ ਕੇ ਕੱਢੇ ਗੁਬਾਰ 'ਦਿੱਲੀ'।

ਜਿਹੜੇ ਫਸੇ ਚੁਰਾਸੀ ਦੇ ਗੇੜ ਅੰਦਰ,
ਆਖੇ ਉਨ੍ਹਾਂ ਨੂੰ ਜੁੰਡੀ ਦੇ ਯਾਰ 'ਦਿੱਲੀ',

ਰੰਗ ਦਿੱਲੀ ਦਾ ਜਦੋਂ ਵੀ ਖੁਰਨ ਲੱਗੇ,
ਪੂਰੇ ਦੇਸ਼ ਨੂੰ ਕਰੇ ਖੁਆਰ 'ਦਿੱਲੀ'।

ਕਰਕੇ ਯੋਗ ਦੀ ਥਾਂ ’ਤੇ ਲਲਿਤ ਆਸਣ,
ਆਮ ਲੋਕਾਂ ਨੂੰ ਰਹੀ ਹੈ ਚਾਰ 'ਦਿੱਲੀ'।

ਖੂਨ ਲੋਕਾਂ ਦਾ ਚੂਸਦੀ ਜੋਕ ਬਣਕੇ,
ਬਣੀ ਹੋਈ ਹੈ ਸਿਰਾਂ ’ਤੇ ਭਾਰ 'ਦਿੱਲੀ'।

ਸੰਪਰਕ: 0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ