ਗ਼ਜ਼ਲ - ਆਰ.ਬੀ.ਸੋਹਲ

Posted on:- 26-07-2015

ਨ੍ਹੇਰ ਤਾਂ ਭਾਵੇਂ ਸਦਾ   ਰਸਤੇ   ਭੁਲਾਉਂਦੇ ਰਹਿਣਗੇ ।
ਸੋਚ ਦੇ ਜੁਗਨੂੰ ਵੀ ਐਪਰ ਰਾਹ ਵਿਖਾਉਂਦੇ ਰਹਿਣਗੇ ।

ਸਫ਼ਰ ਨੂੰ   ਰੱਖਣਾ ਤੂੰ   ਜਾਰੀ   ਤੋਰ ਮੱਠੀ ਨਾ ਕਰੀਂ,
ਕਸ਼ਟ ਭਾਵੇਂ   ਬੇੜੀਆਂ   ਪੈਰਾਂ ‘ਚ ਪਾਉਂਦੇ ਰਹਿਣਗੇ ।

ਬੈਠਿਓ   ਨਾ ਹਾਰ   ਕੇ   ਖੁੰਝਦਾ ਹੈ ਮੌਕਾ   ਜੇ ਕੋਈ,
ਛੱਡਿਓ   ਨਾ   ਕੋਸ਼ਿਸ਼ਾਂ ਮੌਕੇ   ਤਾਂ   ਆਉਂਦੇ ਰਹਿਣਗੇ ।

ਕਰ ਲਵੀਂ   ਵੱਖਰਾ ਖੁਸ਼ੀ ਨੂੰ ਤੂੰ ਗ਼ਮਾਂ ਦੇ ਢੇਰ ਤੋਂ,
ਗ਼ਮ ਖੁਸ਼ੀ ਨੂੰ ਦੱਬ ਕੇ ਪਹਿਰਾ ਵੀ ਬਿਠਾਉਂਦੇ ਰਹਿਣਗੇ ।

ਤਿੜਕ ਜਾਵੇ ਦਿਲ ਕਿਸੇ ਦਾ ਕਰਮ ਐਸੇ ਨਾ ਕਰੀਂ,
ਉਹ ਨਹੀਂ ਤਾਂ ਰੂਹ ਤੇ ਖੰਜ਼ਰ ਹੀ ਚੁਬਾਉਂਦੇ ਰਹਿਣਗੇ ।

ਹੌਸਲਾ   ਆਪਣਾ ਬਣਾਈ   ਵਾਂਗ ਪਰਬਤ   ਦੇ ਸਦਾ,
ਫਿਰ ਨਾ ਗ਼ਮ ਦੇ ਹੜ੍ਹ ਕਦੇ ਤੈਨੂੰ ਵਹਾਉਂਦੇ ਰਹਿਣਗੇ ।

ਤਰਸ   ਜਾਵੇਂ   ਤੂੰ ਬਬੀਹੇ ਵਾਂਗ ਜਦ ਇੱਕ ਬੂੰਦ ਨੂੰ,
ਦਿਲ ਦੇ ਮਹਿਰਮ ਹੀ ਸੁਆਂਤੀ ਮੀਹ ਵਰ੍ਹਾਉਂਦੇ ਰਹਿਣਗੇ ।

ਕਲਮ   ਸੋਹਲ    ਤੂੰ   ਚਲਾਵੀਂ   ਰੌਸ਼ਨੀ   ਦੇ   ਵਾਸਤੇ ,
ਸ਼ਿਅਰ ਤੇਰੇ   ਫਿਰ ਗਜ਼ਲ ਨੂੰ ਵੀ ਸਜਾਉਂਦੇ ਰਹਿਣਗੇ ।

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 26-07-2015

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ