Tue, 13 April 2021
Your Visitor Number :-   4426092
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ- ਡਾ. ਅਮਰਜੀਤ ਟਾਂਡਾ

Posted on:- 26-07-2015

suhisaver

ਮੈਂ ਨਹੀਂ ਸੀ ਕਾਲੀਆਂ ਰਾਤਾਂ ਮੰਗੀਆਂ
ਤੂੰ ਕਿਉਂ ਮਾਵਾਂ ਪੁੱਤਾਂ ਉਡੀਕੀਂ ਟੰਗੀਆਂ

ਸੂਰਜ ਬਲਦਾ ਫਿਰਦਾ ਸੀ ਪਿੰਡ ਇੱਕ
ਰਿਸ਼ਮਾਂ ਓਹਦੀਆਂ ਸਨ ਖ਼ੂਨ 'ਚ ਰੰਗੀਆਂ

ਲਿਖਾਂ ਕਿੱਦਾਂ ਗੀਤ ਭੈਣ ਦੇ ਚਾ ਵਰਗਾ
ਤੈਂ ਫ਼ਤਵੇ ਦੇ ਕਲਮਾਂ ਸੂਲੀ ਟੰਗੀਆਂ

ਖਬਰੇ ਇਹਨਾਂ ਦੀ ਕਦ ਮੁੱਕੇਗੀ ਪਿਆਸ
ਤੁਰੀਆਂ ਫਿਰਨ ਰੋਜ਼ ਤਲਵਾਰਾਂ ਨੰਗੀਆਂ

ਰਾਤ ਇੱਕ ਸੁਣਿਆ ਮੈਂ ਗੀਤ ਰੁੱਖ ਦਾ
ਸੁਰਾਂ ਸਨ ਉਸ ਗੀਤ ਦੀਆਂ ਵੈਰੰਗੀਆਂ

ਬਿਨ ਡੁੱਬਿਆਂ ਨਾ ਗੀਤ ਝਨ੍ਹਾਂ ’ਚੋਂ ਲੱਭਦੇ
ਤਾਂਹੀਂ ਤਰਜ਼ਾਂ ਡੁੱਬੀਆਂ ਤੈਥੋਂ ਚੰਗੀਆਂ

ਕਫ਼ਨ ਵੀ ਨਾ ਜੁੜਨ ਏਥੇ ਜਿਸਮਾਂ ਨੂੰ
ਸਾੜ੍ਹਨ ਮੇਰੀਆਂ ਨਜ਼ਮਾਂ ਕਫ਼ਨੋਂ ਨੰਗੀਆਂ

ਵੈਣ ਸੁਣੇ ਨਾ ਜਾਣ ਨਦੀ ਦੀਆਂ ਲਹਿਰਾਂ ਦੇ
ਖਬਰੇ ਇਹਨਾਂ ਦੀਆਂ ਹਿੱਕਾਂ ਵਿਚ ਕੀ ਤੰਗੀਆਂ

ਤੇਰੇ ਦਰੀਂ ਕੀ ਦੇਖਾਂ ਦੀਵੇ ਜਗਦੇ
ਮੇਰੇ ਪਿੰਡੋਂ ਲਾਸ਼ਾਂ ਰਾਤੀਂ ਲੰਘੀਆਂ

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ