Tue, 20 April 2021
Your Visitor Number :-   4493712
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਮਾਹੀਆ -ਐੱਸ ਸੁਰਿੰਦਰ

Posted on:- 09-08-2015

suhisaver

ਤੇਰੀ ਯਾਦ ਨੇ ਫੜਿਆ ਵੇ ।
ਕੀ ਤੈਨੂੰ ਦੱਸਾ ਸੱਜਣਾ,ਰੰਗ ਸੱਧਰਾਂ ਦਾ ਹੜ੍ਹਿਆ ਵੇ ।

ਕੈਸਾ ਦਿਨ ਅੱਜ ਚੜ੍ਹਿਆ ਵੇ ।
ਹੰਝੂਆਂ ਦਾ ਹੜ੍ਹ ਆ ਗਿਆ,ਸੱਪ ਦੀਦ ਦਾ ਲੜਿਆ ਵੇ ।

ਫੁੱਲ ਰੋਹੀ ਸੜਿਆ ਵੇ ।
ਗਲੀ-ਗਲੀ ਤੈਨੂੰ ਟੋਲਿਆ, ਕੈਦਾ ਇਸ਼ਕ ਦਾ ਪੜ੍ਹਿਆ ਵੇ ।

ਪੱਤਾ ਟਾਹਣੀਓਂ ਝੜਿਆ ਵੇ ।
ਗ਼ਮਾਂ ਵਾਲੀ ਰੁੱਤ ਆ ਗਈ,ਮੇਰਾ ਤਨ ਮਨ ਸੜਿਆ ਵੇ ।

ਸੱਪ ਬਿਰਹੋਂ ਲੜਿਆ ਵੇ ।
ਦਿਲ ਵਿੱਚ ਤੂੰ ਬਹਿ ਗਿਓਂ,ਪਿਆਰ ਹਿਰਖਾਂ ਜੜਿਆ ਵੇ ।

ਫੁੱਲ ਖਾਰਾਂ ਅੜਿਆ ਵੇ ।
ਜਿੰਦ ਲੀਰੋ-ਲੀਰ ਹੋ ਗਈ,ਦਿਲ ਫਿ਼ਕਰਾਂ ਸੜਿਆ ਵੇ ।

ਕੋਕਾ ਸੱਤਰੰਗਾਂ ਜੜਿਆ ਵੇ ।
ਯਾਦਾਂ ਵਾਲੀ ਪੱਖੀ ਝੱਲੀਏ,ਦੁੱਖ ਤੇਰਾ ਤੜਿਆ ਵੇ ।

ਨੈਣੋ ਸਾਗਰ ਹੜ੍ਹਿਆ ਵੇ ।
ਅੱਖਰਾਂ ਚੋਂ ਤੂੰ ਬੋਲਦਾ,ਮਾਹੀਆ ਦੁਖੜੇ ਘੜਿਆ ਵੇ ।

ਪਰਦੇਸੀ ਛੜਿਆ ਵੇ ।
ਮਾਹੀ-ਮਾਹੀ ਜਿੰਦ ਕੂੰਕਦੀ,ਕਿਹੜਾ ਮੰਤਰ ਪੜ੍ਹਿਆ ਵੇ ।

ਅਸਾਂ ਮਾਹੀਆ ਪੜ੍ਹਿਆ ਵੇ ।
ਮੁੜਿਆ ਆ ਵਤਨਾਂ ਨੂੰ,ਲੜ ਤੇਰਾ ਫੜਿਆ ਵੇ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ