Wed, 25 November 2020
Your Visitor Number :-   3064448
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਸਿੱਖੀ

Posted on:- 28-08-2015

suhisaver

- ਉਂਕਾਰਪ੍ਰੀਤ

ਗਗਨ ਮਹਿ ਥਾਲ ਵੇਖਦੀ ਤੱਕਣੀ,
ਅੱਖਾਂ ’ਚੋਂ ਕਿਧਰ ਗਈ
ਉਹ ਸਿੱਖੀ ਗੁਰ ਨਾਨਕ ਵਾਲੀ,
ਸਿੱਖਾਂ ’ਚੋਂ ਕਿਧਰ ਗਈ?

ਗੁਰ ਬਾਬੇ ਦੇ ਸ਼ਬਦਾਂ ਦੱਸਿਆ,
ਗੁਰ ਬਿਨ ਘੋਰ ਅੰਧੇਰਾ ਹੈ
ਦਸ ਗੁਰ ਬਾਬਿਆਂ ਵਾਲੇ ਹੋ ਕੇ,
ਸਾਡੀ ਲੋਅ ਕਿਧਰ ਗਈ?

ਬਾਹਰੋਂ ਸਬੂਤੇ ਹੋ ਬਹੇ,
ਅੰਦਰੋਂ ਅਧੂਰੇ ਰਹਿ ਗਏ
ਤਨ ਦੀ ਸੁੱਚਮ ਯਾਦ ਰਹੀ,
ਮਨ ਦੀ ਮੈਲ਼ ਵਿਸਰ ਗਈ॥

ਇਕ ਨੂਰੋਂ ਦੁਨੀਆਂ ਜੰਮੀ ਹੈ,
ਅਸਾਂ ਮਜ਼੍ਹਬਾਂ ਦੇ ਵਿਚ ਵੰਡੀ ਹੈ
ਭਗਵੇਂ ‘ਤੇ ਕੇਸਰੀ ਰੰਗਾਂ ਨੂੰ,
ਇਕ ਲਾਲੀ ਲਹੂ ਦੀ ਵਿਸਰ ਗਈ॥

ਜੋ ਮੱਥੇ ਸਨ ਰੁਸ਼ਨਾਉਣ ਲਈ,
ਉਹ ਰਹਿ ਗਏ ਬੱਸ ਘਸਾਉਣ ਲਈ
ਮਨਮਤ ਉਜਿਆਰੇ ਲੋਕਾਂ ਨੂੰ,
ਹਾਏ! ਘਸਿਆਰੇ ਕਰ ਗਈ॥

ਅਸੀਂ ਮੁੜ ਸੱਜਣੋਂ ਠੱਗ ਹੋਏ ਹਾਂ,
ਜਾ ਭਾਗੋ ਨਾਲ ਖਲੋਏ ਹਾਂ
ਮਜ਼ਲੂਮ ਦੀ ਹਾਮੀ ਰਾਖੀ ਦੀ,
ਗੱਲ ਬੀਤੇ ਵਾਂਗੁੰ ਗੁਜ਼ਰ ਗਈ॥
ਲਹੂ ਲੋਕਾਂ ਦਾ ਜਿਸ ਕਲਗੀ ਤੇ,

ਅਸੀਂ ਉਸਦੇ ਨੌਕਰ ਚਾਕਰ ਹਾਂ
ਬਾਬਰ ਨੂੰ ਜ਼ਾਬਰ ਕਹਿਣੇ ਦੀ
ਸਾਡੀ ਜ਼ੁੱਰਤ ਨਿਆਰੀ ਬਿਖਰ ਗਈ॥

ਨਾ-ਧਿਰਿਆਂ ਦੀ ਧਿਰ ਹੁੰਦੇ ਸਾਂ,
ਪੱਤ ਸਾਂ ਅਸੀਂ ਨਾ-ਪੱਤਿਆ ਦੀ
ਸਿੰਘ ਹੋਣ ਦੀ ਗੱਲ ਤਾਂ ਮਗਰੋਂ ਹੈ,
ਸਾਨੂੰ ਗੁਰ-ਸਿੱਖੀ ਵੀ ਵਿਸਰ ਗਈ॥

ਦਸਤਾਰ ਦੀ ਸਰਬੁਲੰਦੀ ਨੂੰ,
ਅਸੀਂ ਪੱਗ ਤਕ ਸੀਮਤ ਕੀਤਾ ਹੈ
ਸਿਰ ਗਾਇਬ ਤੇ ਪੱਗ ਬੰਨਦੇ ਹਾਂ,
ਸੱਚੀ ਸਿਰਦਾਰੀ ਉਡਰ ਗਈ॥

ਉਹ ਸਿੱਖੀ ਗੁਰ ਨਾਨਕ ਵਾਲੀ,
ਸਿੱਖਾਂ ’ਚੋਂ ਕਿਧਰ ਗਈ?

Comments

ਦਲਜੀਤ ਸਿੰਘ ਬੋਪਾਰ

ਲਾਜਵਾਬ

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ