ਗ਼ਜ਼ਲ - ਆਰ.ਬੀ.ਸੋਹਲ

Posted on:- 08-11-2015

ਨਾ ਤੂੰ ਨਜ਼ਦੀਕੀ ਹੀ ਬਖਸ਼ੀ ,ਤੇ ਨਾ ਮੈਂ ਦੂਰ ਹੋ ਸਕਿਆ I
ਸ਼ਮ੍ਹਾ ਨੂੰ   ਹੀ ਪਤੰਗਾ ਨਾ, ਕਦੇ   ਮਨਜੂਰ ਹੋ ਸਕਿਆ I

ਘੜਾ ਚਾਵਾਂ ਤੇ ਸੱਧਰਾਂ ਦਾ, ਮੈਂ ਘੜਿਆ ਦਿਲ ਦੀ ਮਿੱਟੀ ਦਾ,
ਰਿਹਾ ਅਜਲਾਂ ਤੋਂ ਇਹ ਕੱਚਾ, ਨਾ ਮੈਂ ਤੰਦੂਰ ਹੋ ਸਕਿਆ I

ਕਰਾਂ ਸਜਦੇ ਬਥੇਰੇ ਮੈਂ , ਤੇਰੇ ਕਦਮਾਂ ਤੇ   ਝੁਕ ਝੁਕ ਕੇ,
ਵਫ਼ਾ ਪਰਖਣ ਲਈ ਮੇਰੀ , ਤੂੰ ਨਾ ਮਜ਼ਬੂਰ ਹੋ ਸਕਿਆ I

ਅਸਾਂ ਇਸ਼ਕੇ ਦੀ ਧਰਤੀ ਤੇ, ਹੈ ਬੀਜੇ ਪਿਆਰ ਦੇ ਬੂਟੇ,
ਫਲਾਂ ਦੀ ਆਸ ਤੇ ਬੈਠੇ , ਮੈਂ   ਨਾ ਪਰ ਬੂਰ ਹੋ ਸਕਿਆ I

ਪਿਘਲਦਾ ਹਾਂ ਤੇ ਬਲਦਾ ਹਾਂ, ਮੈਂ ਬਣਕੇ ਮੋਮ ਦਾ ਦੀਵਾ,
ਤੇਰੇ ਰਾਹਾਂ ਦਾ ਹੀ ਪਰ ਮੈਂ , ਕਦੇ ਨਾ ਨੂਰ ਹੋ ਸਕਿਆ I

ਮੇਰੇ   ਜਜ਼ਬਾਤ   ਦਾ   ਤੈਨੂੰ, ਕਦੇ ਅਹਿਸਾਸ ਨਾ ਹੋਇਆ,
ਮੈਂ ਘੁਲ ਘੁਲ ਰੰਗ ਬਣਿਆ ਹਾਂ , ਨਹੀਂ ਸੰਧੂਰ ਹੋ ਸਕਿਆ I

ਤੁਸੀਂ ਲਿਖਦੇ ਰਹੇ ਗਜ਼ਲਾਂ, ਬਿਨਾ ਤੋਲਾਂ ਤੇ ਬਹਿਰਾਂ ਤੋਂ,
ਇਸੇ ਕਰਕੇ ਹੀ ਮਹਿਫਲ ਵਿਚ ,ਨਾ ਤੂੰ ਮਨਜੂਰ ਹੋ ਸਕਿਆ I

ਖਤਾ   ਮੇਰੀ ਨਹੀਂ   ਦੱਸਦੇ , ਤੇ   ਨਾ   ਹੀ ਬਖਸ਼ਦੇ ਸਾਨੂੰ ,
ਤੇਰੇ ਜਬਰਾਂ ਦਾ ਕਾਸਾ   ਨਾ, ਕਦੇ ਭਰਪੂਰ ਹੋ ਸਕਿਆ I

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 08-11-2015

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ