Tue, 24 November 2020
Your Visitor Number :-   3060090
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਵਿਹੜੇ ਵਾਲੇ -ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 16-11-2015

suhisaver

ਤੁਸੀਂ ਧਰਮਾਂ ਲਈ ਲੜਦੇ ਹੋ,
ਖੂਨ-ਖਰਾਬਾ ਕਰਦੇ ਹੋ,
ਧਰਮ ਕੀ ਅਸੀਂ ਨਾਮ ਵੀ ਭੁੱਲੇ,
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ ...


ਫਸਲਾਂ ਬੀਜੀਏ, ਪਾਲੀਏ, ਵੱਢੀਏ,
ਖੂਨ-ਪਸੀਨਾ ਇੱਕ ਕਰ ਛੱਡੀਏ,
ਤਾਹਨੇ-ਮੇਹਣੇ ਕੱਸਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ...


ਗੋਹਾ-ਪੌਚਾ ਅਸੀਂ ਹੀ ਕਰੀਏ,
ਐਪਰ ਚੁੱਲੇ ਪੈਰ ਨਾ ਧਰੀਏ,
ਨੱਕ-ਬੁੱਲ ਪਏ ਵੱਟਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ ...


ਧੀਆਂ ਤੋਂ ਝੋਨਾ ਲਗਵਾਈਏ,
ਪੱਠਿਆਂ ਬਦਲੇ ਪੱਤ ਗਵਾਈਏ,
ਅਣਖ ਨਾ ਦਿੰਦੀ ਵੱਸਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ ...

ਦਿਨੇ-ਰਾਤ ਅਸੀਂ ਹੱਡ ਤੁੜਾਈਏ,

ਫ਼ਿਰ ਵੀ ਬੱਚੇ ਪੜਾ ਨਾ ਪਾਈਏ,
ਮਹਿੰਗਾਈ ਪਾਏ ਬੱਝਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ...


ਕੰਮ ਪ੍ਰਤੀ ਵੀ ਫਰਜ਼ ਨਿਭਾਉਣਾ,
ਐਪਰ ਆਪਣਾ ਚੰਮ ਬਚਾਉਣਾ,
ਏਕਾ ਕਰਨੋ ਡੱਕਣ ਸਾਨੂੰ ?
ਗਾਲਾਂ ਦੇ ਨਾ ਸੱਦਣ ਸਾਨੂੰ ।
ਧੱਕੇ ਮਾਰ ਨਾ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਨਾ ਸੱਦਣ ਸਾਨੂੰ ।
ਨਾਮ ਨਾਲ ਸਭ ਸੱਦਣ ਸਾਨੂੰ  ...

ਸੰਪਰਕ: +91 98552 07071

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ