Wed, 18 July 2018
Your Visitor Number :-   1435606
SuhisaverSuhisaver Suhisaver
ਫਰਾਂਸ ਦੋ ਦਹਾਕੇ ਮਗਰੋਂ ਮੁੜ ਵਿਸ਼ਵ ਚੈਂਪੀਅਨ              

ਧਰਤੀ ਹੇਠਲੇ ਬਲਦ - ਗੁਰਸੇਵਕ ਸੰਗਰੂਰ

Posted on:- 08-02-2016

suhisaver

ਨਹੀਂ ਨਹੀਂ
ਧਰਤੀ ਕਿਸੇ ਬਲਦ ਦੇ
ਸਿੰਗਾਂ ’ਤੇ ਨਹੀਂ ਟਿਕੀ

ਇਹ ਤਾਂ ਦੁੱਖਾਂ ਦਾ ਭਾਰ ਢੋਣ ਵਾਲੇ
ਅਸੀਂ ਹੀ ਉਹ ਲੋਕ ਹਾਂ
ਜੋ ਚੁੱਕੀਂ ਫਿਰਦੇ ਹਾਂ ਧਰਤੀ ਦਾ ਭਾਰ

ਇਹ ਸਾਡੀਆਂ ਮਿਹਨਤਾਂ ਹੀ ਨੇ
ਜਿਨ੍ਹਾਂ ਨੂੰ ਮਾਪਣ ਲਈ ਦਿਨ ਤੇ ਰਾਤ ਬਣਦੇ ਨੇ

ਇਹ ਤਾਂ ਮੌਤ ਨੂੰ ਮਾਤ ਦੇਣ ਵਾਲੀ
ਜੀਵਣ ਦੀ ਉਹ ਤਾਂਘ ਹੀ ਹੈ ਜੋ ਖਿੱਚੀ ਫਿਰਦੀ ਹੈ
ਧਰਤੀ ਦੇ ਬੋਝ ਨੂੰ  

ਫਸਲਾਂ ਨੂੰ ਸਿੰਜਣ ਵਾਲਾ ਇਹ ਸਾਡਾ ਪਸੀਨਾ ਹੀ ਹੈ
ਜਿਸ ਸਦਕਾ ਧਰਤੀ ਰੰਗ ਵਟਾਉਂਦੀ ਹੈ
ਜਿਸ ਸਦਕਾ ਧਰਤੀ ਤੇ ਬਹਾਰ ਆਉਂਦੀ ਹੈ
ਮਸ਼ੀਨਾਂ ਨੂੰ ਘੁੰਮਾਉਣ ਵਾਲੇ ਲੋਕ ਹਾਂ
ਜੋ ਘੁੰਮਾਈ ਫਿਰਦੇ ਹਾਂ ਧਰਤੀ ਨੂੰ ਲਾਟੂ ਵਾਂਗ

ਨਹੀਂ ਨਹੀਂ
ਧਰਤੀ ਕਿਸੇ ਬਲਦ ਦੇ                                             
ਸਿੰਗਾਂ ਤੇ ਨਹੀਂ ਟਿਕੀ
ਇਹ ਤਾਂ ਸਾਡੇ ਸਿਰਜਣਹਾਰ ਹੱਥ ਹੀ ਨੇ
ਜਿਨ੍ਹਾਂ ਤੇ ਧਰਤੀ ਦੀ ਟੇਕ ਹੈ

ਹਾਂ ਦਸਾਂ ਨਹੂੰਆਂ ਦੀ ਕਿਰਤ ਕਮਾਈ ਖਾਣ ਵਾਲੇ
ਅਸੀਂ ਹੀ ਉਹ ਮਿਹਨਤਕਸ਼ ਹਾਂ
ਜਿਨ੍ਹਾਂ ਸਦਕਾ ਧਰਤੀ ਤੇ ਸੱਚ ਦੀ ਹੋਂਦ ਹੈ

ਸੰਪਰਕ: +91 98144 82510

Comments

Iqbal somian

Eh kavita nhi Tuttian satran ch likhea lekh a! Maf krna Visha chnga a par poem ch nibha nhi skea gursewk sangrur

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ