Sat, 17 April 2021
Your Visitor Number :-   4464266
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਸਜਦਾ ਸ਼ਹੀਦਾਂ ਨੂੰ - ਸੰਧੂ ਗਗਨ

Posted on:- 10-08-2018

“ਵਾਦੀ ਵਿੱਚ
ਅੱਤਵਾਦੀ ਹਮਲੇ ਦੌਰਾਨ
ਦਸ ਜਵਾਨ ਸ਼ਹੀਦ
ਤੇ ਅਨੇਕਾਂ ਜ਼ਖਮੀ”

ਸਿਆਸਤਦਾਨਾਂ ਲਈ ਤਾਂ
ਇਹ ਸਿਆਸਤ ਦਾ
ਇੱਕ ਮੋਹਰਾ ਹੀ ਰਹਿਣਾ ਹੈ
ਜਾਂ ਸਿਰਫ ਇੱਕ ਖ਼ਬਰ
ਜਾਂ ਵੱਧ ਤੋਂ ਵੱਧ
ਬਸ ਇੱਕ
ਸ਼ਰਧਾਂਜਲੀ ਸਮਾਰੋਹ
ਪਰ... ... ...
ਛਾਤੀ ਤਾਂ
ਉਸ ਮਾਂ ਦੀ ਹੀ ਪਾਟਣੀ ਹੈ
ਜਿਸਦਾ
ਲਹੂ
ਟੁੱਕਿਆ ਜਾਂਦਾ ਹੈ।

ਠੋਕਰਾਂ ਲਈ
ਮੁਹਤਾਜ
ਤੇ ਵਿਚਰਣ ਲਈ
ਅਪਾਹਜ ਤਾਂ
ਉਸਦੀ
ਅਰਧਾਂਗਣੀ ਨੇ ਹੀ ਹੋਣਾ ਹੈ
ਜਿਸਦੀ
ਰਹਿੰਦੀ ਜ਼ਿੰਦਗੀ ਦਾ
ਪਲ-ਪਲ
ਜਿਉਂਦੇ ਜੀਅ
ਫੂਕਿਆ ਜਾਂਦਾ ਹੈ।

ਕਾਵਾਂ ਦੀਆਂ ਠੂੰਗਾਂ
ਤੇ ਕੁੱਤਿਆਂ ਦੇ ਜਭਾੜਿਆਂ ਨੇ
ਮਾਸ ਤਾਂ
ਉਹਨਾਂ
ਮਾਸੂਮਾਂ ਦਾ ਹੀ ਨੋਚਣਾ ਹੈ
ਜਿੰਨ੍ਹਾਂ
ਸਿਰੋਂ
ਨਿੱਘ ਦਾ ਹੱਥ ਉਠ ਗਿਆ ਹੈ।

ਪੋਟੇ ਤਾਂ
ਉਸ ਭੈਣ ਦੇ ਹੀ
ਛਲਣੀ ਹੋਣੇ ਨੇ
ਜਿਸਦੇ
ਹੱਥੋਂ
ਵੀਰ ਦੀ ਬਾਂਹ
ਖੁੱਸ ਗਈ ਹੈ।

ਹੌਸਲਾ ਤਾਂ
ਉਸ ਭਰਾ ਦਾ ਹੀ ਹਾਰਨਾ
ਜਿਸਦੀ
ਸੱਜੀ ਬਾਂਹ
ਵੱਢੀ ਗਈ ਹੈ।

ਉਡੀਕਣਾ ਤਾਂ
ਉਹਦੇ
ਪਿੰਡ ਦੀਆਂ ਗਲ਼ੀਆਂ ਨੇ ਹੀ ਹੈ
ਸਿਆਸਤਦਾਨਾਂ ਦੀ
ਉਡੀਕ ਤਾਂ
ਸਿਰਫ
ਅਜਿਹੀ
ਕਿਸੇ ਹੋਰ ਖ਼ਬਰ ਲਈ ਹੀ ਹੋਵੇਗੀ।
                 
                    ਰਾਬਤਾ: +91 75894 31402

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ