Tue, 22 October 2019
Your Visitor Number :-   1836675
SuhisaverSuhisaver Suhisaver
ਨੋਬਲ ਪੁਰਸਕਾਰਾਂ ਦਾ ਐਲਾਨ               ਰਵੀ ਸ਼ੰਕਰ ਝਾਅ ਨੇ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਚੀਫ਼ ਜਸਟਿਸ ਵਜੋਂ ਲਿਆ ਹਲਫ਼              

ਕਾਫ਼ਿਰ ਦੀ ਇੱਕ ਨਜ਼ਮ

Posted on:- 18-06-2013



ਮਾਫ਼ ਕਰੀਂ
ਪਰ ਹੁਣ ਮੈਂ
ਚਨਾਹ ਵਿੱਚ ਡੁਬ ਕੇ ਨਹੀਂ ਮਰਾਂਗਾ
ਨਾ ਹੁਣ ਜੰਡ ਥਲੇ ਵਡਿਆ ਜਾਵਾਂਗਾ

ਹੁਣ ਮੈਂ ਤੇਰੇ ਨਾਲ ਜੀਣਾ ਚਾਹੁੰਦਾ ਹਾਂ
ਹੁਣ ਮੈਨੂੰ ਲੋਚਾ ਹੈ ਜਿਉਣ ਦੀ
ਮੈਂ ਨਕੋ-ਨਕ ਜ਼ਿੰਦਗੀ ਵਿਚ ਡੁੱਬਣਾ ਚਾਹੁੰਦਾ ਹਾਂ
ਬੰਧਣ, ਮੇਰੇ ਲਈ  ਅਰਥਹੀਨ ਹੈ

ਮੈਂ ਆਜ਼ਾਦ ਹਾਂ
ਗਾਲ੍ਹਾਂ ਕੱਢਣ ਲਈ
ਇਸ਼ਕ਼ ਕਰਣ ਲਈ
ਮੈਂ ਤੇ ਤੂੰ ਇਕ-ਦੂਜੇ ਦੇ ਹਾਂ

ਪਰ ਯਾਦ ਰਖੀਂ
ਮੈਂ ਦਾ ਭਾਵ ਸਿਰਫ਼ ਸ਼ਰੀਰ ਨਹੀਂ ਹੁੰਦਾ

ਪਰ ਐਤਕੀਂ ਮੈਂ
ਕਿਸੇ ਲਈ ਪਹਾੜ ਚੀਰ ਨਹਿਰ ਨਹੀਂ ਕੱਢਣੀ

ਮੈਂ ਸੁਤੰਤਰ ਹਾਂ
ਸਵਾਲ ਕਰਨ ਲਈ
ਜਵਾਬ ਦੇਣ ਲਈ
ਤੇ ਚੁੱਪ ਰਹਿਣ ਲਈ

ਤੂੰ ਮੇਰੇ ਇਸ਼ਕ਼ ਨੂੰ ਗੁਲਾਮੀ ਨਾ ਸਮਝੀ
ਮੈਂ ਬਿਸਤਰ ਵਿੱਚ ਬੈਠ ਸਿਗਰਟ ਪੀਣੀ ਹੈ
ਤੇ ਤੇਰੀ ਛਾਤੀ ਤੇ ਸਿਰ ਰਖ ਸੋਣਾ ਵੀ ਹੈ

ਪਰ ਇਸ ਵਾਰ
ਜੇ ਯਾਰ ਮਨਾਵਾਂ ਤੇ ਪੈਰੀਂ ਘੁੰਗਰੂ ਹੋਣ
ਇਹ ਜ਼ਰੂਰੀ ਨਹੀਂ

ਮੈਨੂੰ ਵਰਕਿਆਂ ’ਤੇ ਵਾਹੀਆਂ ਲਕੀਰਾਂ ਨੂੰ ਪੀਣ ਦਾ ਸ਼ੌਕ ਹੈ
ਤੇ ਕਾਗਜ਼ ਕਾਲੇ ਕਰਨ ਦਾ

ਪਰ ਇਸ ਵਾਰ ਮੈਂ ਤੇਰੇ ਲਈ ਹੀਰ ਲਿਖਾਂ
ਇਸ ਦੀ ਆਸ ਨਾ ਰਖੀਂ

ਹੁਣ ਤੂੰ ਤੇ ਮੈਂ ਆਜ਼ਾਦ ਰਹਾਂਗੇ
ਤੇਰੇ ਖ਼ੁਦਾ ਤੇ ਮੇਰੇ ਵਿਚਾਰਾਂ ਵਾਂਗ
ਮੈਂ ਕਿਸੇ ਨੂੰ ਸਫਾਈ ਦੇਣ ਲਈ ਨਹੀਂ ਜੰਮਿਆਂ

ਤੂੰ ਮੈਨੂੰ ਜਿਉਣ ਤੋਂ ਨਾ ਰੋਕੀਂ
ਤੂੰ ਖ਼ਤ ਪਾਈ
ਭਾਵੇਂ ਮੇਰੇ ਬਿਸਤਰ` ’ਚ ਰਹੀਂ

ਪਰ ਮਾਫ਼ ਕਰੀਂ
ਮੈਂ ਤੈਨੂੰ ਏਸ ਦਫ਼ਾ ਪਟ ਚੀਰ ਕੇ ਖਵਾਂਵਾਂ

ਏਸ ਬਾਰੇ ਨਾ ਸੋਚੀਂ
ਮੈਂ ਜਿਊਣ ਆਇਆਂ ਹਾਂ
         ਤੇ ਜਿਉ ਕੇ ਜਾਵਾਂਗਾ           


#648, ਘੁਮਿਆਰ ਬਸਤੀ, ਹਰੇੜੀ ਰੋਡ, ਸੰਗਰੂਰ
ਸੰਪਰਕ: 7508003044
ਈ ਮੇਲ: john.kafir@gmail.com

   
                                      

Comments

Ratika Oberoi

Great imagination!!!! that's what makes a writer... A writer has to be able to put himself imaginatively in the position of whatever he selects......u did the same..... congratulations.....!!!

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ