Wed, 25 November 2020
Your Visitor Number :-   3064488
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਆ ਬੇਲੀਆ - ਮਲਕੀਅਤ ‘ਸੁਹਲ’

Posted on:- 25-12-2013



ਬੇਲੀਆ!
ਨਵੇਂ ਸਾਲ ’ਤੇ , ਨਵੀਆਂ ਕਸਮਾਂ ਖਾਈਏ ।
ਮਾਂ ਪੰਜਾਬੀ ,
ਬੋਲੀ ਵਾਲਾ ਰਿਸ਼ਤਾ ਤੋੜ ਨਿਭਾਈਏ ।

ਯਾਦ ਕਰੋ ਤੁਸੀਂ ਗੁਰੂਆਂ ਤਾਈਂ, ਬੋਲੀ ਜਿਨ੍ਹਾਂ ਪੰਜਾਬੀ।
ਤੇਰਾਂ ਤੇਰਾਂ ਤੋਲਣ ਵਾਲਾ , ਨਾਨਕ ਬੜਾ ਹਿਸਾਬੀ ।
ਅੱਜ ਉਨ੍ਹਾਂ ਦੇ ਪੂਰਨਿਆਂ ਤੇ , ਸੋਹਣੇ ਅੱਖਰ ਪਾਈਏ,
ਆ ਬੇਲੀਆ! ਨਵੇਂ ਸਾਲ ਤੇ ਨਵੀਆਂ ...

ਵਾਰਿਸ ਸ਼ਾਹ ਦੀ ਪੜ੍ਹਕੇ ਹੀਰ, ਯਾਦ ਇਸ਼ਕ ਦੀ ਆਵੇ।
ਸੋਹਣੀ ਵਾਂਗਰ ਕੋਈ ਨਾ ਲੋਕੋ, ਐਵੇਂ ਹੀ ਡੁੱਬ ਜਾਵੇ ।
ਲਾਜ ਰਖੋ ਤੁਸੀਂ ਮਾਂ ਬੋਲੀ ਦੀ, ਸਭਨਾ ਨੂੰ ਸਮਝਾਈਏ ,
ਆ ਬੇਲੀਆ! ਨਵੇਂ ਸਾਲ ਤੇ ਨਵੀਆਂ ...

ਮਾਂ ਆਪਣੀ ਤੇ ਮਾਂ ਬੋਲੀ ਨੂੰ, ਭੁੱਲ ਕੇ ਕਦੇ ਵਿਸਾਰੋ ਨਾ।
ਹੋਰ ਬੋਲੀਆਂ ਬੋਲ ਕੇ ਮਹਿਲ , ਰੇਤਾ ਨਾਲ ਉਸਾਰੋ ਨਾ ।
ਜਿਸ ਮਾਂ ਤੋਂ ਲਈਆਂ ਲੋਰੀਆਂ, ਉਹਦੇ ਹੀ ਗੁਣ ਗਾਈਏ,
ਆ ਬੇਲੀਆ ! ਨਵੇਂ ਸਾਲ ਤੇ ਨਵੀਆਂ ...

ਸ਼ਾਹ ਹਸੈਨ , ਬੁੱਲਾ ਤੇ ਪੀਲੂ , ਭੁੱਲ ਨਾ ਜਾਇਉ ਲੋਕੋ ।
ਠੇਠ ਪੰਜਾਬੀ ਲਿਖੀ ਇਨ੍ਹਾਂ ਨੇ, ਰੱਜ ਰੱਜ ਗਾਉ ਲੋਕੋ ।
ਪੰਜ ਪਾਣੀ ਤੇ ਪੰਜ ਬਾਣੀਆਂ ਹਿਰਦੇ ਵਿਚ ਵਸਾਈਏ ,
ਆ ਬੇਲੀਆ! ਨਵੇਂ ਸਾਲ ਤੇ ਨਵੀਆਂ ...

ਪੜ੍ਹੋ ਲਿਖੋ , ਪੰਜਾਬੀ ਬੋਲੋ , ਸਭਨਾ ਨੂੰ ਸਮਝਾਇਉ।
ਐਵੇਂ ਬੋਲੀਆਂ ਹੋਰ ਬੋਲ ਕੇ , ਧੋਖਾ ਨਾ ਖਾ ਜਾਇਉ।
"ਸੁਹਲ" ਪੰਜਾਬੀ ਮਾਂ ਬੋਲੀ ਦੀ ਗ਼ੱਜ ਕੇ ਫ਼ਤਹਿ ਬੁਲਾਈਏ,

ਆ ਬੇਲੀਆ! ਨਵੇਂ ਸਾਲ ਤੇ , ਨਵੀਆਂ ਕਸਮਾ ਖਾਈਏ।
ਮਾਂ ਪੰਜਾਬੀ, ਬੋਲੀ ਵਾਲਾ ਰਿਸ਼ਤਾ ਭੁੱਲ ਨਾ ਜਾਈਏ।
 

ਸੰਪਰਕ: +91 98728 48610

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ