Tue, 24 November 2020
Your Visitor Number :-   3052747
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਅਸੀਂ ਤੇ ਉਹ- ਜਸਵੀਰ ਕੌਰ ਮੰਗੂਵਾਲ

Posted on:- 26-12-2013


ਗ਼ਦਰ ਸ਼ਤਾਬਦੀ ਨੂੰ ਸਮਰਪਿਤ


ਸਕੂਲੋਂ ਛੁੱਟੀ ਸਮੇਂ
ਅਕਸਰ ਹੀ ਮੇਰੀ ਬੱਚੀ
ਕਰਦੀ ਹੈ ਤਗੀਦ

ਆਪਣੇ ਪਿਉ ਤੇ ਦਾਦੇ ਨੂੰ
ਕਿ ਉਹ ਖੜ੍ਹਿਆ ਕਰਨ
ਸਕੂਲ ਦੇ ਗੇਟ ਤੋਂ ਬਾਹਰ
ਦਾਹੜੀ,ਪੱਗ ‘ਚ ਮੌਜੂਦਗੀ ਦੇਖ
ਹੀਣ ਭਾਵਨਾ ਮਹਿਸੂਸ ਹੁੰਦੀ ਹੈ

ਉਸ ਨੂੰ ਗੋਰੀਆਂ ਸਹੇਲੀਆਂ ‘ਚ
ਵਿਰਸੇ ਤੋਂ ਅਣਭੋਲ
ਗੁਲਾਬ ਕੌਰ ਦੀ ਵਾਰਸ
ਇਸ ਬੱਚੀ ਤੇ
ਮੈਂਨੂੰ ਤਰਸ ਆਉਂਦਾ ਹੈ

ਇੱਧਰ ਵੱਖਰੀ ਰੰਗ ਨਸਲ ਦੀਆਂ
ਮੇਰੀਆਂ ਸਹਿਕਰਮਣਾਂ
ਫਿਕਰਮੰਦ ਹਨ

ਮੇਰੇ ਘਰ ਦੀ ਚਾਰ ਦੀਵਾਰੀ ਅੰਦਰ
ਮੇਰੀ ਸੁਰੱਖਿਅਤਾਂ ਨੂੰ ਲੈ ਕੇ
ਲੰਚ ਬਰੇਕ ਵੇਲੇਂ
ਅਕਸਰ ਹੀ ਛੇੜ ਲੈਂਦੀਆਂ ਹਨ
ਪੰਜਾਬੀ ਪਤੀਆਂ ਹੱਥੋਂ
ਬੇਰਹਿਮੀ ਨਾਲ ਕਤਲ਼ ਹੋਈਆਂ
ਪਤਨੀਆਂ ਦੀਆਂ ਕਹਾਣੀਆਂ
ਉਹ ਚਟਕਾਰੇ ਲੈ ਲੈ ਦੱਸਦੀਆਂ

ਗੁਰਦੁਆਰੇ ਦੇ ਭਾਈਆਂ,ਪਾਠੀਆਂ ਦੀ
ਜਿਣਸੀ ਹਮਲਿਆਂ ਵਿੱਚ ਸ਼ਮੂਲੀਅਤ,
ਪਿਉ,ਭਰਾ,ਮਾਮਿਆਂ ,ਚਾਚਿਆਂ ਨਾਲ
ਵਿਆਹ ਕਰਵਾ ਵਿਦੇਸ਼ ਆਉਣ ਦੇ ਕਿੱਸੇ,
ਹਵਾਈ ਅੱਡਿਆਂ ਤੋਂ ਹੀ ਵਿਆਦੜਾਂ ਦੇ
ਫਰਾਰ ਹੋਣ ਦੀ ਚਰਚਾ,

ਮੌਲਾਂ ਵਿੱਚ ਬਹਿ ਗੋਰੀਆਂ ਦੀ
ਅਰਧ ਨਗਨਤਾ ਤੱਕਦੇ
ਫਿਕਰੇ ਕੱਸਦੇ,ਚਿੱਟੀਆਂ ਦਾਹੜੀਆਂ ‘ਚ
ਹੱਥ ਫੇਰ ਖਚਰੀ ਹਾਸੀ ਹੱਸਦੇ
ਤੇ ਕਦੇ ਡਾਲਰ ਦਿਖਾ ਇਸ਼ਾਰੇ ਕਰਦੇ
ਬਾਬਿਆਂ ਨੂੰ ਲੰਬੇ ਹੱਥੀ ਲੈਂਦੀਆਂ

ਉਹ ਸਾਡੇ ਭੱਦਰ ਪੁਰਸ਼ਾਂ ਦੇ ਨਸ਼ਿਆਂ ਰੂਪੀ
ਜ਼ਹਿਰ ਦੇ ਵਪਾਰ ਵਿੱਚ ਰੰਗੇ ਹੱਥਾਂ ਦੀਆਂ
ਖਬਰਾਂ ਨੂੰ ਨਸ਼ਰ ਕਰਦੀਆਂ
ਮੈਂ ਖਮੋਸ਼ ਰਹਿੰਦੀ ਹਾਂ
ਕਿਉਂ ਕਿ ਮੈਂ ਜਾਣਦੀ ਹਾਂ
ਇਹ ਕੁਝ ਕਾਲੀਆਂ ਭੇਡਾਂ
ਨਹੀਂ ਹਨ ਵਾਰਸ ਗ਼ਦਰੀ ਬਾਬਿਆਂ ਦੀਆਂ

ਜੋ ਗੁਲਾਮੀ ਤੇ ਗਰੀਬੀ ਦੇ ਸਤਾਏ
ਖੱਟਣ ਕਮਾਉਣ ਆਏ
ਨਸਲੀ ਵਿਤਕਰੇ ਦੇ ਨਸ਼ਤਰ ਸਹਿੰਦੇ
ਜ਼ਮੀਰਾਂ ਦੀ ਅਵਾਜ਼ ਸੁਣ
ਪਰਿਵਾਰਾਂ ਦਾ ਸੁੱਖ ਤਿਆਗ
ਮੁੜ ਗਏ ਸਨ ਵਤਨਾਂ ਨੂੰ
ਗੁਲਾਮੀ ਦਾ ਜੂਲਾ ਲਾਉਣ
ਜੁਅਨੀਆਂ ਨੂੰ ਝੋਕਣ
ਜੇਲ੍ਹਾਂ ਕੱਟਣ ,ਚੱਕੀਆਂ ਪੀਸਣ
ਫਾਂਸੀਆਂ ਚੜ੍ਹਣ, ਸ਼ਹੀਦੀਆਂ ਪਾਉਣ

ਇਹ ਕਿਰਪਾਲ ਤੇ ਬੇਲਾਂ ਸਿੰਘ ਦੇ ਸਕੇ ਸੋਦਰੇ
ਨਹੀਂ ਕਰ ਸਕਦੇ ਧੁੰਦਲਾਂ
ਗ਼ਦਰੀ ਬਾਬਿਆਂ ਦੇ ਸੱਚੇ ਸੁੱਚੇ ਅਕਸ ਨੂੰ
ਕਿਉਂ ਕਿ ਉਹਨਾਂ ਦੀ ਜੋਤ ਅੱਜ ਵੀ ਜਗਦੀ ਹੈ
ਦੁਨੀਆਂ ਭਰ ‘ਚ ਨਸਲੀ ਵਿਤਕਰਿਆਂ ਖਿਲਾਫ਼ੳਮਪ; ਲੜਦੇ
ਚੇਤਨ ਮਨੁੱਖ ਅੰਦਰ ।

 ਸੰਪਰਕ:  +1 204-881-4955

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ