Sat, 19 October 2019
Your Visitor Number :-   1833375
SuhisaverSuhisaver Suhisaver
ਨੋਬਲ ਪੁਰਸਕਾਰਾਂ ਦਾ ਐਲਾਨ               ਰਵੀ ਸ਼ੰਕਰ ਝਾਅ ਨੇ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਚੀਫ਼ ਜਸਟਿਸ ਵਜੋਂ ਲਿਆ ਹਲਫ਼              

ਮੁੜ ਉਸਾਰੀ - ਗੁਰਮੇਲ ਬੀਰੋਕੇ

Posted on:- 31-12-2013



(26 ਦਸੰਬਰ, 2004 ਦੀ ਸੁਨਾਮੀ ਤੋਂ ਬਾਅਦ ਦਾ ਹਾਲ)

ਲੱਖਾਂ ਡਾਲਰ ਹੋਏ ‘ਕੱਠੇ
ਥਾਈਲੈਂਡ, ਮਾਲਦੀਪ
ਸ੍ਰੀ ਲੰਕਾ, ਭਾਰਤ
ਹੋਰ ਦੇਸਾਂ ਦੇ

ਉਜੜੇ ਲੋਕਾਂ ਲਈ,
ਸਰਕਾਰਾਂ ਤੇ ਚਮਚੇ ਉਨ੍ਹਾਂ ਦੇ
ਡਕਾਰ ਗਏ ਸਭ
ਉਜੜੇ ਲੋਕਾਂ ਦਾ,

ਉਜੜੇ ਸਮੁੰਦਰੀ ਕੰਢੇ
ਉਸਰੇ ਅਲੀਸ਼ਾਨ ਹੋਟਲ
ਕੁਲੀਨ ਵਰਗ ਦੇ ਗਾਹਕ
ਮਨਾਉਂਦੇ “ਹਨੀ ਮੂਨਜ”
ਚਿੱਟੀ ਰੇਤ ਉੱਤੇ
ਲੇਟਦੀ ਚਿੱਟੀ ਚਮੜੀ,
ਤਾਂਬੇ ਰੰਗੇ ਗਰੀਬ ਮਛੇਰੇ
ਮਾਲਕ ਚਿੱਟੀ ਰੇਤ ਦੇ

ਗੈਰ ਉਪਜਾਊ ਜਾਪਣ ਸਰਕਾਰਾਂ ਨੂੰ
ਮੂਲਵਾਸੀ ਲੋਕ ਟਾਪੂਆਂ ਦੇ
ਸੱਭਿਅਕ ਨਾ ਲੱਗਣ ਸਰਕਾਰਾਂ ਨੂੰ
ਉਨ੍ਹਾਂ ਦੇ ਜਾਲ਼
ਉਨ੍ਹਾਂ ਦੀਆਂ ਮੱਛੀਆਂ ਭੱਦੀਆਂ ਭਾਸਣ,
ਉਜੜੀ ਧਰਤ ਉੱਤੇ

ਅਮੀਰਾਂ ਦੇ
ਖੁੱਲਗੇ ਹੋਟਲ
ਅਮੀਰਾਂ ਦੇ
ਬਣੇ ਮੱਛੀ ਫਾਰਮ
ਅਮੀਰ ਮਛਲੀਆਂ
ਸੁੰਦਰ, ਚਿਕਨੀਆਂ
ਪਿੰਡਾ ਰੱਖਣ
ਬਹੁਤਾ ਨੰਗਾ,
ਮੂਲਵਾਸੀ ਮੱਛਲੀਆਂ
ਮੈਲੇ ਕੁਚੈਲੇ ਲੰਗਾਰਾਂ ਨਾਲ

ਪਿੰਡਾ ਢੱਕਣ
ਉਨ੍ਹਾਂ ਨੂੰ ਉਜਾੜ
ਮਛੇਰਿਆਂ ਨੂੰ ਉਜਾੜ
ਸਰਕਾਰਾਂ ਕੀਤੀ
“ਮੁੜ ਉਸਾਰੀ”
ਹੁਣ ਪਾਲਦੀਆਂ
ਮਛਲੀਆਂ ਸੋਨੇ ਦੀਆਂ .... ।

ਸੰਪਰਕ: 001-604-825-8053


Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ