Wed, 03 June 2020
Your Visitor Number :-   2528275
SuhisaverSuhisaver Suhisaver
ਸੂਹੀ ਸਵੇਰ ਦਾ ਸਾਲਾਨਾ ਸਮਾਗਮ 9 ਫਰਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ               ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਹੀਂ ਰਹੇ              

ਕਦੇ ਵਿਸਾਖੀ - ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 14-04-2016

suhisaver

ਕਦੇ ਵਿਸਾਖੀ ਆਉਂਦੀ ਸੀ,
ਖੁਸ਼ੀਆਂ ਲੈ ਕੇ ਆਉਂਦੀ ਸੀ।
ਪੱਕੀਆਂ ਫਸਲਾਂ ਤੱਕ-ਤੱਕ ਕੇ,
ਰੂਹ ਵੀ ਨੱਚਦੀ-ਗਾਉਂਦੀ ਸੀ।

ਅੱਜ ਵਿਸਾਖੀ ਆਉਂਦੀ ਹੈ,
ਕੋਈ ਪੱਕੀ ਫਸਲ ਦਾ ਚਾਅ ਹੀ ਨਾ।
ਸਮੇਂ ਤੇ ਕੋਈ ਖਰੀਦਦਾ ਨਹੀਂ,
ਵਾਜ਼ਬ ਮਿਲਦਾ ਭਾਅ ਹੀ ਨਾ।

ਅਸਰ ਰਿਹਾ ਨਾ ਖਾਦਾਂ ਵਿੱਚ,
ਨਕਲੀ ਦਵਾਈਆਂ ਆ ਗਈਆਂ।
ਕਿਸਾਨਾਂ, ਖੇਤ-ਮਜ਼ਦੂਰਾਂ ਨੂੰ,
ਕਰਜ਼ੇ ਦੀਆਂ ਕਿਸ਼ਤਾਂ ਖਾ ਗਈਆਂ। ।

ਕਦੇ ਸੋਕਾ ਪਏ, ਕਦੇ ਹੜ ਜਾਏ,
ਕੁਦਰਤ ਦੀ ਸਦਾ ਹੀ ਮਾਰ ਪਏ।
ਹੋਰਾਂ ਦੇ ਅਰਬਾਂ ਮੁਆਫ ਕਰੇ,
ਸਰਕਾਰ ਨਾ ਇਨ੍ਹਾਂ ਦੀ ਸਾਰ ਲਏ।

ਲੋਕ-ਵਿਰੋਧੀ ਨੀਤੀਆਂ ਨੂੰ,
ਘਰ-ਘਰ ਜਾ ਸਮਝਾਵਾਂਗੇ।
ਮਿਸ਼ਾਲ ਜਗਾ ਕੇ ਗਿਆਨ ਵਾਲੀ,
ਗਸ਼ ਲੋਟੂਆਂ ਨੂੰ ਪਾਵਾਂਗੇ।

ਕਿਸਾਨਾਂ, ਖੇਤ-ਮਜ਼ਦੂਰਾਂ ਨੂੰ,
ਜੱਥੇਬੰਦ ਕਰ ਸੰਘਰਸ਼ ਮਘਾਵਾਂਗੇ।
ਜਦੋਂ ਏਕੇ ਨਾਲ ਜਿੱਤ ਕੇ ਹੱਕ ਮਿਲਗੇ,
ਉਦੋਂ ਵਿਸਾਖੀ ਦੀ ਖੁਸ਼ੀ ਮਨਾਵਾਂਗੇ।

Comments

Security Code (required)



Can't read the image? click here to refresh.

Name (required)

Leave a comment... (required)





ਹੈਲਥ ਲਾਈਨ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ