ਨਾਨਕ - ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’

Posted on:- 03-11-2019

ਨਾਨਕ ਤੇਰਾ ਸ਼ਹਿਰ ਐਥੇ
ਤੇਰੇ ਬਾਝੋਂ ਬਿਖਰ ਗਿਆ
ਕਾਗਜਾਂ ਤਾਈਂ ਸਮੇਟ ਦਿੱਤਾ
ਅਮਲਾਂ ਨਾਲੋਂ ਥਿੜਕ ਗਿਆ

ਦਿਲਾਂ ਤੇ ਤੇਰੀ ਛਾਪ ਰਹਿ ਗਈ
ਸੋਭਾ ਸਿੰਘ ਦੇ ਚਿੱਤਰਾਂ ਦੀ
ਰਤਾ ਪਰਵਾਹ ਨਾ ਕੀਤੀ ਕਿਸੇ ਨੇ
ਤੇਰੇ ਸ਼ਬਦ ਤੇ ਫਿਕਰਾਂ ਦੀ

ਥਾਂ ਥਾਂ ਤੇ ਹੁਣ ਖੁੱਲ੍ਹ ਗਈ ਹੱਟੀ
ਮੌਜ ਮਲਿਕ ਭਾਗੋਆਂ ਲੱਗੀ
ਨਾਂ ਤੇਰੇ ਦਾ ਦੇ ਕੇ ਹੋਕਾ
ਦਿਨ ਦਿਹਾੜੇ ਮਾਰਨ ਠੱਗੀ

ਵਿਚਾਰਾਂ ਚੋਂ ਤਰਕ ਨੇ ਕਿੱਧਰੇ
ਮਾਰੀ ਲੰਬੀ ਦੂਰ ਉਡਾਰੀ
ਸਿਰ ਪਾਟਣ ਨੂੰ ਕਾਹਲੇ ਰਹਿੰਦੇ
ਤੇਰੇ ਰਾਹ ਦੇ ਕਬਜ਼ਾਧਾਰੀ

ਪਾ ਰੂਹ ਤੇਰੀ ਦਾ ਅਖੌਤੀ ਬਾਣਾ
ਬੜੇ ਭੰਬਲਭੂਸੇ ਛਿੜਕ ਰਹੇ
ਸੱਚ ਤੋਂ ਤੈਨੂੰ ਦੂਰ ਖੜਾ ਕੇ
ਕੂੜ ਹੀ ਕੂੜ ਰਿੜਕ ਰਹੇ

ਸੱਚਾ ਨਾਨਕ ਸੂਰਜ ਨੂੰ ਸ਼ੀਸ਼ਾ
ਕਿਸੇ ਵਿਰਲੇ ਨੇ ਹੀ ਪਾਇਆ
ਤੇਗ ਤੋਂ ਹੋਈ ਤਿੱਖੀ ਕਸੌਟੀ
ਜੀਹਨੇ ਵੀ ਗਲ ਲਾਇਆ

ਨਾਨਕ ਨਾਮ ਦੂਰ ਦਾ ਪੈਂਡਾ
ਕਿਰਤੋਂ ਵੀ ਏ ਬਿਸਰ ਗਿਆ
ਨਾਨਕ ਤੇਰਾ ਸ਼ਹਿਰ ਐਥੇ
ਤੇਰੇ ਬਾਝੋਂ ਬਿਖਰ ਗਿਆ

ਰਾਬਤਾ: +91 92560 66000

ਨਾਨਕ - ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’

Posted on:- 03-11-2019

Comments

ਨਜ਼ਰੀਆ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ