ਪਨੀਰਸੇਲਵਮ ਨੇ ਰੋਂਦਿਆਂ ਚੁੱਕੀ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਵਜੋਂ ਸਹੁੰ

Posted on:- 30-09-2014

ਚੇਨਈ : ਜੈਲਲਿਤਾ ਦੇ ਕਰੀਬੀ ਮੰਨੇ ਜਾਣ ਵਾਲੇ ਪਨੀਰਸੇਲਵਮ ਨੇ ਅੱਜ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕ ਲਈ ਹੈ। ਮੁੱਖ ਮੰਤਰੀ ਅਹੁਦੇ 'ਤੇ ਜੈਲਲਿਤਾ ਦੇ ਉਤਰਾਅਧਿਕਾਰੀ ਬਣੇ ਪਨੀਰਸੇਲਵਮ ਨੂੰ ਰਾਜ ਭਵਨ ਵਿਚ ਜਦੋਂ ਰਾਜਪਾਲ ਕੇ ਰੋਸਈਆ ਸਹੁੰ ਚੁਕਾ ਰਹੇ ਸਨ ਤਾਂ ਉਹ ਅੱਖਾਂ ਵਿਚੋਂ ਹੰਝੂ ਪੂੰਝਦੇ ਵੇਖੇ ਗਏ। ਰਾਜਪਾਲ ਨੇ ਨਵੇਂ ਮੁੱਖ ਮੰਤਰੀ ਦੇ ਮੰਤਰੀ ਮੰਡਲ ਨੂੰ ਵੀ ਸਹੁੰ ਚੁਕਾਈ। ਮੰਚ 'ਤੇ ਜਜ਼ਬਾਤੀ  ਹੋਏ ਮੰਤਰੀਆਂ ਵਿਚ ਨਾਥਮ ਆਰ ਵਿਸ਼ਵਨਾਥਨ, ਆਰ ਵੈਥੀਲਿੰਗਮ ਅਤੇ ਗੋਕੁਲਾ ਇੰਦਰਾ ਆਦਿ ਸ਼ਾਮਲ ਹਨ।