Fri, 19 April 2024
Your Visitor Number :-   6983993
SuhisaverSuhisaver Suhisaver

ਹਕੂਮਤ ਡਾਕਟਰੀ ਅਮਲੇ ਪ੍ਰਤੀ ਆਪਣਾ ਜਾਬਰ ਰਵੱਈਆ ਬਦਲੇ
Posted on:- 10-04-2020

ਸਨਮਾਨਯੋਗ ਹਾਲਤ ਮੁਹੱਈਆ ਕਰਵਾਏ ਸਰਕਾਰ-ਇਨਕਲਾਬੀ ਕੇਂਦਰ

ਬਰਨਾਲਾ : ਚੀਨ ਦੇ ਵੂਹਾਨ ਸ਼ਹਿਰ ਤੋਂ ਸ਼ੁਰੂ ਹੋਏ ਕੋਰੋਨਾਵਾਇਰਸ ਦੀ ਮਹਾਂਮਾਰੀ ਨੇ ਸੰਸਾਰ ਭਰ ਨੂੰ ਆਪਣੇ ਕਲਾਵੇ ਵਿੱਚ ਲਿਆ ਹੋਇਆ ਹੈ। ਮੌਤਾਂ ਅਤੇ ਪ੍ਰਭਾਵਿਤ ਮਰੀਜ਼ਾਂ ਦਾ ਗ੍ਰਾਫ ਵਧਦਾ ਹੀ ਜਾ ਰਿਹਾ ਹੈ। ਸਾਡੇ ਮੁਲਕ ਅੰਦਰ ਵੀ ਪ੍ਰਭਾਵਿਤ ਮਰੀਜ਼ਾਂ ਦੀ ਗਿਣਤੀ ਪੰਜ ਹਜਾਰ ਤੋਂ ਟੱਪ ਚੁੱਕੀ ਹੈ। ਮੌਤਾਂ ਦਾ ਅੰਕੜਾ ਡੇਢ ਸੌ ਨੂੰ ਪਾਰ ਕਰ ਗਿਆ ਹੈ। ਕੋਰੋਨਾ ਵਾਇਰਸ ਨੇ ਹੁਣ ਆਪਣੀ ਦਸਤਕ ਸਭ ਤੋਂ ਗਰੀਬ ਤਬਕੇ ਮੁੰਬਈ ਦੀਆਂ ਝੋਂਪੜ ਬਸਤੀ ਵਿੱਚ ਦੇ ਦਿੱਤੀ ਹੈ। ਮੁਲਕ ਅੰਦਰ ਇਹ ਉਹ ਥਾਵਾਂ ਹਨ ਜਿੱਥੇ ਕਰੋੜਾਂ ਕਰੋੜ ਲੋਕ ਵਸਦੇ ਹਨ। ਇੱਥੇ ਜਿੰਦਗੀ ਦੀਆਂ ਹੋਰ ਬੁਨਿਆਦੀ ਲੋੜਾਂ ਸਮੇਤ ਮੈਡੀਕਲ ਸਹੂਲਤ ਨਾਂ ਦੀ ਕੋਈ ਚੀਜ਼ ਨਹੀਂ ਹੈ।

ਸਾਡੇ ਮੁਲਕ ਅੰਦਰ ਮੈਡੀਕਲ ਸਹੂਲਤਾਂ ਦੀ ਘਾਟ ਕਿਸੇ ਕੋਲੋਂ ਗੁੱਝੀ ਨਹੀਂ। ਮਾਸਕ, ਦਸਤਾਨੇ, ਟੈਸਟ ਕਿੱਟਾਂ, ਵਰਦੀਆਂ, ਲੈਬਾਰਟਰੀਆਂ, ਵੈਂਟੀਲੇਟਰਾਂ ਤੋਂ ਸੱਖਣਾ ਮੈਡੀਕਲ ਅਮਲਾ ਜੰਗ ਲੜ੍ਹ ਰਿਹਾ ਹੈ। ਇਨਕਲਾਬੀ ਕੇਂਦਰ, ਪੰਜਾਬ ਦੇ ਪ੍ਰਧਾਨ ਸਾਥੀ ਨਰਾਇਣ ਦੱਤ ਅਤੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਕਿਹਾ ਕਿ ਜਦੋਂ ਤੋਂ ਇਹ ਮਹਾਂਮਾਰੀ ਖਿਲਾਫ ਜੰਗ ਸ਼ੁਰੂ ਹੋਈ ਹੈ, ਸਾਡੀ ਜਥੇਬੰਦੀ ਨੇ ਇਹ ਬੁਨਿਆਦੀ ਲੋੜਾਂ ਦੀ ਪੂਰਤੀ ਵੱਲ ਧਿਆਨ ਦਿਵਾਉਂਦਿਆਂ ਮੰਗ ਕੀਤੀ ਸੀ ਕਿ ਲੋੜੀਂਦੇ ਸਾਜੋਸਮਾਨ ਤੋਂ ਵਗੈਰ ਜੰਗ ਲੜੀ ਨਹੀਂ ਵੀ ਜਾ ਸਕਦੀ , ਜੰਗ ਜਿੱਤਣੀ ਤਾਂ ਦੂਰ ਦੀ ਗੱਲ ਹੈ। ਜਦ ਇਹਨਾਂ ਮਸਲਿਆਂ ਦੀ ਚਰਚਾ ਮੁਲਕ ਪੱਧਰ ਤੇ ਹੋਣ ਲੱਗੀ ਤਾਂ ਕੁੰਭਕਰਨੀ ਨੀਂਦ ਸੁੱਤੀਆਂ ਸਰਕਾਰਾਂ ਜਾਗੀਆਂ।  

ਹਾਲੇ ਵੀ ਮੁਲਕ ਦੀ 137 ਕਰੋੜ ਦੀ ਅਬਾਦੀ ਲਈ ਲੋੜੀਦੇ ਟੈਸਟਾਂ ਲਈ ਸਾਜੋਸਾਮਨ ਸਮੇਤ ਡਾਕਟਰੀ ਅਮਲੇ ਦੀ ਵੱਡੀ ਥੁੜ ਪਾਈ ਜਾ ਰਹੀ ਹੈ। ਜਿਸ ਦਾ ਸਿੱਟਾ ਹੀ ਹੈ ਕਿ ਸਾਡੇ ਮੁਲਕ ਅੰਦਰ ਹੁਣ ਤੱਕ ਸਿਰਫ ਡੇਢ ਲੱਖ ਤੋਂ ਥੋੜਾ ਵਧੇਰੇ ਟੈਸਟ ਹੋ ਸਕੇ ਹਨ। ਜਦ ਕਿ ਇਸ ਦੇ ਮੁਕਾਬਲੇ ਅਮਰੀਕਾ, ਜਰਮਨ, ਇਟਲੀ, ਚੀਨ, ਫਰਾਂਸ ਵਰਗੇ ਮੁਲਕਾਂ ਵਿੱਚ ਦਸ ਗੁਣਾਂ ਤੋਂ ਵੀ ਵਧੇਰੇ ਟੈਸਟ ਹੋ ਚੁੱਕੇ ਹਨ।  ਸਾਡੇ ਮੁਲਕ ਦੇ ਹਾਕਮ ਬੁਨਿਆਦੀ ਮੈਡੀਕਲ ਲੋੜਾਂ ਵੱਲ ਧਿਆਨ ਦੇਣ ਦੀ ਬਜਾਏ ਥਾਲੀਆਂ ਚਮਚੇ ਮੋਮਬੱਤੀਆਂ ਬਾਲਣ ਤੋਂ ਲੈਕੇ ਅੰਧਵਿਸ਼ਵਾਸ਼ੀ ਰਮਾਇਣ ਮਹਾਂਭਾਰਤ ਵਰਗੇ ਸੀਰੀਅਲ ਚਲਾਕੇ ਆਪਣੇ ਬੇਧਿਆਨੀ ਦਾ ਸਬੂਤ ਦੇ ਰਹੇ ਹਨ। ਕੋਰੋਨਾ ਵਾਇਰਸ ਤੋਂ ਪ੍ਰਭਾਵਿਤ ਮਰੀਜ਼ਾਂ ਦਾ ਇਲਾਜ ਕਰਦਾ ਹੋਇਆ ਡਾਕਟਰੀ ਅਮਲਾ ਖੁਦ ਵੀ ਇਸ ਬਿਮਾਰੀ ਦੀ ਲਪੇਟ ਵਿੱਚ ਆ ਗਿਆ ਹੈ। ਅਜਿਹਾ ਹੁਣ ਮੌਤ ਦਾ ਖਤਰਾ ਮੰਡਰਾਉਂਦਾ ਵੇਖ ਡਾਕਟਰੀ ਅਮਲਾ ਲੋੜੀਂਦੇ ਜਿੰਦਗੀ ਬਚਾਉ ਸਾਜੋ ਸਮਾਨ ਮੁਹੱਈਆਂ ਕਰਵਾਉਣ ਦੀ ਮੰਗ ਕਰਨ ਲੱਗਾ ਹੈ।

ਇਸ ਦੇ ਮੁਕਾਬਲੇ ਯੂ.ਪੀ ਅੰਦਰ ਪਰਾਗਰਾਜ ਵਿਖੇ ਆਊਟਸੋਰਸਿੰਗ ਅਧੀਨ ਭਰਤੀ ਸਿਹਤ ਕਰਮੀਆਂ ਨੇ ਜਦ ਲੋੜੀਂਦੇ ਸਾਜੋਸਾਮਨ ਦੀ ਮੰਗ ਕੀਤੀ ਤਾਂ ਉਨ੍ਹਾਂ ਨੂੰ ਯੋਗੀ ਸਰਕਾਰ ਨੇ ਨੌਕਰੀ ਤੋਂ ਬਰਖਾਸਤ ਕਰਨ ਦਾ ਫੁਰਮਾਨ ਜਾਰੀ ਕਰ ਦਿੱਤਾ। ਆਂਧਰਾ ਪ੍ਰਦੇਸ਼ ਦੇ ਸਿਵਲ ਹਸਪਤਾਲ ਨਰਸੀਪਟਨਮ ਵਿਖੇ ਤੈਨਾਤ ਸੀਨੀਅਰ ਡਾ ਸੁਧਾਕਰ  ਨੇ ਲੋੜੀਂਦੇ ਸਾਜ਼ੋਸਮਾਨ ਦੀ ਮੰਗ ਕੀਤੀ ਤਾਂ ਉਸ ਨੂੰ ਵੀ ਡਿਉਟੀ ਤੋਂ ਮੁਅੱਤਲ ਕਰਕੇ ਸਾਜ਼ੋਸਾਮਨ ਮੰਗਣ ਦਾ ਇਨਾਮ ਦੇ ਦਿੱਤਾ। ਅਜਿਹਾ ਹੀ ਪੰਜਾਬ ਦੇ ਨਰਸਿੰਗ ਸਟਾਫ ਨੇ ਮੰਗ ਕੀਤੀ ਹੈ ਕਿ ਸਾਨੂੰ ਬਿਨ੍ਹਾਂ ਹਥਿਆਰਾਂ ਤੋਂ ਕੋਰੋਨਾ ਵਾਇਰਸ ਤੋਂ ਪੀੜ੍ਹਤ ਮਰੀਜ਼ਾਂ ਦਾ ਇਲਾਜ ਕਰਨ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ, ਜਦ ਕਿ ਸੀਨੀਅਰ ਡਾਕਟਰ ਮਰੀਜ਼ਾਂ ਵੱਲ ਮੂੰਹ ਵੀ ਨਹੀਂ ਕਰਦੇ। ਅਸਲ ਵਿੱਚ ਡਾਕਟਰੀ ਅਮਲੇ ਕੋਲ ਲੋੜੀਂਦੀਆਂ ਸਹੂਲਤਾਂ ਦੀ ਬਹੁਤ ਘਾਟ ਹੈ ਜਿਸ ਕਰਕੇ ਹਰ ਤਬਕਾ ਮਰੀਜ਼ਾਂ ਦਾ ਸਹੀ ਇਲਾਜ ਕਰਨ ਤੋਂ ਅਸਮਰੱਥ ਹੈ। ਅਜਿਹੀ ਪੋਲ ਭਾਈ ਨਿਰਮਲ ਸਿੰਘ ਦੇ ਗਰੂ  ਨਾਨਕ ਦੇਵ ਹਸਪਤਾਲ ਅੰਮ੍ਰਿਤਸਰ ਦੌਰਾਨ ਜਾਰੀ ਹੋਈ ਵੀਡੀਓ ਨੇ ਖੋਲ ਦਿੱਤੀ ਹੈ।

ਇਸ ਵਾਇਰਸ ਦਾ ਇਲਾਜ ਕਰਨ ਵਾਲੇ ਮੈਡੀਕਲ ਅਮਲੇ ਨੂੰ ਲੋੜੀਂਦੀ ਵੱਖਰੀ ਸਾਫ ਸੁਥਰੀ ਰਿਹਾਇਸ਼ ਵੀ ਮਹੱਈਆ ਨਹੀਂ ਕਰਵਾਈ ਜਾ ਰਹੀ। ਸਿੱਟਾ ਇਹ ਨਿੱਕਲ ਰਿਹਾ ਹੈ ਕਿ ਦਹਿਸ਼ਤ ਕਾਰਨ ਇਸ ਅਮਲੇ ਨੂੰ ਬਹੁਤੇ ਥਾਏਂ ਘਰ ਪਰਤਣ ਸਮੇਂ ਆਂਢੀਆਂ ਗੁਆਂਢੀਆਂ/ ਮੁਹੱਲਾ ਨਿਵਾਸੀਆਂ ਕੋਲੋਂ ਜਲੀਲ ਹੋਣਾ ਫੇ ਰਿਹਾ ਹੈ। ਬਹੁਤ ਸਾਰਾ ਡਾਕਟਰੀ ਅਮਲਾ ਆਪਣੀਆਂ ਕਾਰਾਂ ਵਗੈਰਾ ਵਿੱਚ ਹੀ ਬੈਠਕੇ ਸਮਾਂ ਟਪਾਉਣ ਲਈ ਮਜਬੂਰ ਹੈ। ਬਿਨਾਂ ਹਥਿਆਰਾਂ ਤੋਂ ਜੰਗ ਲੜ੍ਹ ਰਹੇ ਮੈਡੀਕਲ ਅਮਲੇ ਨੂੰ ਸਨਾਮਨ ਦੇਣ ਦੇ ਹੋਕਰੇ ਮਾਰਦਿਆਂ ਕੁੱਝ ਥਾਵਾਂ ਤੇ ਸਲਾਮੀ ਵੀ ਭੇਂਟ ਕੀਤੇ ਜਾਣ ਦਾ ਵਿਖਾਵਾ ਕੀਤਾ ਜਾ ਰਿਹਾ ਹੈ। ਇਹ ਸਨਮਾਨ ਨਹੀਂ ਅਸਲ ਵਿੱਚ ਜਬਰ ਦੇ ਜੋਰ ਮੂੰਹ ਬੰਦ ਕਰਵਾਉਣ ਦੀ ਕਵਾਇਦ ਹੈ। ਇਸ ਤੋ ਸਰਕਾਰਾਂ ਦੀ ਨੀਅਤ ਦਾ ਵੀ ਪਤਾ ਚਲਦਾ ਹੈ ਕਿ ਇਸ ਸੰਕਟ ਦੀ ਘੜੀ ਮੌਕੇ ਵੀ ਗੈਰ ਜ਼ਿੰਮੇਵਾਰਾਨਾ ਅਤੇ ਜਾਬਰ ਰਵੱਈਆ ਅਖਤਿਆਰ ਕਰਦੀਆਂ ਹਨ। ਇਨਕਲਾਬੀ ਕੇਂਦਰ ਦੇ ਆਗੂਆਂ ਜ਼ੋਰਦਾਰ ਮੰਗ ਕੀਤੀ ਹੈ ਕਿ ਹਕੂਮਤਾਂ ਆਪਣਾ ਲੋਕ ਵਿਰੋਧੀ ਜਾਬਰ ਰਵੱਈਆਂ ਤਿਆਗ ਕੇ ਮੈਡੀਕਲ ਅਮਲੇ ਲਈ ਢੁੱਕਵਾਂ ਵਾਤਾਵਰਨ, ਸਾਜ਼ੋਸਮਾਨ, ਰਿਹਾਇਸ਼, ਖਾਣਪੀਣ, ਅਤੇ ਹੋਰ ਸਹੂਲਤਾਂ ਤੁਰੰਤ ਪ੍ਰਦਾਨ ਕਰਨ ਤਾਂ ਜੋ ਉਹ ਨਿਧਕੜ ਹੋਕੇ ਆਪਣੇ ਕਰਮ ਖੇਤਰ ਵੱਲ ਧਿਆਨ ਦੇਕੇ ਮਰੀਜ਼ਾਂ ਦੇ ਇਲਾਜ ਪ੍ਰਤੀ ਤੱਤਪਰ ਹੋਣ।

-ਕੰਵਲਜੀਤ ਖੰਨਾ

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਤਰਾਂ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ