Sun, 18 February 2018
Your Visitor Number :-   1142582
SuhisaverSuhisaver Suhisaver
ਮੀਡੀਆ ਅਤੇ ਪਾਠਕ ਦੇ ਰਿਸ਼ਤੇ ਵਿੱਚ ਵੱਧ ਰਿਹਾ ਹੈ ਫਾਸਲਾ: ਹਰਤੋਸ਼ ਬੱਲ               ਬੂਟਾ ਸਿੰਘ ਅਤੇ ਮਹਿੰਦਰ ਸਿੰਘ ਮਾਨੂੰਪੁਰੀ ਨੂੰ ਮਿਲਿਆ ਸੂਹੀ ਸਵੇਰ ਮੀਡੀਆ ਐਵਾਰਡ              

ਗ਼ਜ਼ਲ - ਬਾਲੀ ਰੇਤਗੜ੍ਹ

Posted on:- 07-02-2018

ਥੋੜਾ-ਥੋੜਾ ਦਿਲ ਦੀ, ਤਾਰ ਹਿਲਾਇਆ ਕਰ
ਪੱਥਰ ਨਾ ਹੋ ਜਾਵੇ , ਦਿਲ  ਟੁਣਕਾਇਆ ਕਰ

ਦਰਦ ਦਵਾ ਏ ਦਾਰੂ, ਗ਼ਮ ਦੀ ਸੱਜਣ ਜੀ
ਅੰਦਰ ਬਹਿਕੇ ਚੁਪ ਤੂੰ, ਤੁਪਕਾ ਪਾਇਆ ਕਰ

ਗੁਰਬਤ ਸਾਡੀ ਮਾਂ, ਪੂੰਜੀ ਰਾਜ ਪਤੰਦਰ
ਸ਼ੌਕਣ ਭੁੱਖ ਮਰੀ ਹੈ, ਪੈਰ ਬਚਾਇਆ ਕਰ

ਵਿਕਦੈ ਜੋਬਨ ਮੰਡੀ, ਸੂਹਾ ਖੂਨ ਵਿਕੇ
ਨਾ ਰੁਜ਼ਗਾਰ ਬੁਢਾਪੇ, ਧੌਲ਼ੇ ਜਾਇਆ ਕਰ

ਖੜ੍ਹਨਾ ਨਾਲ਼ ਲਤਾੜੇ, ਢਾਹੁਣਾ ਜਾਬਰ ਨੂੰ
ਫ਼ਰਜ ਕਲਮ ਦਾ ਧੁਰ ਤੋਂ, ਹੱਕ ਪ੍ਰਣਾਇਆ ਕਰ

ਅੰਦਰ ਤੇਰੇ ਮਾਲਿਕ  ਭੇਖੋਂ ਲੈਣੈ ਕੀ
ਕਰਕੇ ਕਿਰਤ ਕਮਾਈ, ਬਹਿਕੇ ਖਾਇਆ ਕਰ

ਸੀਨੇ ਦੇ ਵਿੱਚ ਪਾੜਾ, ਰੂਹ ਬਟਵਾਰੇ ਦਾ
ਸਤਰ ਮਹੁੱਬਤ ਦੀ ਹੀ, ਸੁਰ ਵਿਚ ਗਾਇਆ ਕਰ

ਹੈ ਪੇਚੀਦਾ ਸਿਸਟਮ, ਵਾਇਰਸ ਫੈਲ ਗਿਐ
ਰਿਸ਼ਵਤ ਖੋਰੀ ਵਿਸ਼ ਏ, ਨਾ ਮੂੰਹ ਲਾਇਆ ਕਰ

"ਬਾਲੀ" ਇਸ਼ਕ ਬਿਨ ਵੀ ਬੰਦਾ ਮੁਰਦਾ ਹੈ
ਕਹਿ ਕੇ ਰੇਤਗੜ ਗ਼ਜ਼ਲ, ਸਿਰ ਝੁਕਾਇਆ ਕਰ।

      ਸੰਪਰਕ: +91 94651 29168

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ