Sun, 08 December 2019
Your Visitor Number :-   1991986
SuhisaverSuhisaver Suhisaver
ਕਾਰਟੂਨਿਸਟ ਸੁਧੀਰ ਧਰ ਦਾ ਦਿਹਾਂਤ               ਮਲਵਿੰਦਰ ਤੇ ਸ਼ਿਵਿੰਦਰ ਹੱਤਕ ਅਦਾਲਤ ਦੇ ਦੋਸ਼ੀ ਕਰਾਰ              

ਸੁਣ ਨੀਂ ਨਵੀਂਓ ਨਵੀਂ ਜਵਾਨੀਏਂ –ਮਲਕੀਅਤ ਸਿੰਘ ਸੰਧੂ

Posted on:- 15-05-2014

ਸੁਣ ਨੀਂ ਨਵੀਂਓ ਨਵੀਂ ਜਵਾਨੀਏਂ! ਕੀ ਸੁਣਦੀਏਂ ਕੀ ਗਾਂਦੀਏਂ?
ਗੰਦਗੀ ਦੇ ਵਿਚ ਧਸਦੀ ਜਾਂਦੀਏਂ। ਮਿੱਟੀ ਵਿਚ ਰੁਲ ਜਾਏਂਗੀ।
ਮਾਂ, ਧੀ, ਭੈਣ, ਭਰਾ ਤੇ ਪਿਉ ਦੇ ਰਿਸ਼ਤੇ ਭੁਲ ਜਾਏਂਗੀ।

ਰੰਗੇ ਗਿੱਦੜ ਸ਼ੇਰ ਨਾ ਬਣਦੇ। ਤੇਰੇ ਕੀ ਸੋਚਣਗੇ ਜਣਦੇ?
ਲਾਲਚ ਪੈ ਕੇ ਨਾਉਂ ਤੇ ਧਨ ਦੇ, ਕੌਡੀ ਦੇ ਭਾ ਤੁਲ ਜਾਏਂਗੀ।
ਮਾਂ, ਧੀ, ਭੈਣ, ਭਰਾ ਤੇ......

ਐਵੇਂ ਦੁੱਧ ‘ਚ ਘੋਲ ਨਾ ਕਾਂਜੀ। ਖੱਟ ਕੇ ਸ਼ੁਹਰਤ ਕੌਡੀ ਨਾਂ ਦੀ।
ਬਣ ਕੇ ਲਚਰ ਰਾਹ ਦੀ ਪਾਂਧੀ, ਲੁੱਚਪੁਣੇ ਵਿਚ ਘੁਲ ਜਾਏਂਗੀ।
ਮਾਂ, ਧੀ, ਭੈਣ, ਭਰਾ ਤੇ.....

ਕਲ਼ਾ ਨਈਂ ਖਾਲਾ ਜੀ ਦਾ ਬਾੜਾ। ਢੋਂਦੇ ਟੱਟੂ ਭੰਗ ਦਾ ਭਾੜਾ।
ਇੱਜ਼ਤਾਂ ਦਾ ਪਈ ਕਰੇਂ ਉਜਾੜਾ, ਦੀਵੇ ਵਾਂਗੂ ਗ਼ੁਲ ਜਾਏਂਗੀ।
ਮਾਂ, ਧੀ, ਭੈਣ, ਭਰਾ ਤੇ.....

ਕੀ ਸੋਚਣਗੇ ਪੁੱਤਰ-ਧੀਆਂ? ਹੋਣਗੇ ਰਾਜ਼ੀ ਬੀਵੀ-ਮੀਆਂ।
ਹੋ ਜਾਊ ਫੇਲ੍ਹ ਕਾਜ਼ੀ ਦਾ ਹੀਆਂ, ਕਿਹੜੇ ਮਾਣ ‘ਚ ਫੁਲ ਜਾਏਂਗੀ?
ਮਾਂ, ਧੀ, ਭੈਣ, ਭਰਾ ਤੇ.....

ਜਾਵੇਂ ਹੱਥੋਂ ਸਮਾ ਗਵਾਈ। ‘ਸੰਧੂ’ ਜਾਵੇ ਇਉਂ ਸਮਝਾਈ।
ਲੀਰਾਂ ਰਹਿ ਜਾਵੇਂਗੀ ਭਾਈ, ਖਿੱਦੋ ਵਾਂਗ ਫਰੁਲ ਜਾਏਂਗੀ।
ਮਾਂ, ਧੀ, ਭੈਣ, ਭਰਾ ਤੇ.....

ਈ-ਮੇਲ: preet_asandhu@hotmail.com

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ