Sun, 21 July 2019
Your Visitor Number :-   1773291
SuhisaverSuhisaver Suhisaver
ਕਰਨਾਟਕ: ਬਾਗ਼ੀਆਂ ਨੂੰ ਅਯੋਗ ਠਹਿਰਾਉਣ ਦੀ ਮੰਗ               ਸੀਬੀਆਈ ਵੱਲੋਂ ਚੰਡੀਗੜ੍ਹ ਸਮੇਤ ਦੇਸ਼ ਭਰ ’ਚ ਛਾਪੇ              

ਗ਼ਜ਼ਲ - ਪਾਲੀ ਖ਼ਾਦਿਮ

Posted on:- 01-07-2014



ਸੁੱਕੇ ਕਿਤਾਬ ਅੰਦਰ, ਦਿੱਤੇ ਗ਼ੁਲਾਬ ਤੇਰੇ।
ਆਉਂਦੇ ਨਹੀਂ ਕਦੀਂ ਹੁਣ, ਭੁੱਲ ਕੇ ਵੀ ਖ਼ੁਆਬ ਤੇਰੇ।

ਇੱਕ ਪਲ ’ਚ ਹੋ ਗਿਆ ਸੀ, ਰੌਸ਼ਨ ਮੇਰਾ ਚੁਫੇਰਾ,
ਉੱਠਿਆ ਜਦੋਂ ਸੀ ਮੁੱਖ ਤੋਂ, ਦਿਲਬਰ ਨਕਾਬ ਤੇਰੇ।

ਮੰਗੇ ਇਹ ਜਾਨ ਮੈਥੋਂ, ਹਰ ਵਾਰ ਜਾਨ ਮੰਗੇ,
ਮੈਂ ਜਾਨ ਵਾਰ ਦੇਵਾਂ, ਸਦਕੇ ਸ਼ਬਾਬ ਤੇਰੇ।

ਸਾਹੀਂ ਤੇਰੇ ਜੇ ਸਰਗਮ, ਮੈਂ ਤਾਲ ਦਾ ਹਾਂ ਪੱਕਾ,
ਪੈਰਾਂ ’ਚ ਕੱਚ ਮੇਰੇ, ਮੋਢੇ ਰਬਾਬ ਤੇਰੇ।

ਫੁੱਲਾਂ ਦੇ ਹੱਥ ਘੱਲੇ, ਮੈਂ ਪਿਆਰ ਦੇ ਸੁਨੇਹੇ,
ਕੰਢਿਆਂ ਦੇ ਹੱਥ ਆਏ, ਵਾਪਸ ਜਵਾਬ ਤੇਰੇ ।

ਇਹ ਦਿਲ ਮਿਰੇ ਦਾ ਅੰਬਰ ,ਘੁੱਗੀ ਦੇ ਵਾਸਤੇ ਹੈ,
ਤੇਰੀ ਉਡਾਨ ਉੱਚੀ, ਹੱਥ ਵਿੱਚ ਉਕਾਬ ਤੇਰੇ।

ਹੈ ਸੌ ਤਰ੍ਹਾਂ ਦੀ ਤੇਰੇ ,ਘਰ ਵਿੱਚ ਸ਼ਰਾਬ ਐਪਰ,
ਘਰ ਵਿੱਚ ਨਾ ਮੈਨੂੰ ਦਿਸਦੀ, ਇੱਕ ਵੀ ਕਿਤਾਬ ਤੇਰੇ ।

ਸੰਪਰਕ: +91 99143 10063

Comments

Roop Sidhu

Very nice Ghazal

ਆਰ.ਬੀ.ਸੋਹਲ

ਬਹੁੱਤ ਖੂਬਸੂਰਤ ਸਾਹਿਬ........

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ