Sun, 21 July 2019
Your Visitor Number :-   1773296
SuhisaverSuhisaver Suhisaver
ਕਰਨਾਟਕ: ਬਾਗ਼ੀਆਂ ਨੂੰ ਅਯੋਗ ਠਹਿਰਾਉਣ ਦੀ ਮੰਗ               ਸੀਬੀਆਈ ਵੱਲੋਂ ਚੰਡੀਗੜ੍ਹ ਸਮੇਤ ਦੇਸ਼ ਭਰ ’ਚ ਛਾਪੇ              

ਕਾਫ਼ਿਰ ਦਿਲ ਦੀ ਇੱਕ ਕਵਿਤਾ

Posted on:- 18-09-2014

ਸਮਝਣਾ ਚੰਗਾ ਹੈ
ਮਨ ਨੂੰ ਸਮਝਾਉਣ ਦੀ ਬਜਾਇ
ਕਿ ਸਮਝਣਾ ਜ਼ਰੂਰੀ ਹੈ
ਕਾਬਿਲ ਹੋਣ ਲਈ

ਤਾਂ ਜੋ ਜ਼ਿੰਦਗੀ ਗੁਜ਼ਰੇ
ਕੀੜੇ ਮਕੌੜਿਆਂ ਤੋ ਬੇਹਤਰ
ਕਿ ਹੰਝੂਆਂ ਦਾ ਮੁੱਲ ਮਿਲ ਸਕੇ
ਕਿ ਕਰਜ਼ਾ ਮੋੜਨਾ ਹੈ ਸਧਰਾਂ ਦਾ
ਜੋ ਹੁਣ ਤੱਕ ਨਿਚੋੜਿਆ ਪਸੀਨਾ
ਕਿ ਹੱਥਾਂ ਦੇ ਅੱਟਣ ਗਵਾਹ ਨੇ

ਅਸੀ ਲੜਨਾ ਹੈ ਕਿਸਮਤ ਨਾਲ
ਕਿ ਲੜਨਾ ਜ਼ਰੂਰੀ ਹੈ ਹੱਕਾਂ ਲਈ
ਕਿ ਹੱਕ ਪਰੋਸੇ ਨਹੀ ਜਾਂਦੇ
ਹੱਥ ਫ਼ੈਲਾਇਆਂ ਨਹੀਂ ਮਿਲਦੇ

ਬੇਸ਼ੱਕ ਸੱਚ ਹੈ ਇਹ ਵੀ
ਕਿ ਸੁਰਗ ਕਿਤੇ ਵੀ ਨਹੀ ਹੁੰਦੇ
ਕਿ ਸੁਰਗ ਬਣਾਇਆਂ ਬਣਦੇ ਨੇ
ਕਿ ਜਿਉਣਾ ਉਹਨਾਂ ਦਾ ਹੁੰਦੈ
ਜੋ ਖੁਦ ਲਈ ਜੂਝਦੇ ਰਹਿੰਦੇ
ਜਿਉਣ ਦੀ ਖਾਤਿਰ ਜੋ ਮਰਦੇ

ਕਿ ਜ਼ਿੰਦਗੀ ਖੂਬਸੂਰਤ ਹੈ
ਸਦਾ ਇਹ ਸੋਚ ਕੇ ਚੱਲਣਾ
ਸੁਪਨਿਆਂ ਦੀ ਖੇਤੀ ਲਈ
ਜਜ਼ਬਾਤਾਂ ਦੀ ਜ਼ਮੀਨ ਉੱਪਰ
ਮਿਹਨਤ ਕਰਦੇ ਰਹਿਣਾ ਹੈ
ਕਿ ਯਾਰੋ ਲੜਦੇ ਰਹਿਣਾ ਹੈ

ਲੜਨਾ ਜ਼ਰੂਰੀ ਹੈ ਆਖ਼ਿਰ
ਹੱਕਾਂ ਦੀ ਅਜ਼ਾਦੀ ਲਈ
ਅਜ਼ਾਦੀ ਇੰਝ ਨਹੀ ਮਿਲਦੀ
ਕਿ ਬਾਗੀ ਬਣਨਾ ਪੈਂਦਾ ਹੈ

ਕਿ ਤੁਫ਼ਾਨ ਚਲਦੇ ਰਹਿੰਦੇ ਨੇ
ਕਿ ਅੜਕੇ ਖੜਨਾ ਪੈਂਦਾ ਹੈ

ਮੰਜ਼ਿਲ ਸਰ ਹੁੰਦੀ ਨਹੀਂ ਖੜਕੇ
ਕਿ ਕੁਝ ਤਾਂ ਕਰਨਾ ਪੈਂਦਾ ਹੈ

ਸੰਪਰਕ: +91 98151- 19987

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ