Sun, 24 March 2019
Your Visitor Number :-   1639810
SuhisaverSuhisaver Suhisaver
ਅਸੀਮਾਨੰਦ ਸਮੇਤ ਸਾਰੇ ਮੁਲਜ਼ਮ ਐੱਨ ਆਈ ਏ ਅਦਾਲਤ 'ਚੋਂ ਬਰੀ               ਯਾਕੂਬ ਪਟਾਲਿਆ ਨੂੰ ਉਮਰ ਕੈਦ               ਪੀ ਡੀ ਪੀ ਸਾਰੀਆਂ ਛੇ ਲੋਕ ਸਭਾ ਸੀਟਾਂ 'ਤੇ ਲੜੇਗੀ ਚੋਣ : ਮਹਿਬੂਬਾ              

ਈਦ ਮਾਹੀ ਦੀ ਦੀਦ -ਐੱਸ ਸੁਰਿੰਦਰ ਇਟਲੀ

Posted on:- 06-10-2014



ਮਾਹੀ ਈਦ ਨੂੰ ਆਇਆ ਨਾ ।
ਅੱਖੀਆਂ ਤਰਸ ਗਈਆਂ , ਸਾਨੂੰ ਦਰਸ ਦਿਖਾਇਆ ਨਾ ।

ਅਸੀਂ ਈਦ ਨੂੰ ਰੋਂਦੇ ਹਾਂ ।
ਵਿਛੋੜੇ ਦਾ ਰੋਗ ਚੰਦਰਾ , ਮਾਹੀਆ ਦੀਪਕ ਗਾਉਂਦੇ ਹਾਂ ।

ਲੋਕਾਂ ਈਦ ਮਨਾਉਂਣੀ ਏ ।
ਸੱਜਣਾ ਨੂੰ ਮਾਹੀਆ ਲਿਖ ਕੇ , ਅਸਾਂ ਕੂੰਕ ਸੁਣਾਉਣੀ ਏ ।

ਈਦ ਹੱਸਦਿਆਂ ਵੱਸਦਿਆਂ ਦੀ ।
ਨੈਣਾਂ ’ਚੋਂ ਸਿੱਲ ਮੁੱਕ ਗਈ , ਰਾਹ ਮਾਹੀਆ ਤੱਕਦਿਆਂ ਦੀ ।

ਈਦ ਮਾਹੀ ਨਾਲ ਸੋਹਦੀ ਏ ।
ਵੇ ! ਰਾਂਝਣਾ ਘਰ ਆਜਾ , ਹੀਰ ਵਿਰਧ ਸੁਣਾਉਂਦੀ ਏ ।

ਈਦ ਕੱਠਿਆਂ ਮਨਾਵਾਂਗੇ ।
ਬਾਹਵਾਂ ਗੋਰੀਆਂ ਦਾ , ਹਾਰ ਤੇਰੇ ਗਲ ਪਾਵਾਂਗੇ ।

ਸ਼ਾਲਾ ਸੁੱਖਾਂ ਵਾਲੀ ਈਦ ਹੋਵੇ ।
ਰੱਬਾ ਤੇਰੇ ਤਰਲੇ ਕਰਾਂ , ਚੰਨ ਮੁੱਖੜੇ ਦੀ ਦੀਦ ਹੋਵੇ ।

ਲੱਖਾਂ ਖੁਸ਼ੀਆਂ ਈਦ ਦੀਆਂ ।
ਚੰਨ ਪਰਦੇਸੀਆ ਵੇ , ਪੱਲੇ ਸੱਧਰਾਂ ਉਮੀਦ ਦੀਆਂ ।


Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ