Thu, 17 January 2019
Your Visitor Number :-   1576578
SuhisaverSuhisaver Suhisaver
ਰਾਸ਼ਟਰਪਤੀ ਨੇ 10 ਫੀਸਦੀ ਕੋਟਾ ਬਿਲ ਨੂੰ ਦਿੱਤੀ ਮਨਜ਼ੂਰੀ               ਪੱਤਰਕਾਰ ਹੱਤਿਆ ਮਾਮਲੇ 'ਚ ਰਾਮ ਰਹੀਮ ਦੋਸ਼ੀ ਕਰਾਰ              

ਚੰਗਾ ਹੋਇਆ- ਰਵੇਲ ਸਿੰਘ

Posted on:- 13-10-2014



ਚੰਗਾ ਹੋਇਆ ਉਹ ਰਾਹ 'ਚੋਂ ਹੱਥ ਛੁਡਾ ਕੇ ਤੁਰ ਗਿਆ ,
ਸੰਸਾਰ ਦੀ ਇੱਸ ਭੀੜ 'ਚੋਂ ਅੱਖਾਂ ਚੁਰਾ ਕੇ ਤੁਰ ਗਿਆ।

ਸੋਚਾਂ ਦੇ ਭੱਠ ਅੰਦਰ ਸੜ ਕੇ ਮਨੂਰ ਹੋਣੋਂ,
ਬਸ ਖਿੰਗਰਾਂ ਦੇ ਦੇਸ਼ ਚੋਂ ਪੱਲਾ ਬਚਾ ਕੇ ਤੁਰ ਗਿਆ ।

ਸੀ ਰੀਝ ਲੈ ਕੇ ਆਇਆ ਪਰਵਾਨਿਆਂ ਦੇ ਵਾਂਗ ,
ਫੁੱਲਾਂ ਤੇ ਬਹਿ ਗਿਆ ਮਹਿਕਾਂ ਚੁਰਾ ਕੇ ਤੁਰ ਗਿਆ ।

ਇੱਕ ਅੱਗ ਸੀ ਲਿਖਣ ਦੀ ਐਵੇਂ ਚੁਆਤੀ ਬਾਲ ਕੇ ,
ਬੱਸ ਕਾਗਜ਼ਾਂ ਦੀ ਹਿੱਕ ਤੇ ਲਾਂਬੂ ਲਗਾ ਕੇ ਤੁਰ ਗਿਆ ।

ਇੱਸ ਕਲਮ ਦੀ ਕਸੌਟੀ ਤੇ ਉਤਰਨਾ ਹੈ ਔਖਾ ,
ਉਹ ਕਾਗਜ਼ਾਂ ਦੀ ਬੇੜੀ ਸਾਗਰ ਵਹਾ ਕੇ ਤੁਰ ਗਿਆ।

ਪੱਥਰ ਨਹੀਂ ਹੈ ਦਿਲ ਪਰ , ਏਨਾ ਕੁ ਹੈ ਪਤਾ ,
ਤਿੜਕੀ ਦੁਪਿਹਰ ਨੂੰ ਹਿਜਰਾਂ ਤੇ ਪਾ ਕੇ ਤੁਰ ਗਿਆ।

ਹੁਣ ਕਲਮ ਉਸ ਦੀ ਬਹਿਕੇ ਆਪੇ ਕਰੇ ਨਿਬੇੜਾ ,
ਬਨਣਾ ਹੈ ਕਾਫਿਲਾ ਜਾਂ ਆਪਾ ਬਚਾ ਕੇ ਤੁਰ ਗਿਆ।


ਨਾ ਰੋਸ ਨਾ ਗਿਲਾ ਹੈ ਬੀਤੇ ਪਲ਼ਾਂ ਤੇ ਕੋਈ ,
ਫੁਰਸਤ ਦੇ ਨਾਲ ਜੇਹੜੇ ਯਾਦਾਂ ਬਨਾ ਕੇ ਤੁਰ ਗਿਆ ।

ਜੇ ਹੋ ਸਕੇ ਤਾਂ ਸਜਨਾ ਕੋਸਿ਼ਸ਼ ਕਰੀਂ ਭੁਲਾਵੀਂ ,
ਅਹਿਸਾਨ ਜੋ ਹੈ ਤੇਰਾ ਪਲਕੀਂ ਬਿਠਾ ਕੇ ਤੁਰ ਗਿਆ ।

ਸੁਪਨੇ ਨੇ ਆਮ ਅਕਸਰ ਆਉਂਦੇ ਨੇ ਬੇ ਮੁਹਾਰੇ ,
ਏਨਾ ਹੀ ਸਮਝ ਆਇਆ ਸੁਪਨੇ ਗੁਆ ਕੇ ਤੁਰ ਗਿਆ ।

ਸੀ ਵਕਤ ਦਾ ਤਕਾਜ਼ਾ ਇੱਕ ਮੋੜ ਤੇ ਮਿਲੇ ਸਾਂ ,
ਜਿਤਨਾ ਕੁ ਸਮਾ ਮਿਲਿਆ ਓਨਾ ਬਿਤਾ ਕੇ ਤੁਰ ਗਿਆ।

ਹਰ ਲਫ਼ਜ਼ ਉਸ ਦੀ ਕਲਮ ਦਾ ਜਦ ਵੀ ਪੜ੍ਹਾਂ ਗਾ ਮੈਂ ,
ਸੋਚਾਂ ਗਾ ਬਲਦੀ ਅੱਗ 'ਚੋਂ ਦੀਪਕ ਜਗਾ ਕੇ ਤੁਰ ਗਿਆ।

ਮਜਬੂਰੀਆਂ ਦੇ ਸੰਗਲ ਹਰ ਬਸ਼ਰ ਦੇ ਗਲੇ ਵਿੱਚ ,

ਹੈ ਮੇਹਰ ਬਾਨੀ ਉਸ ਦੀ ਸਭ ਕੁਝ ਭੁਲਾ ਕੇ ਤੁਰ ਗਿਆ ।

ਇਹ ਗ਼ਜ਼ਲ ਹੈ ਨਾ ਕਵਿਤਾ ਮਨ ਦਾ ਹੈ ਵਲ਼ਵਲ਼ਾ ,
ਤੂਫਾਨ ਵਾਂਗ ਆਇਆ ਸਭ ਕੁਝ ਮਿਟਾ ਕੇ ਤੁਰ ਗਿਆ ।

ਚੰਗਾ ਹੋਇਆ ਉਹ ਰਾਹ ਚੋਂ ਹੱਥ ਛੁਡਾ ਕੇ ਤੁਰ ਗਿਆ,
ਸੰਸਾਰ ਦੀ ਇੱਸ ਭੀੜ 'ਚੋਂ ਅੱਖਾਂ ਚੁਰਾ ਕੇ ਤੁਰ ਗਿਆ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ