Sun, 24 September 2017
Your Visitor Number :-   1088358
SuhisaverSuhisaver Suhisaver
7 ਕਿਸਾਨ ਜਥੇਬੰਦੀਆਂ ਦਾ 5 ਦਿਨਾ ਰੋਸ ਧਰਨਾ ਸ਼ੁਰੂ               ਨਵਾਜ਼ ਸ਼ਰੀਫ਼ ਦੇ ਖਾਤੇ ਸੀਲ              

ਕੁਝ ਕਾਵਿ-ਰਚਨਾਵਾਂ

Posted on:- 13-01-2015

ਅਨੁਵਾਦ : ਮਨਦੀਪ
ਸੰਪਰਕ: +9198764 42052

ਉਹਨਾਂ ਦਾ ਡਰ
ਉਹ ਡਰਦੇ ਹਨ
ਕਿਸ ਚੀਜ ਤੋਂ ਡਰਦੇ ਹਨ ਉਹ
ਸਮੁੱਚੀ ਧਨ-ਦੌਲਤ
ਗੋਲਾ-ਬਾਰੂਦ ਪੁਲਿਸ ਫੌਜ ਦੇ ਬਾਵਜੂਦ?
ਉਹ ਡਰਦੇ ਹਨ
ਕਿ ਇੱਕ ਦਿਨ
ਨਿਹੱਥੇ ਅਤੇ ਗਰੀਬ ਲੋਕ
ਉਹਨਾਂ ਤੋਂ ਡਰਨਾ
ਬੰਦ ਕਰ ਦੇਣਗੇ।
-ਗੋਰਖ ਪਾਂਡੇ
***

ਭੋਪਾਲ
ਹਰ ਚੀਜ ’ਚ ਘੁਲ ਗਿਆ ਸੀ ਜਹਿਰ
ਹਵਾ ’ਚ ਘੁਲ ਗਿਆ ਸੀ
ਮਿੱਟੀ’ਚ ਖੂਨ ’ਚ
ਇੱਥੋਂ ਤੱਕ ਕਿ
ਦੇਸ਼ ਦੇ ਕਾਨੂੰਨ ’ਚ
ਨਿਆਂ ਦੀਆਂ ਜੜ੍ਹਾਂ ’ਚ
ਇਸ ਲਈ ਜਦ ਫੈਸਲਾ ਸੁਣਾਇਆ
ਤਾਂ ਉਹ ਇੱਕ ਜਹਿਰੀਲਾ ਫਲ ਸੀ।
-ਰਾਜੇਂਦਰ ਰਾਜਨ
***

ਉਸਦਾ ਹੱਥ
ਆਪਣੇ ਹੱਥ ’ਚ ਲੈਂਦੇ ਮੈਂ ਸੋਚਿਆ
ਦੁਨੀਆਂ ਨੂੰ
ਹੱਥ ਦੀ ਤਰ੍ਹਾਂ ਗਰਮ ਅਤੇ ਸੁੰਦਰ ਹੋਣਾ ਚਾਹੀਦਾ ਹੈ।
-ਕੇਦਾਰ ਨਾਥ ਸਿੰਘ
***

ਇੱਕ ਚਿਹਰਾ ਹੋਵੇ ਤਾਂ ਪਹਿਚਾਣੀਏ
ਸ਼ੈਤਾਨ ਦੇ ਸੌ-ਸੌ ਚਿਹਰੇ ਹਨ
ਕੁਰਸੀ ਤਾਂ ਅੱਖਾਂ ਦੀ ਅੰਨ੍ਹੀ ਹੈ
ਅਤੇ ਕੁਰਸੀ ਵਾਲੇ ਬਹਿਰੇ ਹਨ
ਇਹ ਵਾਅਦਿਆਂ ਦਾ ਝੂਠ ਪਕਾਏਗੀ
ਸਭ ਪੱਕਿਆ ਹੋਇਆ ਖੁਦ ਖਾਏਗੀ
ਆਪਣੀ ਦੁਨੀਆਂ ਕਦ ਬਦਲੇਗੀ।
-ਬਿ੍ਰਜ ਚੌਹਾਨ
***

ਉਹਨਾਂ ਦਾ ਭੈਅ
ਜਦ ਅਸੀਂ ਗਾਉਂਦੇ ਹਾਂ ਤਾਂ ਉਹ ਡਰ ਜਾਂਦੇ ਹਨ।
ਉਹ ਡਰ ਜਾਂਦੇ ਹਨ ਜਦ ਅਸੀਂ ਚੁੱਪ ਹੁੰਦੇ ਹਾਂ
ਉਹ ਡਰ ਦੇ ਹਨ ਸਾਡੇ ਗੀਤਾਂ ਤੋਂ
ਅਤੇ ਸਾਡੀ ਚੁੱਪ ਤੋਂ ਵੀ।
-ਕਾਤਿਆਨੀ
***

ਉੱਠੋ ਅਤੇ ਖੁਦ ਨੂੰ ਆਪਣੇ ਅੰਦਰੋਂ ਕੱਢੋ
ਸਾਰੀ ਦੁਨੀਆਂ ’ਚ ਫੈਲ ਜਾਣ ਲਈ,
ਹਾਸੇ ਅਤੇ ਧੁੱਪ ਅਤੇ ਹਵਾ ਦੀ ਤਰ੍ਹਾਂ।
-ਸ਼ਲਭ ਸ਼੍ਰੀਰਾਮ ਸਿੰਘ
***

ਚੋਣਾਂ ’ਚ
ਕੋਈ ਵੀ ਜਿੱਤੇ
ਸਰਕਾਰ ਕਿਸੇ ਦੀ ਵੀ ਬਣੇ
ਇਸ ਨਾਲ ਕੀ ਫਰਕ ਪੈਂਦਾ ਹੈ
ਕੋਈ ਫਰਕ ਨਹੀਂ ਪੈਂਦਾ, ਲੇਬਲ ਬਦਲਣ ਨਾਲ
ਜਹਿਰ ਦਾ ਅਸਰ ਤਾਂ ਉਹੀ ਰਹਿੰਦਾ ਹੈ।
-ਜੈ ਕਿਰਨ
***

ਤੁਸੀਂ ਪਿਆਰ ਕਰਦੇ ਹੋ ਦੇਸ਼ ਨੂੰ
ਜਿਗਰੀ ਦੋਸਤ ਦੀ ਤਰ੍ਹਾਂ
ਕਿਸੇ ਦਿਨ,ਉਹ,ਉਸ ਨੂੰ ਵੇਚ ਦਿੰਦੇ ਹਨ
ਸ਼ਾਇਦ ਅਮਰੀਕਾ ਨੂੰ
ਨਾਲ ਹੀ ਤੁਹਾਨੂੰ ਵੀ,
ਸਾਡੀ ਮਹਾਨ ਆਜਾਦੀ ਸਮੇਤ।
-ਨਾਜਿਮ ਹਿਕਮਤ
***

ਇੱਕ ਭਾਰੀ ਸਾਜਿਸ਼ ਦੇ ਤਹਿਤ
ਸਾਡੀ ਇੱਕ ਬਸਤੀ ਨੂੰ
ਜ਼ਹਿਰ ਦੇਕੇ
ਮਾਰਨ ਦੀ ਕੋਸ਼ਿਸ਼ ਕੀਤੀ ਗਈ
’ਤੇ ਅਸੀਂ ਵੇਖਦੇ ਰਹੇ
ਬੇਵੱਸ, ਉਸ ਨੂੰ ਛਟਪਟਾਉਂਦੇ ਹੋਏੇ!
ਛੜਯੰਤਰਕਾਰੀਆਂ ਨੂੰ ਮਾਲੂਮ ਹੈ
ਕਿ ਆਦਮੀ ਨੂੰ ਮਾਰਨ ਤੋਂ
ਜਿਆਦਾ ਆਸਾਨ ਹੈ
ਬਸਤੀ ਨੂੰ ਮਾਰ ਦੇਣਾ!
ਕਿਉਂਕਿ ਬਸਤੀ ਵਿਰੋਧ ਨਹੀਂ
ਕਰ ਸਕਦੀ
ਅਤੇ ਇਹ ਵੀ ਕਿ
ਆਦਮੀ ਨੂੰ ਮਾਰਨ ਨਾਲ
ਸਿਰਫ ਇੱਕ ਪੀੜ੍ਹੀ ਮਰਦੀ ਹੈ
ਬਸਤੀ ਨੂੰ ਮਾਰਨ ਨਾਲ
ਹਵਾ, ਪਾਣੀ, ਧਰਤੀ ਅਤੇ
ਆਦਮੀ ਦੀ
ਪੀੜੀ-ਦਰ-ਪੀੜੀ ਮਰ ਜਾਂਦੀ ਹੈ।
- ਰਾਣਾ ਪ੍ਰਤਾਪ ਸਿੰਘ


Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ