ਗੀਤ - ਐੱਸ ਸੁਰਿੰਦਰ

Posted on:- 20-06-2015

ਕੱਖ ਗਲੀਆਂ ਦੇ ਰੋਏ ਨੇ ,
ਅੱਖਰ ਦਰਦ ਪਰੋਏ ਨੇ ,
ਤੇਰੀਆਂ ਪੈੜ੍ਹਾਂ ਲੱਭਦੇ ਹਾਂ ,
ਖੂਹ ਅੱਖੀਆਂ ਦੇ ਜੋਏ ਨੇ ।
ਕੱਖ ਗਲੀਆਂ ਦੇ !

ਬੱਦਲ ਬਣ ਕੇ ਆ ਚੰਨਾ ,
ਮੈਨੂੰ ਮੁੱਖ ਵਿਖਾ ਜਾ ਚੰਨਾ ,
ਗੀਤ ਵਿਯੋਗਣ ਛੋਏ ਨੇ ,
ਕੱਖ ਗਲੀਆਂ ਦੇ !

ਤੇਰੇ ਬਿਨ ਕੀ ਜੀਣਾ ਵੇ ,
ਘੁੱਟ ਸਬਰ ਦਾ ਪੀਣਾ ਵੇ ,
ਹਰੀਅਲ ਹਾਸੇ ਮੋਏ ਨੇ ,
ਕੱਖ ਗਲੀਆਂ ਦੇ !

ਦੀਪਕ ਵਾਂਗੂੰ ਬਲਦੇ ਹਾਂ ,
ਰਾਤਾਂ ਦੇ ਵਿੱਚ ਜਲਦੇ ਹਾਂ ,
ਦਰਦ ਅਵੱਲੜੇ ਹੋਏ ਨੇ ,
ਕੱਖ ਗਲੀਆਂ ਦੇ !

ਸੱਜਣ ਦੂਰ ਤੁਰ ਗਿਆ ਏ ,
ਰੰਗ ਸੰਧੂਰੀ ਖੁਰ ਗਿਆ ਏ ,
ਦਿਲ ਵਿੱਚ ਸੱਲ ਕਰੋਏ ਨੇ ,
ਕੱਖ ਗਲੀਆਂ ਦੇ !

ਗੀਤ - ਐੱਸ ਸੁਰਿੰਦਰ

Posted on:- 20-06-2015

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ