Tue, 17 October 2017
Your Visitor Number :-   1096456
SuhisaverSuhisaver Suhisaver
ਆਰੂਸ਼ੀ ਦੇ ਮਾਤਾ-ਪਿਤਾ ਜੇਲ੍ਹ 'ਚੋਂ ਰਿਹਾਅ               ਤਖ਼ਤ ਸ੍ਰੀ ਪਟਨਾ ਸਾਹਿਬ ਤੋਂ ਸਿੱਖ ਬੀਬੀਆਂ ਨੂੰ ਕੀਰਤਨ ਕਰਨ ਦੀ ਪ੍ਰਵਾਨਗੀ              

ਮਾਹੀਆ -ਐੱਸ ਸੁਰਿੰਦਰ

Posted on:- 09-08-2015

suhisaver

ਤੇਰੀ ਯਾਦ ਨੇ ਫੜਿਆ ਵੇ ।
ਕੀ ਤੈਨੂੰ ਦੱਸਾ ਸੱਜਣਾ,ਰੰਗ ਸੱਧਰਾਂ ਦਾ ਹੜ੍ਹਿਆ ਵੇ ।

ਕੈਸਾ ਦਿਨ ਅੱਜ ਚੜ੍ਹਿਆ ਵੇ ।
ਹੰਝੂਆਂ ਦਾ ਹੜ੍ਹ ਆ ਗਿਆ,ਸੱਪ ਦੀਦ ਦਾ ਲੜਿਆ ਵੇ ।

ਫੁੱਲ ਰੋਹੀ ਸੜਿਆ ਵੇ ।
ਗਲੀ-ਗਲੀ ਤੈਨੂੰ ਟੋਲਿਆ, ਕੈਦਾ ਇਸ਼ਕ ਦਾ ਪੜ੍ਹਿਆ ਵੇ ।

ਪੱਤਾ ਟਾਹਣੀਓਂ ਝੜਿਆ ਵੇ ।
ਗ਼ਮਾਂ ਵਾਲੀ ਰੁੱਤ ਆ ਗਈ,ਮੇਰਾ ਤਨ ਮਨ ਸੜਿਆ ਵੇ ।

ਸੱਪ ਬਿਰਹੋਂ ਲੜਿਆ ਵੇ ।
ਦਿਲ ਵਿੱਚ ਤੂੰ ਬਹਿ ਗਿਓਂ,ਪਿਆਰ ਹਿਰਖਾਂ ਜੜਿਆ ਵੇ ।

ਫੁੱਲ ਖਾਰਾਂ ਅੜਿਆ ਵੇ ।
ਜਿੰਦ ਲੀਰੋ-ਲੀਰ ਹੋ ਗਈ,ਦਿਲ ਫਿ਼ਕਰਾਂ ਸੜਿਆ ਵੇ ।

ਕੋਕਾ ਸੱਤਰੰਗਾਂ ਜੜਿਆ ਵੇ ।
ਯਾਦਾਂ ਵਾਲੀ ਪੱਖੀ ਝੱਲੀਏ,ਦੁੱਖ ਤੇਰਾ ਤੜਿਆ ਵੇ ।

ਨੈਣੋ ਸਾਗਰ ਹੜ੍ਹਿਆ ਵੇ ।
ਅੱਖਰਾਂ ਚੋਂ ਤੂੰ ਬੋਲਦਾ,ਮਾਹੀਆ ਦੁਖੜੇ ਘੜਿਆ ਵੇ ।

ਪਰਦੇਸੀ ਛੜਿਆ ਵੇ ।
ਮਾਹੀ-ਮਾਹੀ ਜਿੰਦ ਕੂੰਕਦੀ,ਕਿਹੜਾ ਮੰਤਰ ਪੜ੍ਹਿਆ ਵੇ ।

ਅਸਾਂ ਮਾਹੀਆ ਪੜ੍ਹਿਆ ਵੇ ।
ਮੁੜਿਆ ਆ ਵਤਨਾਂ ਨੂੰ,ਲੜ ਤੇਰਾ ਫੜਿਆ ਵੇ ।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ