Tue, 26 March 2019
Your Visitor Number :-   1642405
SuhisaverSuhisaver Suhisaver
ਅਸੀਮਾਨੰਦ ਸਮੇਤ ਸਾਰੇ ਮੁਲਜ਼ਮ ਐੱਨ ਆਈ ਏ ਅਦਾਲਤ 'ਚੋਂ ਬਰੀ               ਯਾਕੂਬ ਪਟਾਲਿਆ ਨੂੰ ਉਮਰ ਕੈਦ               ਪੀ ਡੀ ਪੀ ਸਾਰੀਆਂ ਛੇ ਲੋਕ ਸਭਾ ਸੀਟਾਂ 'ਤੇ ਲੜੇਗੀ ਚੋਣ : ਮਹਿਬੂਬਾ              

ਕਿਰਤ ਨਾਲ ਹਰਿਆਵਲਾਂ - ਹਰਜਿੰਦਰ ਗੁਲਪੁਰ

Posted on:- 28-08-2015

suhisaver

ਜਾਗਣ ਵਾਲੇ ਸਿਰਾਂ ਦੀ, ਪਈ ਸਦਾ ਹੀ ਲੋੜ।
ਸੁੱਤੇ ਹੋਏ ਸਿਰਾਂ ਜਿਹਾ,ਨਹੀਂ  ਕੋਈ ਵੀ ਕੋਹੜ।

ਗੀਤਾਂ ਵਿਚ ਜੱਟ ਮਸਤ ਕੇ,ਬਣਿਆ ਧੰਨਾ ਸੇਠ।
'ਧੰਨਾ',ਮੌਜਾਂ ਮਾਣਦਾ,ਰਿਹਾ ਠਾਕਰ ਨੱਕੇ ਮੋੜ।

ਕਾਲੇ ਧਨ ਦੇ ਰਾਹ ਵਿਚ, ਬੈਠੇ ਹੋਏ ਨੇ ਨਾਗ,
ਮੋਦੀ ਦੀਆਂ ਨਿਆਮਤਾਂ,ਲੈ ਗਈ ਗੰਗਾ ਰੋਹੜ।

ਵਕਤੋਂ ਖੁੰਝੇ ਲੋਕ ਅੱਜ, ਭਾਲਣ ਆਲ ਪਤਾਲ,
ਪੈਰ ਪੈਰ ’ਤੇ 'ਬੰਦੀਆਂ' ,ਥਾਂ ਥਾਂ 'ਬੰਦੀ ਛੋੜ'।

ਦੂਜੇ ਦਾ ਹੱਕ ਮਾਰ ਕੇ,ਖੂਨ ਰਹੇ ਜੋ ਚੂਸ,
ਹਫਤੇ ਦਸ ਦਿਨ ਵਿਚ ਹੀ,ਜੋੜਨ ਲੱਖ ਕਰੋੜ।

ਪੂੰਜੀ ਮੁੱਕੀ ਸਾਹਾਂ ਦੀ,ਅੱਗੇ ਆਇਆ ਸੱਚ,
ਪਿੱਛੇ ਕੁਝ ਵੀ ਨਾ ਰਿਹਾ, ਜਦੋਂ ਲਗਾਇਆ ਜੋੜ।

ਸਾਰਾ ਕੁਝ ਸਮੇਟ ਕੇ, ਲੋਕੀ ਕੀਤੇ ਨੰਗ,
ਤਿੱਖੀਆਂ ਧੁੱਪਾਂ ਵੰਡ ਕੇ, ਬਣਿਆ ਬਾਬਾ ਬੋਹੜ।

ਕੁਦਰਤ ਦਾ ਰਾਹ ਰੋਕ ਕੇ,ਨਹੀਂ ਮਿਲੇਗਾ ਸੁੱਖ,
ਸੌ ਹਥ ਰੱਸਾ ਸਿਰੇ ਤੇ, ਗੰਢ ਹੈ ਵਾਂਗ ਨਿਚੋੜ।  

ਕਿਰਤ ਨਾਲ ਹਰਿਆਵਲਾਂ,ਕਿਰਤ ਮਿਟਾਏ ਭੁਖ।
ਪੈਰਾਂ  ਵਿਚ ਕਿਓਂ ਚੁਭਦੇ, ਫੇਰ ਕਿਰਤ ਦੇ ਰੋੜ।

ਸੰਪਰਕ: 0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ