Sat, 22 September 2018
Your Visitor Number :-   1486144
SuhisaverSuhisaver Suhisaver
ਛੱਤੀਸਗੜ੍ਹ 'ਚ ਅਜੀਤ ਯੋਗੀ ਦੀ ਪਾਰਟੀ ਨਾਲ ਮਿਲਕੇ ਚੋਣਾਂ ਲੜੇਗੀ ਬਸਪਾ - ਮਾਇਆਵਤੀ               ਸੁਨੰਦਾ ਪੁਸ਼ਕਰ ਮਾਮਲੇ ਦੀ ਸੁਣਵਾਈ 4 ਅਕਤੂਬਰ ਤੱਕ ਮੁਲਤਵੀ              

ਦਰਸ਼ ਵਿਖਾ ਸੱਜਣਾਂ -ਐਸ ਸੁਰਿੰਦਰ ਇਟਲੀ

Posted on:- 12-11-2015

suhisaver

ਬਾਜ਼ਾਰ ਵਿਕੇਦੀਆਂ ਦਰੀਆਂ
ਅੱਖਾਂ ਨਾਲ ਗਲੇਡੂਆਂ ਭਰੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਵੜੀਆਂ
ਮੇਰੇ ਨੈਣਾਂ ਲਾਈਆਂ ਝੜੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਵੰਗਾਂ
ਮੇਰੇ ਨੈਣੋਂ ਵਗਦੀ ਗੰਗਾ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਚੁੰਨੀਆਂ
ਤੇਰੇ ਹਿਜ਼ਰ ਵਿਛੋੜੇ ਗੁੰਨੀ ਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਗੁੱਡੀਆਂ
ਤੂੰ ਮਿਲੇ ਤਾਂ ਪਾਵਾਂ ਲੁੱਡੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।


ਬਾਜ਼ਾਰ ਵਿਕੇਦੀਆਂ ਤਾਰਾਂ
ਤੇਰੇ ਉੱਤੋਂ ਜ਼ਿੰਦਗੀ ਵਾਰਾਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਲੋਈਆਂ
ਅੱਖਾਂ ਬੱਦਲੀ ਵਾਂਗੂੰ ਚੋਈਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਕਲੀਆਂ
ਤੇਰੇ ਹਿਜ਼ਰ ਵਿਛੋੜੇ ਬਲੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਚਿੜੀਆਂ
ਮੈਂ ਇਸ਼ਕ ਚੁਬਾਰੇ ਚੜੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਵੜੀਆਂ

ਘਰ ਆਜਾ ਬੂਹੇ ਖੜ੍ਹੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਛੱਲੀਆਂ
ਜੱਗ ਵੈਰੀ ਰਾਹਵਾਂ ਮੱਲੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

ਬਾਜ਼ਾਰ ਵਿਕੇਦੀਆਂ ਘੜੀਆਂ
ਆਜਾ ਯਾਦ ਤੇਰੀ ਨੇ ਫੜੀਆਂ
ਅੱਖਾਂ ਤਰਸਣ ਦਰਸ਼ ਵਿਖਾ ਸੱਜਣਾਂ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ