Sun, 22 October 2017
Your Visitor Number :-   1097649
SuhisaverSuhisaver Suhisaver
ਆਰੂਸ਼ੀ ਦੇ ਮਾਤਾ-ਪਿਤਾ ਜੇਲ੍ਹ 'ਚੋਂ ਰਿਹਾਅ               ਤਖ਼ਤ ਸ੍ਰੀ ਪਟਨਾ ਸਾਹਿਬ ਤੋਂ ਸਿੱਖ ਬੀਬੀਆਂ ਨੂੰ ਕੀਰਤਨ ਕਰਨ ਦੀ ਪ੍ਰਵਾਨਗੀ              

ਐੱਸ. ਸੁਰਿੰਦਰ ਦੀਆਂ ਦੋ ਕਾਵਿ-ਰਚਨਾਵਾਂ

Posted on:- 25-11-2015

suhisaver

ਤੇਰਾ ਨਾਮ ਧਿਆਵਾਂ ਬਾਬਾ ।
ਤੇਰੀ ਕਿਰਤ ਸਲਾਵਾਂ ਬਾਬਾ ।

ਤੂੰ ਵੱਸਦਾ ਹੈ ਜੀਭਾਂ ਉੱਪਰ
ਤੇਰੀ ਉਪਮਾਂ ਗਾਵਾਂ ਬਾਬਾ ।

ਸ਼ਬਦ ਦੇਵੀਂ ਗੀਤ ਮੇਰੇ ਨੂੰ
ਸ਼ਬਦੀ ਜੋਤ ਜਗਾਵਾਂ ਬਾਬਾ ।

ਢਾਰੇ ਤਾਈਂ ਤੂੰ ਸਲਾਇਆ
ਤੈਨੂੰ ਕਿੰਝ ਭੁਲਾਵਾਂ ਬਾਬਾ ।

ਤੂੰ ਕਰਮਾਂ ਦਾ ਹੋਕਾ ਦਿੱਤਾ
ਤੇਰਾ ਸੋਹਿਲਾ ਗਾਵਾਂ ਬਾਬਾ ।

ਚੁੰਨੀ ਲੀਰੋ-ਲੀਰ ਹੈ ਹੋਈ
ਗੁੰਮੀਆਂ ਕੁਲ ਸਦਾਵਾਂ ਬਾਬਾ ।

ਕੂੜ-ਹਨ੍ਹੇਰੇ ਖਲਕਤ ਰੰਗੀ
ਕਰਦੇ ਦੂਰ ਬਲਾਵਾਂ ਬਾਬਾ ।

ਚੋਰ-ਚੌਧਰੀ ਹਾਕਮ ਸਾਡੇ
ਕੀ-ਕੀ ਦੁੱਖ ਸੁਣਾਵਾਂ ਬਾਬਾ ।

ਲੋਭ-ਮੋਹ ਵਿੱਚ ਨਾਤੇ ਮੋਏ
ਭਰਦਾ ਸੱਲ ਕਲਾਵਾਂ ਬਾਬਾ ।

ਸੁਰਿੰਦਰ ਰਾਖੇ ਹੈਨ ਲੁਟੇਰੇ
ਕਿੱਦਾ ਪਿੰਡ ਬਚਾਵਾਂ ਬਾਬਾ ।

***

ਧਰਮਾਂ ਤੀਕ ਪੜ੍ਹਾਵੇ ਨਾਨਕ ,
ਇੱਕ ਖ਼ੁਦਾ ਨੂੰ ਗਾਵੇ ਨਾਨਕ ।

ਦੂਈ ਦਵੈਂਤ ਧਰਮਾਂ ਦੀ ਤੋੜੇ ,
ਸਭ ਦੇ ਮਨ ਨੂੰ ਭਾਵੈ ਨਾਨਕ ।

ਕਰਮਾਂ ਸੰਦੜਾ ਖੇਤ ਬੀਜਦਾ ,
ਸੱਚੀ ਕਿਰਤ ਸਲਾਵੇ ਨਾਨਕ ।

ਮੁੱਖ ਉਸ ਦਾ ਨੂਰ ਇਲਾਹੀ ,
ਵੱਸਦਾ ਮੇਰੇ ਸਾਹਵੇ ਨਾਨਕ ।

ਤੇਰਾ-ਤੇਰਾ ਪਿਆ ਉਚਾਰੇ ,
ਭੁੱਖਾ ਜਗਤ ਰਜਾਵੇ ਨਾਨਕ ।

ਮੈਂ ਵਾਰੀ ਮੈਂ ਵਾਰੀ ਅੰਮੀਏ ,
ਮੇਰੇ ਆਂਗਨ ਆਵੇ ਨਾਨਕ ।

ਸੁਰਿੰਦਰ ਜੱਗ ਕਰੇ ਪੁਕਾਰਾਂ ,
ਮੁੜ ਕੇ ਫੇਰਾ ਪਾਵੇ ਨਾਨਕ ।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ