Mon, 23 September 2019
Your Visitor Number :-   1810335
SuhisaverSuhisaver Suhisaver
ਕਪੂਰਥਲਾ ਪੁਲਿਸ ਜਾਂਚ ਦੇ ਬਹਾਨੇ ਪੱਤਰਕਾਰ ਅਮਨਦੀਪ ਹਾਂਸ ਨੂੰ ਪ੍ਰੇਸ਼ਾਨ ਕਰਨਾ ਬੰਦ ਕਰੇ               ਚਿਦੰਬਰਮ ਦੀ ਆਤਮ-ਸਮਰਪਣ ਦੀ ਪਟੀਸ਼ਨ ਖ਼ਾਰਜ              

ਹੁਣ ਨਹੀਂ ਫ਼ੇਰ ਕਦੇ.... -ਨਿਰਮਲ ਦੱਤ

Posted on:- 06-12-2012



ਹੁਣ ਨਹੀਂ ਫ਼ੇਰ ਕਦੇ ਬੈਠਾਂਗੇ
ਪਿੰਡ ਦੀ ਜੂਹ ਤੋਂ ਪਰ੍ਹਾਂ
ਬੇਰੀਆਂ ਦੇ ਝੁੰਡ ਅੰਦਰ

ਹੁਣ ਨਹੀਂ ਫ਼ੇਰ ਕਦੇ ਵੇਖਾਂਗੇ
ਸਰ੍ਹੋਂ ਦੇ ਖੇਤਾਂ  'ਚ
ਬਣਕੇ ਥਾਲ ਉਤਰਦਾ ਸੂਰਜ

ਹੁਣ ਨਹੀਂ ਫ਼ੇਰ ਕਦੇ ਮਾਣਾਂਗੇ
ਨੱਚਦਿਆਂ ਮੋਰਾਂ  'ਤੇ
ਵਰ੍ਹਦੀਆਂ ਕਣੀਆਂ ਦਾ ਸੁਆਦ

ਹੁਣ ਨਹੀਂ ਫ਼ੇਰ ਕਦੇ
ਜਾਗ, ਜਾਗ ਰਾਤਾਂ ਨੂੰ
ਤਾਰਿਆਂ ਦੀ ਬਰਾਤ ਵੇਖਾਂਗੇ

ਹੁਣ ਤਾਂ ਓਹ ਵੇਖ
ਕਿਵੇਂ ਕੁਰਸੀਆਂ ਦੀ ਸਾਜ਼ਿਸ਼ ਹੈ,
ਕਿਸ ਤਰ੍ਹਾਂ ਪਿੰਡ ਬਣੇ ਨੇ ਕਬਰਾਂ,
ਬਲਦਿਆਂ ਮੁਰਦਿਆਂ ਦੀ
ਬਾਸ ਹੈ ਹਵਾ ਅੰਦਰ

ਹੁਣ ਤਾਂ ਓਹ ਵੇਖ
ਕਿਵੇਂ ਦੋਸਤਾਂ ਦੇ ਹੱਥਾਂ  'ਤੇ
ਤਾਜ਼ਾ ਨੇ
ਦੋਸਤੀ ਦੇ ਖ਼ੂਨ ਦੇ ਦਾਗ਼

ਹੁਣ ਨਹੀਂ ਵਕਤ
ਤੇਰੇ ਨੈਣਾਂ  'ਚੋਂ ਲੱਭਾਂ ਮੁਕਤੀ
ਹੁਣ ਤਾਂ ਕਰਨਾ ਹੈ ਕੋਈ
ਵਕਤ ਦੇ ਵੈਣਾਂ ਦਾ ਇਲਾਜ

ਇਹ ਤੇਰਾ ਹੁਸਨ
ਤੇਰਾ ਪਿਆਰ
ਅਤੇ ਸਾਥ ਤੇਰਾ
ਹੁਣ ਨਹੀਂ
ਫ਼ੇਰ ਕਦੇ, ਫ਼ੇਰ ਕਦੇ, ਫ਼ੇਰ ਕਦੇ . . .

Comments

Jasbir Dhiman

Dutt sahib dee kavita `hun nahi pher kade`bohut vadhia ate sochan laaun waali hai

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ