Sun, 18 August 2019
Your Visitor Number :-   1789770
SuhisaverSuhisaver Suhisaver
ਰਵੀ ਸ਼ਾਸਤਰੀ ਮੁੜ ਤੋਂ ਬਣੇ ਭਾਰਤੀ ਕ੍ਰਿਕਟ ਟੀਮ ਦੇ ਕੋਚ               ਜੰਮੂ-ਕਸ਼ਮੀਰ ਦੀ ਵੰਡ ਖਿਲਾਫ ਖੱਬੀਆਂ ਪਾਰਟੀਆਂ ਵੱਲੋਂ ਦਿੱਲੀ 'ਚ ਮਾਰਚ, ਪੰਜਾਬ 'ਚ ਪ੍ਰਦਰਸ਼ਨ              

ਗੀਤ- ਨਿਰਮਲ ਦੱਤ

Posted on:- 23-12-2012



ਸਾਂਈਂ ਦੀਆਂ ਰਹਿਮਤਾਂ ਦੀ
ਸ਼ਾਮ ਨਾ ਸਵੇਰ ਏ
ਖਾਲੀ ਹੈ ਜੇ ਝੋਲ਼ੀ ਮੇਰੀ
ਮੇਰੇ ਵੱਲੋਂ ਦੇਰ ਏ

ਸੁੰਨੀ ਹੈ ਖ਼ਲਾਅ ਤੇ ਵਿੱਚ
ਸੋਹਣਾ ਇਹ ਜਹਾਨ ਏ
ਰੰਗ ਨੇ, ਸੁਗੰਧੀਆਂ ਨੇ
ਮਿੱਟੀ ਵਿੱਚ ਜਾਨ ਏ
ਦੁੱਖਾਂ ਦਾ ਅੰਬਾਰ ਹੈ ਜੇ, ਸੁੱਖਾਂ ਦਾ ਵੀ ਢੇਰ ਏ

ਨੇਰ੍ਹੇ ਦੇ ਬਨੇਰੇ ਉੱਤੇ
ਬਲਦੇ ਚਰਾਗ਼ ਨੇ
ਤਪਦੇ ਥਲਾਂ ਦੇ ਵੇਲੀ
ਮਹਿਕੇ ਹੋਏ ਬਾਗ਼ ਨੇ
ਸੋਚਾਂ ਡਰਪੋਕ ਨੇ ਜੇ, ਦਿਲ ਤਾਂ ਦਲੇਰ ਏ

ਭੁੱਖ ਹੈ  ਮੁਸੀਬਤਾਂ ਨੇ
ਨਸ਼ਿਆਂ ਦੀ ਮਾਰ ਏ
ਹਿੰਮਤਾਂ ਤੋਂ ਕਿਤੇ ਛੋਟੀ
ਸਾਡੀ ਇਹ ਵੰਗਾਰ ਏ
ਮੁੱਕਣੇ ਕਲੇਸ਼ ਸਾਰੇ ਥੋੜ੍ਹੀ ਜਿੰਨੀ ਦੇਰ ਏ

ਸਾਂਈਂ ਦੀਆਂ ਰਹਿਮਤਾਂ ਦੀ
ਸ਼ਾਮ ਨਾ ਸਵੇਰ ਏ
ਖਾਲੀ ਹੈ ਜੇ ਝੋਲ਼ੀ ਮੇਰੀ
ਮੇਰੇ ਵੱਲੋਂ ਦੇਰ ਏ

Comments

ਡਾ: ਗੁਰਮਿੰਦਰ ਸਿਧੂ

ਵਾਹ ਨਿਰਮਲ ਦੱਤ ਜੀਓ! ਵਾਹ ..ਅਹਿਸਾਸਾਂ ਨੂੰ ਐਨੀ ਖੂਬਸੂਰਤ ਜ਼ੁਬਾਨ ਤੁਸੀਂ ਹੀ ਦੇ ਸਕਦੇ ਓ..ਕਮਾਲ

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ