Tue, 26 September 2017
Your Visitor Number :-   1089009
SuhisaverSuhisaver Suhisaver
ਹਨੀਪ੍ਰੀਤ ਨੂੰ ਲੱਭਣ ਵਾਲੇ ਨੂੰ 5 ਲੱਖ ਦਾ ਇਨਾਮ               ਨਵਾਜ਼ ਸ਼ਰੀਫ਼ ਦੇ ਖਾਤੇ ਸੀਲ              

ਮਾਸ - ਗਗਨਦੀਪ ਸਿੰਘ ਸੰਧੂ

Posted on:- 15-08-2017

ਔਰਤ ਕੋਲ ਸੁਹੱਪਣ ਹੈ
ਤੇ ਆਸਰਾ ਗਾਵਾਂ ਨੂੰ ਵੱਧ ਮਿਲਦੈ
ਇਸੇ ਆਸਰੇ ਬਦੌਲਤ ਹੀ
ਗਾਵਾਂ ਭੁਲੇਖੇ ਵਿੱਚ ਨੇ ਕੇ
" ਖੇਤਾਂ ਵਿੱਚ ਬੇਖੌਫ਼ ਚਰਦੀਆਂ
ਅਸੀ ਖੇਤਾਂ ਦੀਆਂ ਰਾਣੀਆਂ ਹਾਂ ।"

ਪਰ ;
 ਨਹੀਂ - ਨਹੀਂ
ਭੋਲੀਓ . . .!
ਤੁਸੀ ਤਾਂ
ਇੱਕ ਸਾਧਨ ਮਾਤਰ ਹੋਂ
   ਵੋਟਾਂ ਦਾ !

 ਤੁਹਾਡੀ ਵੋਟ ਤਾਂ ਨਹੀਂ !

ਹੈਰਾਨ ਨਾ ਹੋਵੋ
ਤੁਹਾਡੀ ਵੋਟ ਤਾਂ
ਬੇਸ਼ੱਕ ਨਹੀਂ ਹੁੰਦੀ
ਪਰ ਤੁਸੀ
ਵੋਟਾਂ ਪਵਾਉਣ ਦੇ ਕੰਮ ਤਾਂ
ਅਉਂਦੀਆਂ ਹੀ ਹੋ . . .।

ਤੇ ਹਾਂ ਸੱਚ
 ਨਾਲੇ ਇੱਕਲੀ ਵੋਟ ਨਾਲ
ਥੋੜ੍ਹੋ ਰਾਣੀ ਬਣਿਆਂ ਜਾਂਦੈ ?
 ਵੋਟ ਤਾਂ . . .
  ਔਰਤ ਦੀ ਵੀ ਹੁੰਦੀ ਹੈ
ਪਰ ਹਵਸਾਂ ਉਹਨੂੰ
 ਬੋਟ ਪਾਲਣ ਤੋਂ ਬਿਨ੍ਹਾਂ
ਕੋਈ ਹੱਕ ਦਿੰਦੀਆਂ ਹੀ ਨਹੀਂ !

ਉਹਨਾਂ ਨੂੰ ਵੀ;
ਬਹੁਤੀਆਂ ਹੋਣ ਤਾਂ
ਪਰੀਆਂ ਦੀ ਮਜਲਸ਼
ਤੇ ਇੱਕਲੀ ਹੋਵੇ ਤਾਂ
'ਮੌਕਾ' ਸਮਝਿਆ ਜਾਂਦਾ ਹੈ।
ਪਰ ਤੁਸੀ ਬਹੁਤਾ ਖੁਸ਼ ਨਾ ਹੋਣਾ
ਕਿ ਸਾਡੇ ਕੋਲ
ਵੋਟ ਪਵਾਉਣ ਦਾ ਅਧਿਕਾਰ ਤਾਂ ਹੈ।
ਨਹੀਂ - ਨਹੀਂ
ਤੁਹਾਡੇ ਕੋਲ
ਕੋਈ ਅਧਿਕਾਰ ਨਹੀਂ
ਬਲਕਿ ਤੁਹਾਨੂੰ ਤਾਂ
ਕੇਵਲ ਵਰਤਿਆ ਜਾਂਦਾ ਹੈ
ਤੁਸੀ ਤਾਂ ਕੇਵਲ
ਜ਼ਰੀਆ ਮਾਤਰ ਹੋਂ !!

 ਹਾਂ . . .
ਵੋਟ ਨਾ ਸਹੀ
ਮਾਸ ਤਾਂ ਕਿਧਰੇ ਗਿਆ ਹੀ ਨਹੀਂ,
ਤੇ ਮਾਸ ਕੋਲ ਕੋਈ
ਅਧਿਕਾਰ ਨਹੀਂ ਹੁੰਦਾ
ਮਾਸ ਤਾਂ ਕੇਵਲ
ਵੇਚਿਆ ਜਾ ਸਕਦਾ ਹੈ
  ਜਾਂ
ਖ਼ਰੀਦਿਆ ਜਾ ਸਕਦਾ ਹੈ ।

              ਸੰਪਰਕ: +91 75894 31402

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ