Tue, 22 October 2019
Your Visitor Number :-   1836299
SuhisaverSuhisaver Suhisaver
ਨੋਬਲ ਪੁਰਸਕਾਰਾਂ ਦਾ ਐਲਾਨ               ਰਵੀ ਸ਼ੰਕਰ ਝਾਅ ਨੇ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਚੀਫ਼ ਜਸਟਿਸ ਵਜੋਂ ਲਿਆ ਹਲਫ਼              

ਕਿਉਂ ਨਾ ਬੋਲਾਂ ? - ਮਨਦੀਪ ਸੁੱਜੌ

Posted on:- 25-02-2013

ਕੱਲ੍ਹ ਫੇਰ, ਦੋਸਤਾਂ ਕਿਹਾ
ਤੂੰ ਨਾ ਬੋਲ ।
ਚੁੱਪ ਤਾਂ ਰਿਹਾ, ਪਰ
ਸੋਚਦਾ ਰਿਹਾ
ਸਾਰੀ ਰਾਤ,

ਕਿਉਂ ਨਾ ਬੋਲਾਂ?

ਹਨਾਂ ਦਹਿਸ਼ਤਗਰਦਾਂ ਵਿਰੁੱਧ ?
ਜੋ ਨਿਰਧਾਰਿਤ ਕਰਦੇ
ਦਾਇਰੇ ਜੀਵਨ ਜਿਊਣ ਦੇ,
ਦੱਸਦੇ ਸੁਆਣੀਂ ਨੂੰ
ਕੀ ਪਾਣਾ ਕੀ ਹੰਢਾਣਾ ,

ਜੋ ਬਦਲਦੇ ਰੰਗ
ਬੱਚਿਆਂ ਦੀਆਂ ਦਸਤਾਰਾਂ ਦਾ
ਏ.ਕੇ 47 ਦੀਆਂ ਨੋਕਾਂ ’ਤੇ ।

ਕਿਉਂ ਨਾ ਬੋਲਾਂ
ਮੌਤ ਦੇ ਸੌਦਾਗਰਾਂ ਵਿਰੁੱਧ ?
ਜੋ ਜੁੰਮੇਵਾਰ ਬਣੇ

ਮਾਤਮ ਛਾਏ ਵਿਹੜਿਆਂ ਦੇ,
ਜਿੱਥੋਂ ਬਰਾਤ ਤੁਰਨੀ ਸੀ
ਜਿੱਥੇ ਡੋਲੀ ਢੁੱਕਣੀ ਸੀ,

ਕਿਉਂ ਨਾ ਬੋਲਾਂ
ਧਰਮੀਂ ਤਾਨਾਸ਼ਾਹਾਂ ਵਿਰੁੱਧ ?
ਜਿਹਨਾਂ ਨੰਗਾ ਨਾਚ ਨੱਚਿਆ
ਦਹਿਸ਼ਤ ਦਾ,
ਗਲੀਆਂ ਚੁਰਸਤਿਆਂ ’ਚ

ਤੇ ਆਪਣੀ ਵਾਰੀ
ਭਿੱਜੀ ਬਿੱਲੀ ਬਣ ਲੁੱਕੇ
ਮਸਜਿਦਾਂ, ਮੰਦਰਾਂ ਤੇ
ਗੁਰਦੁਆਰਿਆਂ ਵਿੱਚ ।

ਕਿਉਂ ਨਾ ਬੋਲਾਂ
ਉਹਨਾਂ ਪਖੰਡੀਆਂ ਵਿਰੁੱਧ ?
ਜੋ ਰਜਾਉਂਦੇ ਨੇ ਮੂਰਤੀਆਂ
ਦੁੱਧ ਪਿਲਾ ਕੇ
ਫਲ ਖੁਆ ਕੇ ।

ਕਿਉਂ ਨਾ ਬੋਲਾਂ
ਉਹਨਾਂ ਸੌਦਿਆਂ ਵਿਰੁੱਧ?
ਜੋ ਕਾਤਲ ਨੇ
ਬਲਾਤਕਾਰੀ ਝੂਠੇ ਨੇ,
ਫਿਰ ਵੀ ਸੱਚੇ ਅਖਵਾਉਂਦੇ ਨੇ ।

ਕਿਉਂ ਨਾ ਬੋਲਾਂ
ਉਹਨਾਂ ਸਵਾਮੀਆਂ ਵਿਰੁੱਧ ?
ਜੋ ਦੱਬਦੇ ਨੇ ਜ਼ਮੀਨ
ਕਿਸਾਨ ਦੀ,
ਰਾਧਾ - ਰਾਧਾ ਕਰਕੇ ।

ਕਿਉਂ ਨਾ ਬੋਲਾਂ
ਧਰਮੀਂ ਟਰਾਂਸਫਾਰਮਾਂ ਵਿਰੁੱਧ ?
ਜੋ ਖੁਦ ਸੜ੍ਹੇ ਨੇ
ਲੋਕਾਂ  ਨੂੰ ਰੋਸ਼ਨੀ ਦਿੰਦੇ ਨੇ ।

ਸੰਪਰਕ:  0061 430 432 716

Comments

harjapsingh

bhut vadia veer g...

Mandip Sujjon

Thanks Harjap singh ji

Balihar Sandhu

Chup riha taan shamadaan ke kehngey... tuhadi kalam ch bahut damm hai.... keep it up bro

Abhijot

ਬਹੁਤ ਸੋਹਣਾ ਲਿਖਿਆ ਹੈ ..

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ