Wed, 17 July 2019
Your Visitor Number :-   1769676
SuhisaverSuhisaver Suhisaver
ਕਰਨਾਟਕ: ਬਾਗ਼ੀਆਂ ਨੂੰ ਅਯੋਗ ਠਹਿਰਾਉਣ ਦੀ ਮੰਗ               ਸੀਬੀਆਈ ਵੱਲੋਂ ਚੰਡੀਗੜ੍ਹ ਸਮੇਤ ਦੇਸ਼ ਭਰ ’ਚ ਛਾਪੇ              

ਮੈਂ ਕਾਫ਼ਰ ਹਾਂ - ਮਨਦੀਪ ਸੁੱਜੋਂ

Posted on:- 11-03-2013



ਮੈਂ
ਜਦ ਜਨਮ ਲਿਆ,
ਸੁਰਤ ਸੰਭਾਲੀ ਨਹੀਂ ਸੀ ਅਜੇ,
ਪਰ ਮੇਰੇ ਕੰਨਾਂ 'ਚ
ਤੁੱਨਿਆ ਗਿਆ ਹਰ ਰੋਜ਼

ਕਿ ਤੂੰ ਸਿੱਖ ਏਂ,
ਇਹ ਤੇਰੀ ਜਾਤ ਏ ।
ਬੱਸ ਫੇਰ ਇਹ ਸਭ
ਲੱਗਾ ਅਸਰ ਦਿਖਾਉਣ,
ਅਗਲੇ ਪੰਜਾਂ  ਸਾਲਾਂ ਅੰਦਰ,
ਲੱਗਾ ਮੈਂ ਵੀ ਮੱਥੇ ਘਸਾਉਣ,



ਗੁੱਗਲ ਧੁਆਂਖਣ,
ਜੋਤਾਂ ਬਾਲਣ
ਮਸੀਤੀ ਜਾਣ,
ਸਿਰਫ ਆਸ ਨਾਲ ਕਿ
ਸ਼ਾਇਦ ਮਿਲੇਗਾ
ਹ ਰੱਬ

ਜਿਸ ਦੀ ਵਡਿਆਈ
ਮੇਰੇ ਉਸ ਦਿਮਾਗ ਵਿੱਚ
ਪਾਈ ਗਈ
ਜੋ ਅਜੇ ਜਾਗ੍ਰਿਤ ਹੀ ਨਹੀਂ ਸੀ ।

ਪਰ ਸ਼ੰਕਾ ਹੁੰਦਾ ਮੈਨੂੰ
ਹਰ ਰੋਜ਼ ਉਸ ਦੀ ਹੋਂਦ ’ਤੇ,
ਜਦ ਸਵੇਰ ਦੀ ਅਖ਼ਬਾਰ

ਮੈਨੂੰ ਦੱਸਦੀ  ਕਿ
ਅੱਜ ਹਜ਼ਾਰਾਂ ਕਤਲ ਹੋਏ
ਓਸ ਰੱਬ ਦੇ ਨਾਂ ’ਤੇ ।

ਸ਼ੰਕਾ ਹੁੰਦੀ ਮੈਨੂੰ
ਜਦ ਭੁੱਖੇ ਜੁਆਕ,
ਪਾਟਿਆਂ ਲੀੜਿਆਂ ’ਚੋਂ
ਹੱਥ ਕੱਢ ਮੰਗਦੇ ਨੇ
ਢਿੱਡ ਨਾ ਭਰਨ ਜੋਗੀ ਰੋਟੀ,
ਆਪਣੇ ਰੱਟਣਾਂ ਭਰੇ
ਲਹੂ ਚੋਂਦੇ ਹੱਥਾਂ ਨਾਲ ।

ਸ਼ੰਕਾ ਹੁੰਦਾ ਮੈਨੂੰ
ਜਦ ਮਰਦੇ ਦੇਖਦਾ
ਸਰਮਾਏਦਾਰਾਂ ਨੂੰ,
ਜ਼ਿਆਦਾ ਖਾਣ ਕਰਕੇ ।
ਕਿੱਥੇ ਜਾਂਦਾ ਫਿਰ
ਸਰਵ-ਵਿਆਪਕ, ਨਿੱਡਰ
ਸਰਵ-ਸ਼ਕਤੀਮਾਨ ਰੱਬ ?

ਕਿਉਂ ਕਰਦਾ ਕਾਣੀਂ ਵੰਡ ?
ਮੈਨੂੰ ਜਵਾਬ ਚਾਹੀਦਾ
ਇਹਨਾਂ ਸਵਾਲਾਂ ਦਾ ।

ਪਰ ਓਹ ਨਹੀਂ ਬਹੁੜਿਆ
ਕਦੇ ਵੀ ਜਵਾਬ ਦੇਣ ।
ਜੇ ਓੁਹ ਸੱਚ ਹੈ
ਜ਼ਰੂਰ ਜਵਾਬ ਦਿੰਦਾ,
ਨਿਕਲਦਾ ਘਰੋਂ ਬਾਹਰ
ਨਿੱਡਰ ਹੋ ਕੇ ।

ਕਈ ਵਾਰ ਮੈਂ
ਸਿਰਨਾਵਾਂ ਪੁੱਛਿਆ ਇਹਦਾ,
ਇਹਦੇ ਟੁੱਕੜਬੋਚ ਦੋਸਤਾਂ ਤੋਂ,
ਤਾਂ ਕਿ ਇੱਕ ਵਾਰ ਪੁੱਛਾਂ
ਇਹਨੂੰ ਗਿਰੇਬਾਨ ਤੋਂ ਫੜ੍ਹ,
ਕਿੱਥੇ ਰਿਹਾ ਤੂੰ
ਜਦ ਮਸੂਮ ਮਰਦੇ ਰਹੇ,

ਪਰ ਨਹੀਂ ਦਿੰਦੇ ਸਿਰਨਾਵਾਂ ਮੈਨੂੰ
ਇਹਦੇ ਹਮਾਇਤੀ
ਇਹ ਕਹਿ ਕੇ,
ਕਿ ਤੂੰ ਮਨਮੁੱਖ ਏ,
ਕਾਫ਼ਰ ਏਂ ।

ਹਾਂ, ਮੈਂ ਕਾਫ਼ਰ ਹਾਂ
ਜੇਕਰ ਝੂਠ ਸੱਚ ਹੈ
ਤਾਂ  ਹਾਂ, ਮੈਂ ਕਾਫ਼ਰ ਹਾਂ ।
                                                
                                      ਸੰਪਰਕ:  +61 430 432 716

Comments

Varinder Khurana

Eh Sab To Vadi Sachayi ... Shayad Har ik 'Kafir' Es Satithi Ch Guzreya ..... Je Es Kafir Di ' Kehni Te Kathni Ch farak Nahi ' ta mein Vi ' Kafir ' han

Iqbal Singh

ਜੇਕਰ ਝੂਠ ਸੱਚ ਹੈ ਤਾਂ ਹਾਂ, ਮੈਂ ਕਾਫ਼ਰ ਹਾਂ ।

Balihar Sandhu

ਤਾਂ ਕਿ ਇੱਕ ਵਾਰ ਪੁੱਛਾਂ ਇਹਨੂੰ ਗਿਰੇਬਾਨ ਤੋਂ ਫੜ੍ਹ, ਕਿੱਥੇ ਰਿਹਾ ਤੂੰ ਜਦ ਮਸੂਮ ਮਰਦੇ ਰਹੇ, bahut vadhia !!

a

ਬਹੁਤ ਵਧੀਆ ਲਿਖਿਆ ਹੈ , ਜਮਦਿਆਂ ਦੇ ਗਲ ਟੇਗ ਪਾ ਦਿੱਤਾ ਜਾਂਦਾ ਹੈ ਤੂ ਸਿਖ ,ਤੂ ਹਿੰਦੂ ਮੁਸਲਿਮ ਵਗੈਰਾ ਵਗੈਰਾ ਦਾ ...

Gurjit singh

veerji tusi pahela sikh dharam nu parro samjo fer es bare apne vichar dena.....tusi kavi ho suni sunai gall te kavita nahi likh deni chahidi.....

Gurjit singh

dharam kise nu larrna.jhagrna.katak karna nahi sikhaunda..dharam sikhaunda hai ਅਵਲ ਅਲ੍ਹ ਨੂਰ ਉਪਾਇਆ ਕੁਦਰਤ ਕੇ ਸਭ ਬੰਦੇ. ਏਕ ਨੂਰ ਤੇ ਸਭ ਜਗ ੳਪਜਿਆ ਕਉਣ ਭਲੇ ਕੋ ਮੰਦੇ॥ ..........veer ji je tuhanu dharan di pribhasha samj nahi ai es vich Rab da ki dosh hai...... je tusi sikh dharam parea hunda tan loka nu na puchde k mainu rab da address dasso......kyoke gurbani kahindi hai k rab tere ander hai....asi sare rab da roop han.

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ