Mon, 25 March 2019
Your Visitor Number :-   1640533
SuhisaverSuhisaver Suhisaver
ਅਸੀਮਾਨੰਦ ਸਮੇਤ ਸਾਰੇ ਮੁਲਜ਼ਮ ਐੱਨ ਆਈ ਏ ਅਦਾਲਤ 'ਚੋਂ ਬਰੀ               ਯਾਕੂਬ ਪਟਾਲਿਆ ਨੂੰ ਉਮਰ ਕੈਦ               ਪੀ ਡੀ ਪੀ ਸਾਰੀਆਂ ਛੇ ਲੋਕ ਸਭਾ ਸੀਟਾਂ 'ਤੇ ਲੜੇਗੀ ਚੋਣ : ਮਹਿਬੂਬਾ              

ਮੇਰੀ ਆਵਾਜ਼ - ਮਨਦੀਪ ਸੁੱਜੋਂ

Posted on:- 17-03-2013



ਮੈਂ ਲਿਖਾਂਗਾ
ਤੁਹਾਡੇ ਤੋਂ ਪੁੱਛ ਕੇ ਨਹੀਂ
ਕਿ ਕੀ ਲਿਖਾਂ
ਤੇ ਕੀ ਨਾ ਲਿਖਾਂ ?

ਮੇਰੀ ਕਲਮ ਦੀ ਆਵਾਜ਼
ਪੱਖ ਨਹੀਂ ਪੂਰਦੀ
ਤੁਹਾਡੇ ਸਰਮਾਏਦਾਰੀ ਹਿੱਤਾਂ ਦੇ,
ਮੈਂ ਨਹੀਂ ਬੋਲਾਂਗਾ



ਉਹ ਕਹਾਣੀਆਂ - ਕਵਿਤਾਵਾਂ
ਜੋ ਠੰਡਾ ਕਰਦੀਆਂ ਹੋਣ
ਤੁਹਾਡੀ ਹਵਸ ਦੀ ਭੁੱਖ ਨੂੰ ।

ਮੈਂ ਨਹੀਂ ਦੁਹਰਾਵਾਂਗਾ
ਉਹਨਾਂ ਸਤਰਾਂ ਨੂੰ
ਜੋ ਦੱਬੇ ਕੁਚਲੇ ਲੋਕਾਂ ਵਿਰੁੱਧ
ਤੁਹਾਡੀਆਂ ਸਾਜ਼ਿਸ਼ਾਂ ਦੀ
ਪਿੱਠ ਥਾਪੜਦੀਆਂ ਹੋਣ ।

ਮੇਰੀ ਆਵਾਜ਼ ਕੈਮਰਾ ਨਹੀਂ
ਕਿਸੇ ਠਰਕੀ ਪ੍ਰਡਿਉਸਰ ਦਾ
ਜੋ ਦਿਖਾਏਗਾ
ਕਿਸੇ ਮਜਬੂਰ ਕੁੜੀ ਦੇ
ਸਰੀਰ ਦੀਆਂ ਉਚਾਈਆਂ
ਸਿਰਫ ਤੁਹਾਡੇ ਸਵਾਦਾਂ ਲਈ ।

ਮੇਰੀ ਆਵਾਜ਼ ਕੋਈ
"ਕੰਵਲ" ਦੇ ਫੁੱਲ ਵਰਗੀ ਨਹੀਂ
ਜੋ ਥਾਲੀ ਦਾ ਬੈਂਗਣ ਬਣ
ਕਦੇ ਨਕਸਲਬਾੜੀ ਬਣੇ
ਜਾਂ ਵਹਿ ਜਾਵੇ
ਧਰਮੀਂ ਫਿਰਕਾਪ੍ਰਸਤੀ ਦੇ ਝੱਖੜ ਨਾਲ
ਆਪਣੀਆਂ ਜੇਬਾਂ ਭਰਨ ਲਈ ।

ਮੇਰੀ ਆਵਾਜ਼ ਨਾ ਹੀ ਕੋਈ ਰਸਾਲਾ ਹੈ
ਜੋ ਪ੍ਰੀਤ ਦੇ ਸੋਹਲੇ ਗਾਵੇ
ਜੋ ਹੋਕਾ ਦਿੰਦਾ ਫਿਰੇ
ਪ੍ਰੀਤ ਦੇ ਹੱਕ 'ਚ
ਫੇਰ ਆਪਣੇ ਘਰ ਆਈ ਪ੍ਰੀਤ ਦਾ
ਕਤਲ ਵੀ ਕਰ ਦੇਵੇ ।

ਮੈਂ ਤਾਂ ਆਵਾਜ਼ ਹਾਂ ਉਹਨਾਂ ਦੀ
ਜਿਹਨਾਂ ਦੇ ਚੁੱਕੇ ਹਥਿਆਰ
ਬਹੁਤ ਰੜਕਦੇ ਨੇ ਤੁਹਾਨੂੰ

ਪਰ ਕਿੱਥੇ ਸੀ ਤੁਸੀਂ ਤੇ ਤੁਹਾਡੀਆਂ ਸਰਕਾਰਾਂ ?
ਜੋ ਗੱਲਾਂ ਕਰਦੀਆਂ ਨੇ
ਸ਼ਾਂਤੀ ਬਹਾਲੀ ਦੀਆਂ
ਜਿਹਨਾਂ ਹੱਕ ਨਹੀਂ ਦਿੱਤੇ
ਆਜ਼ਾਦੀ ਤੋਂ  65 ਵਰ੍ਹੇ ਬਾਅਦ ਵੀ
ਤੇ ਹੁਣ ਇਹ ਆਵਾਜ਼
ਕੰਨ ਪਾੜਦੀ ਹੈ ਤੁਹਾਡੇ

ਜਦ ਇਸ ਨੂੰ ਨਿਕਲਣਾ ਪਿਆ
ਸੰਗੀਨ ਦੇ ਰਸਤੇ ਤੋਂ ।
ਮੈਂ ਤਾਂ ਆਵਾਜ਼ ਹਾਂ
ਬਸਤਰ ਦੇ ਜੰਗਲਾਂ ਵਿੱਚ
ਉਹਨਾਂ ਕੰਜਕਾਂ ਦੀਆਂ ਚੀਕਾਂ ਦੀ
ਜਿਹਨਾਂ ਦੇ ਸ਼ਰੀਰ ਨੋਚੇ
ਤੁਹਾਡੇ ਤਹਿਸੀਲਦਾਰਾਂ ਨੇ ।

ਮੈਂ ਆਵਾਜ਼ ਹਾਂ
ਰਾਜਧਾਨੀ ਦੀਆਂ ਉਹਨਾਂ ਗਲੀਆਂ ਦੀ
ਜਿੱਥੇ ਬਾਜ਼ ਨੋਚਦੇ ਨੇ ਚਿੜੀਆਂ ਨੂੰ
ਆਪਣੀਆਂ ਚੁੰਜਾਂ ਪੰਜਿਆਂ ਨਾਲ ।

ਮੈਂ ਆਵਾਜ਼ ਹਾਂ ਉਸ ਚੁੱਪ ਦੀ
ਜੋ ਛਾਈ ਹੁੰਦੀ ਹੈ ਉਸ ਵਿਹੜੇ
ਜਿੱਥੇ ਖੁਦਕੁਸ਼ੀ ਕਰਦਾ ਹੈ ਕਿਸਾਨ
ਕਰਜ਼ੇ ਦੇ ਭਾਰ ਹੇਠ ।

ਮੇਰੀ ਆਵਾਜ਼ ਤਾਂ
ਇੱਕ ਖੁੱਲਾ ਉੱਡਦਾ ਪੰਛੀ ਹੈ
ਨਾ ਕਿ ਤੁਹਾਡੀਆਂ
ਹਾਮੀਆਂ ਭਰਦੀ ਕੋਈ ਰਖੈਲ

Comments

Balihar Sandhu

Bahut Khoob Mandeep jee...keep it up !!

Mandeep Kumar

great !!!!

Iqbal Singh

Bomb Aa

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ