Mon, 27 May 2019
Your Visitor Number :-   1712074
SuhisaverSuhisaver Suhisaver
ਪੱਛਮੀ ਬੰਗਾਲ ਦੇ 9 ਲੋਕ ਸਭਾ ਹਲਕਿਆਂ 'ਚ ਚੋਣ ਕਮਿਸ਼ਨ ਨੇ ਪ੍ਰਚਾਰ 'ਤੇ ਲਗਾਈ ਪਾਬੰਦੀ               ਪਾਕਿਸਤਾਨ ਨੇ ਜਾਰੀ ਕੀਤੀਆਂ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘੇ ਦੀ ਉਸਾਰੀ ਦੀਆਂ ਤਾਜ਼ਾ ਤਸਵੀਰਾਂ              

ਆ ਗਈ ਬਸੰਤ ਵੇ - ਮਲਕੀਅਤ ‘ਸੁਹਲ’

Posted on:- 25-01-2014



ਜਾ ਪਰਦੇਸੀ ਢੋਲਾ ਆ ਗਈ ਬਸੰਤ ਵੇ ।

ਦੂਰੋਂ ਦੂਰੋਂ ਸਖ਼ੀਆਂ ਦੇ ਆ ਗਏ ਨੇ ਕੰਤ ਵੇ ।

ਬਸੰਤ ਬਹਾਰ ਮੁੜ ਅਉਣੀ ਨਹੀਉਂ ਸੱਜਣਾਂ ।
ਮੌਸਮ ਪਿਆਰਾ ਕੋਈ ਬੱਦਲ ਨਹੀਂ ਗੱਜਣਾਂ ।

ਤੇਰੀਆਂ ਉੱਡੀਕਾਂ ਦਾ ਵੀ ਹੋ ਗਿਆ ਅੰਤ ਵੇ,
ਆ ਜਾ ਪਰਦੇਸੀ ਢੋਲਾ ਆ ਗਈ ਬਸੰਤ ਵੇ ।

ਦੂਰੋਂ ਦੂਰੋਂ ਸਖ਼ੀਆਂ ਦੇ ਆ ਗਏ ਨੇ ਕੰਤ ਵੇ ।
ਟਾਹਣੀ ਵਿਚੋਂ ਪੁੰਗਰੇ ਮਸੂਮ ਫ਼ੁੱਲ ਪੱਤੀਆਂ ।

ਸ਼ਾਂਤ ਹਵਾਵਾਂ ਚੰਨਾ ਅਉਦੀਆਂ ਨਾ ਤੱਤੀਆਂ ।
ਖ਼ੁੱਡਾਂ ਚੋਂ ਬਾਹਰ ਆਏ ਸੱਭ ਜੀਆ ਜੰਤ ਵੇ ,

ਆ ਜਾ ਪਰਦੇਸੀ ਢੋਲਾ ਆ ਗਈ ਬਸੰਤ ਵੇ ।
ਦੂਰੋਂ ਦੂਰੋਂ ਸਖ਼ੀਆਂ ਦੇ ਆ ਗਏ ਨੇ ਕੰਤ ਵੇ ।

ਖੇਤਾਂ ਵਿਚ ਸਰ੍ਹੋਂ ਖ਼ਿੱੜੀ ਫ਼ੁੱਲ ਬੇ-ਸ਼ੁਮਾਰ ਵੇ ।
ਤੇਰੇ ਆਉਣ ਨਾਲ ਮੇਰੀ ਖ਼ਿੱੜੂ ਗੁਲਜ਼ਾਰ ਵੇ ।

ਬਣ ਕੇ ਤੂੰ ਆ ਜਾ ਚੰਨਾ ਮੇਰਾ ਭਗਵੰਤ ਵੇ,
ਦੂਰੋਂ ਦੂਰੋਂ ਸਖ਼ੀਆਂ ਦੇ ਆ ਗਏ ਨੇ ਕੰਤ ਵੇ ।

ਆ ਜਾ ਮੇਰੇ ਮਾਹੀਆਂ ਆ ਗਈ ਬਸੰਤ ਵੇ ।
ਪੇਚੇ ਉਤੇ ਪੇਚੇ ਲਗੇ ਚੜ੍ਹੀਆਂ ਪਤੰਗਾਂ ਨੇ।

ਤੇਰੀਆਂ ਹੀ ਚੰਨਾ ਮੇਰੇ ਦਿਲ ‘ਚ ਉਮੰਗਾਂ ਨੇ।
ਰੱਬ ਦੇ ਵੀ ਰੰਗ ਹੁੰਦੇ ਸੁਹਣਿਆਂ ਬੇਅੰਤ ਵੇ,

ਆ ਜਾ ਪਰਦੇਸੀ ਢੋਲਾ ਆ ਗਈ ਬਸੰਤ ਵੇ ।
ਮੇਰੀਆਂ ਵੀ ਸਖ਼ੀਆਂ ਦੇ ਆ ਗਏ ਨੇ ਕੰਤ ਵੇ।

“ਸੁਹਲ” ਜਿਹੇ ਫੁੱਲਾਂ ਉਤੇ ਮੌਸਮੀਂ ਬਹਾਰ ਏ।
ਆਇਆ ਘਰ ਮਾਹੀ ਮੇਰੀ ਵੱਖ਼ਰੀ ਨੁਹਾਰ ਏ।

ਅੱਗੇ ਪਿੱਛੇ ਫਿਰੇ ਤੇਰੀ ਸੁਹਣੀ ਕੁਲਵੰਤ ਵੇ,
ਆਇਆ ਘਰ ਮਾਹੀ ਅੱਜ ਆਈ ਬਸੰਤ ਵੇ।

ਸਖ਼ੀਆਂ ਸਹੇਲੀਆਂ ਦੇ ਆਏ ਸੱਭ ਕੰਤ ਵੇ ।

ਸੰਪਰਕ: +91 98728 48610

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ